It-teknoloġija tal-informazzjoni

Nippermettu r-rivoluzzjoni diġitali

Għalkemm ir-rivoluzzjoni tal-informazzjoni - il-mowbajls, l-internet, is-sistemi ta' twassil diġitali b'veloċità kbira - hi mmexxija mit-teknoloġiji u l-forza tas-suq, l-UE kienet tinsab fil-qalba tal-proċess:

• naqbdu r-ritmu biex niftħu s-swieq
• niżguraw aċċess ġust għall-kumpaniji kollha
• niddefendu l-interessi tal-konsumatur
• nistabbilixxu standards tekniċi.

Ir-riżultat għall-individwi u n-negozji huwa servizzi orħos u aħjar, ta’ kwalità u affidabbiltà ogħla. L-għażla tal-konsumatur kibret kemm fil-prodotti kif ukoll fis-servizzi - u bi tweġiba għal dan, id-domanda għall-mowbajls u l-aċċess għall-internet sploda.

Wieħed mill-ħafna – utent regolari tal-internet.

Mir-regolamentazzjoni għall-kompetizzjoni

Bil-konverġenza tat-teknoloġija tal-komunikazzjoni u tax-xandir permezz tad-diġitalizzazzjoni, fl-2003 l-UE kellha ddaħħal regoli li jkopru n-netwerks u s-servizzi kollha tal-komunikazzjoni elettronika.

Bħalissa dawn ir-regoli qed jiġu eżaminati, b'enfasi fuq:

• l-iżgurar li l-konsumaturi jkollhom aċċess għas-servizzi bażiċi bi prezzijiet li jlaħħqu magħhom (telefown, faks, internet, sejħiet ta' emerġenza bla ħlas), inklużi l-persuni b'diżabilità
• iktar stimolu lill-kompetizzjoni, sabiex b'hekk tiddgħajjef il-pożizzjoni dominanti li eks-monopolji rnexxielhom iżommu għal ċerti servizzi, bħall-aċċess għall-internet b’veloċità kbira.

Ir-regoli huma applikati b'mod indipendententi mill-awtoritajiet f'kull pajjiż tal-UE, bir-regolaturi nazzjonali li jikkoordinaw il-politiki tagħhom fil-livell tal-UE permezz ta' forums bħall-Grupp Ewropew tar-Regolaturi għall-Komunikazzjonijiet Elettroniċi, Berec (dak li qabel kien il-Grupp Ewropew tar-Regolaturi (ERG) .

Ir-reviżjoni qed tara li tissimplifika iktar ir-regoli billi tippermetti lill-BEREC jieħu parti mill-funzjoni regolatorja, biex ikun hemm aġenzija waħda għall-Ewropa kollha.

Stimolu fit-tkabbir ekonomiku

It-tekonoloġiji tal-informazzjoni issa jagħmlu parti importanti mill-istrateġija tal-Ewropa għat-tkabbir ekonomiku - speċifikament fil-forma tal-Aġenda Diġitali , li tistabbilixxi politiki u miżuri li jimmassimizzaw il-benefiċċju tar-rivoluzzjoni diġitali għal kulħadd.

Biex tilħaq dan il-għan, il-Kummissjoni taħdem id f'id mal-gvernijiet nazzjonali u l-organizzazzjonijiet u l-kumpaniji rilevanti. Assemblea tal-Aġenda Diġitali li tiltaqa' kull sena tgħaqqad lil dawn il-partijiet interessati flimkien biex jevalwaw il-progress u l-isfidi tal-futur .

Innaqqsu d-distakk diġitali

Għalkemm iktar minn nofs l-Ewropej jużaw l-internet ta' spiss, u aktar minn nofs għandhom mowbajl, l-UE trid tisfrutta l-użu tat-teknoloġiji tal-informazzjoni.

