Qafas Finanzjarju Multiannwali 2014 - 2020

Il-Qafas Finanzjarju Multiannwali li jmiss, li bħalissa qed jiġi diskuss, għandu jiddefinixxi l-prijoritajiet fit-tul għall-infiq tal-UE

Min jiddeċiedi kif jintefqu l-flus?

Il-proċess involut fid-deċiżjoni dwar kemm flus tonfoq l-UE u kif tonfoqhom huwa wieħed demokratiku. Kull sena:

• il-Kummissjoni Ewropeatipproponi baġit għas-sena sussegwenti li jkopri kull politika u programm
• rappreżentanti eletti fil-Parlament Ewropew u l-Kunsill tal-UEjiddeċiedu dwar il-pjanijiet ta' nfiq

Segwitu

• Meta l-flus ikunu ntużaw, il-Kummissjoni jeħtiġilha tirraporta lura lill-Parlament Ewropew dwar kif tkun nefqithom.
• L-infiq jaqa' wkoll taħt l-iskrutinju tal-Qorti Ewropea tal-Awdituri.

Fuq xiex jintefqu l-flus?

Fl-Ewropa

Il-flus tal-baġit jintużaw l-iktar għal:

• taħriġ għal ħiliet ġodda u stimolu lin-negozji biex jinnovaw ruħhom u joħolqu l-impjiegi
• ħarsien tal-ambjent u titjib fil-kwalità tal-ħajja permezz tal-iżvilupp rurali u ambjentali
• bini ta' infrastruttura soda: toroq, ferroviji, pontijiet, pajpijiet tal-gass u linji tal-elettriku li jgħaqqdu l-aktar żoni mbiegħda tal-UE
• appoġġ tad-diversità kulturali u skambji edukattivi
• assistenza ta' emerġenza f'postijiet milquta minn għargħar jew terremoti.

Barra mill-Ewropa

Bħala attur globali maġġuri, l-UE għandha ċerti obbligi lejn id-dinja ta' barra: il-promozzjoni tal-iżvilupp ekonomiku u soċjali, iż-żamma tal-paċi u l-għajnuna lill-vittmi ta' diżastri u kunflitti.

Hi partikolarment attiva fi 3 gruppi ta' pajjiżi:

• partijiet tad-dinja li qed jiżviluppaw li xi pajjiżi tal-UE għandhom rabtiet storiċi qawwijin magħhom, speċjalment l-Afrika u reġjuni tal-Karibew u l-Paċifiku
• ekonomiji emerġenti ħdejn il-fruntieri tal-lvant tal-UE u madwar il-Mediterran
• pajjiżi membri potenzjali tal-UE .

L-ewwel 3 oqsma ta' nfiq (ċifri tal-2011)

1. 45% jmorru biex l-UE ssir iktar kompetittiva u biex jistimolaw l-iżvilupp fl-ifqar reġjuni/pajjiżi ("koeżjoni").
2. 31% jintefqu fuq is-sussidji lil-bdiewa tal-UE. Din l-għajnuna m'għadhiex marbuta ma' produzzjoni eċċessiva. Minflok, din tiżgura provvista ta' ikel sigur bi prezzijiet raġonevoli u tiżgura li l-bdiewa jgawdu minn dħul ġust, waqt li fl-istess ħin iħarsu l-ambjent.
3. 11% huma allokati għall-iżvilupp rurali.

R&D - fejn l-użu komuni tar-riżorsi jagħmel sens

Ġeneralment, l-UE hija responsabbli biss mill-infiq tal-flus fejn dan jagħmel sens għall-pajjiżi membri tagħha li jaqsmu r-riżorsi bejniethom. Il-programmi ta' riċerka xjentifika, vitali biex l-Ewropa tibqa' kompetittiva fid-dinja, huma eżempju tajjeb ta' dan.

Il-fondi tal-UE għar-riċerka jippromwovu proġetti integrati ta' riċerka li jinvolvu xjentisti li jaħdmu f'pajjiżi differenti tal-UE. Dan il-metodu jaqsam il-frott tar-riċerka nazzjonali madwar l-UE, kif ukoll joħloq ekonomiji ta' skala u sforz.

L-oqsma li jgawdu minn dan huma bosta, inklużi l-bijoteknoloġija, it-teknoloġiji tal-informazzjoni, in-nanoteknoloġija u r-riċerka spazjali.

Kemm tiswa l-UE biex titmexxa?

L-ispejjeż biex titmexxa l-UE (l-amministrazzjoni) jammontaw għal 6% tal-infiq totali. Dan jinkludi l-ispiża tat-tmexxija tal-istituzzjonijiet kollha (l-aktar il-Kummissjoni Ewropea, il-Parlament Ewropew u l-Kunsill tal-Ministri), u tat-tradutturi u l-interpreti li jagħmlu l-informazzjoni disponibbli fil-lingwi uffiċjali kollha tal-UE.

Fuq

Istituzzjonijiet u entitajiet tal-UE

• Kummissjoni Ewropea :
  • Dipartiment tal-baġit
  • Riforma tal-baġit
  • Uffiċċju Ewropew Kontra l-Frodi (OLAF)
  • Servizz tal-Verifika Interna
  • Fatti u ċifri dwar il-baġit
• Parlament Ewropew:
  • Kumitat dwar il-Baġits
  • Kumitat dwar il-Kontroll tal-Baġit
• Kunsill tal-Unjoni Ewropea
  • Affarijiet ekonomiċi u finanzjarji
• Il-Kumitat Ekonomiku u Soċjali Ewropew
  • Taqsima tal-Unjoni Ekonomika u Monetarja, il-koeżjoni ekonomika u soċjali
• Il-Kumitat tar-Reġjuni
  • Kummissjoni għall-politika ekonomika u soċjali (ECOS)
• Ombudsman Ewropew
  • Ombudsman Ewropew
• Qorti tal-Awdituri
  • Il-Qorti tal-Awdituri u l-baġit tal-UE

Opportunitajiet ta’ finanzjament

• Sejħiet għall-offerti (akkwist pubbliku)

Pubblikazzjonijiet, newsletters u statistika

• Publikazzjonijiet
• Newsletters
• Statistika
• Il-baġit ġenerali skont is-sena

Leġiżlazzjoni

• Il-leġiżlazzjoni tal-UE dwar il-baġit tal-UE fil-qosor
• Leġiżlazzjoni fis-seħħ dwar il-baġit tal-UE
• Trattat dwar il-Funzjonament tal-Unjoni Ewropea - Artikoli 310 - 324