L-ambjent

Il-bijodiversità

L-UE għandha strateġija biex twaqqaf it-tnaqqis tal-ispeċi u l-ħabitats li jinsabu fil-periklu li jinqerdu sal-2020. Fil-qofol tagħha nsibu Natura 2000 , netwerk ta' 26 000 żona naturali protetta li jkopri kważi 20% tat-territorju tal-blokk.

Dawn mhumhiex riżervi naturali, iżda pjuttost siti fejn jistgħu jsiru l-attivitajiet sostenibbli tal-bniedem mingħajr ma jheddu l-ispeċi u l-ħabitats rari u fraġli.

Nużaw ir-riżorsi b'mod effiċjenti

Jekk irridu nevitaw kriżi fl-użu tar-riżorsi naturali limitati li għandna, hemm bżonn li jsir tibdil fundamentali fl-ekonomija tagħna. Apparti li tfassal il-liġi, l-UE tgħin ukoll billi tipprovdi l-edukazzjoni pubblika, ir-riċerka u l-finanzjament pubbliku li huma essenzjali għal dan.

Ir-rispons tagħha huwa mżewwaq bi pjanijiet għal perjodu fit-tul u tibdil progressiv - bħall-promozzjoni ta' prodotti li jirrispettaw l-ambjent u tħeġġeġ l-użu ta' tikketti li juru effiċjenza fl-enerġija fuq it-tagħmir għall-konsumatur bħall-magni tal-ħasil.

L-ilma

Il-protezzjoni b'mod effettiv tar-riżorsi tal-ilma u tal-ekosistemi komuni fl-Ewropa mit-tniġġis, mit-tibdil fil-klima u mill-iskart marittimu teħtieġ azzjoni miftiehma fil-livell tal-UE.

Il-politika tal-ilma tal-UE għandha l-għan li:

• tagħti aċċess għal ilma ta' kwalità tajba u fi kwantità suffiċjenti lill-Ewropej kollha
• tiżgura li l-korpi kollha tal-ilma madwar l-Ewropa jilħqu l-istandards minimi ta' ndafa
• tippreserva l-ambjenti vulnerabbli tal-ilma.

L-arja

Il-kwalità tal-arja hi qasam li fih l-UE kienet attiva ħafna billi waqqfet, b'mod ambizzjuż u li jagħti każ l-ispejjeż, standards u miri għal numru ta' elementi tat-tniġġis, fosthom id-diossidu tal-kubrit, id-diossidu tan-nitroġenu u l-ossidi tan-nitroġenu, il-materja f'partiċelli u ċ-ċomb.

Filwaqt li kollox ma' kollox it-tendenzi fil-kwalità tal-arja huma pożittivi, jinħtieġ sforz kontinwu.

L-iskart

Jekk nistgħu nnaqsu l-ammont ta' skart li nipproduċu mill-ewwel, awtomatikament ikun iktar faċli li neħilsu minnu. L-UE qed timmira li tagħmel dan permezz ta':

• inizjattivi ġodda għall-prevenzjoni tal-iskart
• użu aħjar tar-riżorsi
• inkoraġġiment għal konsum ta' xeħta iktar sostenibbli.

Fejn l-iskart ma jistax jiġi evitat, il-materjali għandhom jiġu miġbura, preferibbilment permezz tar-riċiklaġġ. Din hi r-raġuni għaliex l-UE qed issejjaħ sabiex jittejbu l-metodi tal-manifattura u tħeġġeġ lill-konsumaturi biex jitolbu prodotti riċiklati u ekoloġiċi u inqas ippakkjar.

Niffinanzjaw UE iktar ekoloġika

Il-mod ewlieni li bih l-UE ssostni l-proġetti ambjentali u ta' konservazzjoni hu permezz tal-programm LIFE tagħha, li jipprovdi l-fondi kemm fl-UE kif ukoll lil hinn minnha, f'pajjiżi li għandhom ċans isiru membri u f'pajjiżi ġirien oħra.

Mill-1992 'l hawn, LIFE ipprovda madwar €2bn għal aktar minn 3000 proġett, fosthom reġa' daħħal l-avaltun bil-baffi fl-Andalusia, biddel il-laminati f'enerġija u f'aluminju u rristawra l-mergħat kostali u l-artijiet mistgħadra fil-gżejjer tal-Baħar Baltiku.

Fuq

L-entitajiet u l-istituzzjonijiet tal-UE

• Il-Kummissjoni Ewropea
  • L-ambjent
  • Azzjoni għall-Klima
• Il-Parlament Ewropew
  • Il-Kumitat għall-Ambjent, is-Saħħa Pubblika u s-Sikurezza tal-Ikel
• Il-Kunsill tal-Unjoni Ewropea
  • L-ambjent
• Il-Kumitat Ekonomiku u Soċjali Ewropew
  • Taqsima tal-agrikoltura, l-iżvilupp rurali u l-ambjent
• Il-Kumitat tar-Reġjuni
  • Kummissjoni għall-ambjent, it-tibdil fil-klima u l-enerġija (ENVE)
• Il-Bank Ewropew għall-Investiment
  • Il-Bank Ewropew tal-Investiment u l-ambjent
  • Il-Prinċipji Ewropej għall-Ambjent (EPE)
• Aġenziji tal-UE
  • L-Aġenzija Ewropea għall-Ambjent

Pubblikazzjonijiet, newsletters u statistika

• Il-pubblikazzjonijiet
• Newsletters
• L-istatistika

L-opportunitajiet ta’ finanzjament

• L-għotjiet ta' flus
• Is-sejħiet għall-offerti (l-akkwist pubbliku)

Leġiżlazzjoni

• Il-leġiżlazzjoni tal-UE dwar l-ambjent fil-qosor
• Leġiżlazzjoni fis-seħħ dwar l-ambjent
• It-Trattat dwar il-Funzjonament tal-Unjoni Ewropea - Artikoli 191 - 193