Jekk l-UE trid ekonomija effiċjenti u kompetittiva:

• in-negozji u l-individwi għandu jkollhom aċċess għal infrastruttura tal-komunikazzjoni rħisa u ta' kwalità għolja u firxa wiesgħa ta' servizzi
• ilkoll kemm aħna għandna nkunu nistgħu niksbu l-ħiliet meħtieġa biex ngħixu u naħdmu fl-era tal-informazzjoni.

L-azzjoni speċifika mill-UE biex tikseb dan tinkludi:

• l-iżgurar li l-operaturi jitolbu prezzijiet ġusti għall-użu tal-mowbajl meta tkun imsiefer fl-UE (miżati tar-roaming )
• l-appoġġ għall-aċċess għall-internet u l-introduzzjoni ta' servizzi diġitali f'reġjuni ifqar tal-UE
• il-promozzjoni tal-firxa tal-broadband b'veloċità kbira għad-djar
• l-appoġġ għall-espansjoni tas-servizzi elettroniċi għall-kumpaniji u servizzi pubbliċi onlajn.

Il-broadband hu s-soluzzjoni

It-teknoloġija ewlenija ta' appoġġ hi l-aċċess tal-internet broadband, li jipprovdi komunikazzjoni onlajn rapida, irħisa u permanenti. Kważi 30% tad-djar fl-UE għandhom aċċess broadband, għalkemm iċ-ċifri huma iktar baxxi għall-pajjiżi li ngħaqdu fl-UE mill-2004 'il quddiem.

Qed isiru sforzi biex l-iskejjel, l-universitajiet, il-libreriji, il-mużewijiet u istituzzjonijiet simili jiġu konnessi ma' netwerks broadband. Madwar 96% tal-iskejjel fl-UE issa jinsabu onlajn, 67% minnhom b'konnessjoni broadband b'veloċità kbira.

Barra minn hekk, il-gvernijiet tal-UE għandhom jipprovdu servizzi tas-saħħa onlajn liċ-ċittadini, inkluża informazzjoni dwar il-prevenzjoni tal-mard, rekords tas-saħħa onlajn, telekonsultazzjonijiet, u rimborsi elettroniċi ta’ spejjeż mediċi.

Fuq

L-istituzzjonijiet u entitajiet tal-UE

• Il-Kummissjoni Ewropea
  • Id-dipartiment tan-netwerks tal-komunikazzjoni, il-kontenut u t-teknoloġija (CNECT)
• Il-Parlament Ewropew
  • Il-Kumitat dwar l-Industrija, ir-Riċerka u l-Enerġija
• Il-Kunsill tal-Unjoni Ewropea
  • It-Trasport, it-telekomunikazzjoni u l-enerġija
• Il-Kumitat Ekonomiku u Soċjali Ewropew
  • Taqsima tat-trasport, l-enerġija, l-infrastruttura u s-soċjetà tal-informazzjoni
• Il-Kumitat tar-Reġjuni
  • Kummissjoni għall-edukazzjoni, iż-żgħażagħ, il-kultura u r-riċerka (EDUC)
• Il-Kontrollur Ewropew għall-Protezzjoni tad-Dejta
  • Il-Kontrollur Ewropew għall-Protezzjoni tad-Dejta
• Aġenziji tal-UE
  • L-Aġenzija Ewropea għas-Sigurtà tan-Netwerks u l-Informazzjoni (ENISA)

Opportunitajiet ta' finanzjament

• Għotjiet ta' flus
• Sejħiet għall-offerti (akkwist pubbliku)

Pubblikazzjonijiet, newsletters u statistika

• Pubblikazzjonijiet
• Newsletters
• L-istatistika

Leġiżlazzjoni

• Il-leġiżlazzjoni tal-UE dwar it-teknoloġija tal-informazzjoni fil-qosor
• Leġiżlazzjoni fis-seħħ dwar it-teknoloġija tal-informazzjoni: Teknoloġija ta’ l-informatika, telekomunikazzjoni, proċessar ta’ informazzjoni / It-tixrid tal-informazzjoni
• It-trattat dwar il-Funzjonament tal-Unjoni Ewropea - Artikoli 179 - 190