Ilteangachas

Forléargas ar bheartais an AE i réimse na dteangacha

Seachas 23 teanga oifigiúil an AE, is iomaí teanga réigiúnach agus mionlaigh a labhraítear san Eoraip. Féachann an AE leis an éagsúlacht teanga sin a chosaint agus foghlaim na dteangacha a chur chun cinn.

Léigh an téacs iomlánLéigh an téacs iomlán

Teangacha oifigiúla

23 teanga oifigiúil atá ag an AE faoi láthair

Is iad seo teangacha oifigiúla an AE faoi láthair: an Béarla, an Bhulgáiris, an Danmhairgis, an Eastóinis, an Fhionlainnis, an Fhraincis, an Ghaeilge, an Ghearmáinis, an Ghréigis, an Iodáilis, an Laitvis, an Liotuáinis, an Mháltais, an Ollainnis, an Pholainnis, an Phortaingéilis, an Rómáinis, an tSlóivéinis, an tSlóvaicis, an Spáinnis, an tSeicis, an tSualainnis agus an Ungáiris.

Éist le sampla de theangacha oifigiúla an AE

Tá sé de cheart ag saoránaigh cáipéisí a chur chuig institiúidí an AE in aon cheann de na teangacha sin, agus freagra a fháil sa teanga sin. Fairis sin, foilsítear gach rialachán agus cáipéis eile reachtach i ngach ceann de na teangacha sin.

I bParlaimint na hEorpa, tá sé de cheart ag ionadaithe tofa na ndaoine labhairt in aon teanga oifigiúil de chuid an AE.

Teangacha a úsáidtear ar EUROPA

Ní féidir díchuimse an eolais ar an ngréasán faoin AE is a chuid gníonmhaíoichtaí uile a chur ar fáil i ngach teanga oifigiúil. Tugann an AE an t-eolas is tábhachtaí faoina bheartais, agus cáipéisí a bhaineann le deiseanna ar mhaoiniú, i ngach teanga. Tugtar an t-inneachar eile sna teangacha is forleithne a labhraítear.

Teangacha réigiúnacha is mionlaigh

Tá breis is 60 teanga dhúcháis réigiúnach nó mionlaigh á labhairt san AE, ag thart ar 40 milliún duine. Ina measc tá an Bhascais, an Bhreatnais, an Chatalóinis, an Fhreaslainnis, an Ghiúdais agus an tSáimis.

Is é beartas an AE mionteangacha a chosaint is a chur chun cinn agus maoiníodh roinnt mhaith tionscnamh chun na críche sin.

Foghlaim teangacha

Roinnt foclóirí ilteangacha ar sheilf leabhar © iStockphoto

Tá an-tairbhe sna teangacha iasachta do leanaí óna n-óige amach.

Tá sé mar chuspóir go labhródh cách san AE dhá theanga sa bhreis ar a dteanga dhúchais. Chun é sin a bhaint amach, tá an AE ar son dhá theanga iasachta a mhúineadh do leanaí óna n-óige. Tá fianaise ann go mb'fhéidir go gcuirfeadh sé sin luas faoi fhoghlaim na dteangacha agus gur fearrde na scileanna ina dteanga dhúchais.

Tacaíonn an AE le foghlaim na dteangacha toisc:

go gcabhraíonn sí chun pobail idir dhaoine aonair agus náisiúin a thógáil, is gur gá í chun maireachtáil le chéile in Eoraip ilteangach, ilchultúrtha.
gur gá foireann ilteangach do lucht gnó le trádáil go héifeachtach ar fud na hEorpa
go bhfuil tionscal na dteangacha - aistriúchán is ateangaireacht, múineadh teangacha, teicneolaíochtaí teanga, srl. - ar cheann de na réimsí is tapúla atá ag fás sa gheilleagar.

Léirigh suirbhé in 2006 go raibh 28% na bhfreagróirí ag maíomh go raibh dhá theanga acu, agus 56% ag rá go raibh ceann amháin acu. Níl ach mionlach beag na nEorpach a mheasann ná fuil tábhacht le foghlaim teangacha - 8% in 2006.