Cosán nascleanúna


Teicneolaíocht faisnéise

Fanacht i dteagmháil áit ar bith, am ar bith

Tá ról ríthábhachtach tacaíochta ag an AE agus athrú ag teacht ar mhodhanna maireachtála, oibre agus idirghníomhaithe na nEorpach de bharr teicneolaíochtaí cumarsáide nua-aimseartha.

Cumasú na réabhlóide digití

Cé go mbíonn an réabhlóid faisnéise – fóin phóca, an t-idirlíon, córais seachadta dhigiteacha ardluais – á spreagadh ag an teicneolaíocht agus ag fórsaí an mhargaidh, tá an AE ag croílár an phróisis tríd an méid seo a leanas a dhéanamh:

  • an luas a shocrú le haghaidh margaí nua
  • rochtain chothrom a chinntiú le haghaidh gach cuideachta
  • leasanna an tomhaltóra a chosaint
  • caighdeáin theicniúla a shocrú.

Dá bhrí sin, is é an toradh atá ann do dhaoine aonair agus do ghnólachtaí ná seirbhísí atá níos saoire, níos iontaofa agus ar chaighdeán níos fearr. Tá rogha níos fairsinge os comhair tomhaltóirí i dtéarmaí soláthraithe agus seirbhísí araon agus, mar fhreagra air sin, tá fás thar cuimse tagtha ar an éileamh ar fhóin phóca agus ar rochtain ar an idirlíon.

Buachaill ag scimeáil ar an nGréasán © Bilderbox

Duine a úsáideann an t-idirlíon go rialta – ar nós fhormhór na ndaoine

Ó rialáil go hiomaíocht

Le teacht le chéile na dteicneolaíochtaí cumarsáide agus craolacháin trí bhíthin an digitithe, bhí ar an AE rialacha a thabhairt isteach in 2003 inar cuimsíodh gach líonra agus seirbhís cumarsáide leictreonaí.

Tá athbhreithniú á dhéanamh ar na rialacha sin anois, agus táthar ag díriú orthu seo a leanas:

  • a chinntiú go bhfuil rochtain ar sheirbhísí bunúsacha ar phraghas réasúnta (fón, facs, idirlíon, glaonna éigeandála in aisce) ag gach custaiméir, lena n-áirítear daoine atá faoi mhíchumas
  • an iomaíocht a spreagadh tuilleadh trí laghdú a dhéanamh ar an staid cheannasach a bhíodh ag sean-mhonaplachtaí náisiúnta teileachumarsáide i ndáil le seirbhísí áirithe, amhail rochtain ardluais ar an idirlíon.

    • Cuireann na húdaráis i ngach tír den AE na rialacha i bhfeidhm go neamhspleách, agus déanann rialtóirí náisiúnta a mbeartais a chomhordú ar leibhéal an AE trí bhíthin fóram amhail Comhlacht na Rialtóirí Eorpacha um Chumarsáid Leictreonach, BEREC (ar a dtugtaí Grúpa Rialtóirí na hEorpa (ERG) roimhe seo) English.

    Tá sé mar aidhm ag an athbhreithniú na rialacha a shimpliú tuilleadh trí chuid den fheidhm rialála a thabhairt do BEREC, agus dá bhrí sin, beidh BEREC ina ghníomhaireacht aonair don Eoraip ar fad.

An fás eacnamaíoch a chur chun cinn

Tá teicneolaíochtaí faisnéise mar dhlúthchuid de straitéis um fhás eacnamaíoch na hEorpa anois – go sonrach i bhfoirm a Cláir oibre dhigitigh English, ina léirítear beartais agus bearta chun tairbhe na réabhlóide digití a uasmhéadú do chách.

D’fhonn an cuspóir sin a bhaint amach, oibríonn an Coimisiún i ndlúthchomhar le rialtais náisiúnta agus le heagraíochtaí agus le cuideachtaí iomchuí. Tugtar na páirtithe leasmhara sin le chéile faoi Thionól an Chláir Oibre Dhigitigh English a bhíonn ar siúl gach bliain chun dul chun cinn agus dúshláin atá ag teacht chun cinn English a mheasúnú.

An bhearna dhigiteach a dhúnadh

Cé go n-úsáideann níos mó ná leath de mhuintir na hEorpa an t-idirlíon go rialta, agus go bhfuil fón póca ag líon níos airde fós, is mian leis an AE úsáid na dteicneolaíochtaí faisnéise a uasmhéadú.

Tá na nithe seo a leanas riachtanach ionas go mbeidh geilleagar éifeachtúil agus iomaíoch ag an AE:

  • ní mór go mbeadh rochtain ar bhonneagar cumarsáide saor atá ar ardchaighdeán ag gnólachtaí agus ag daoine aonair, mar aon le rochtain ar réimse leathan seirbhísí
  • ní mór dúinn ar fad a bheith in ann na scileanna is gá a bhaint amach chun maireachtáil agus chun obair in aois na faisnéise.

Áirítear iad seo a leanas ar ghníomhaíochtaí sonracha an AE chun an méid sin a bhaint amach:

  • a chinntiú go ngearrann oibreoirí praghsanna córa ar fhón póca a úsáid thar lear san AE (táillí fánaíochta English)
  • tacú le rochtain ar an idirlíon agus le dul i bhfód seirbhísí digiteacha nua sna réigiúin is boichte den AE (réigiúin fhorimeallacha go minic)
  • cur chun cinn a dhéanamh maidir le scaipeadh leathanbhanda ardluais do theaghlaigh
  • tacú le fairsingiú seirbhísí ríomhghnó le haghaidh cuideachtaí agus seirbhísí poiblí ar líne.

Tá an leathanbhanda ríthábhachtach

Is í rochtain ar an idirlíon leathanbhanda an teicneolaíocht ríthábhachtach chumasaithe, trína gcuirtear cumarsáid ar líne thapa, shaor agus bhuan ar fáil. Tá rochtain leathanbhanda ag 30% de theaghlaigh an AE nach beag, cé go bhfuil na figiúirí níos ísle i gcás na dtíortha a tháinig isteach san AE ó 2004 i leith

Tá an feachtas faoi lánseol chun scoileanna, ollscoileanna, leabharlanna, iarsmalanna agus institiúidí dá samhail a nascadh le líonraí leathanbhanda. Tá 96% de scoileanna san AE ar líne anois, agus leathanbhanda ardluais ag 67% díobh.

Tá tús curtha ag rialtais an AE seirbhísí sláinte ar líne a chur ar fáil dá saoránaigh, lena n-áirítear faisnéis maidir le cosc tinneas, taifid sláinte ar líne, comhairliúcháin chianda, agus aisíoc chostas leighis a dhéanamh go leictreonach.

Barr

Barr




Barr

Set page to normal font sizeIncrease font size by 150 percentIncrease font size by 200 percent | Roghnaigh dath gorm an leathanaighRoghnaigh dath glas an leathanaighRoghnaigh dath dearg an leathanaighChoose high-contrast version

Leabharmharcáil an leathanach seo Cuir an leathanach seo chuig cara Clóigh an leathanach seo

Réimsí beartais gaolmhara

Cabhraigh linn feabhsú

An bhfuair tú an t-eolas a bhí uait?

FuairNí bhfuair

Cad a bhí uait?

An bhfuil aon mholtaí agat?

Ní thig leat é a fháil? Bain triail as an A go ZAÁBCDEFGHIÍLMNOÓPQRSTUÚVWXYZ