Comhshaol

Bithéagsúlacht

Tá straitéis ag an AE chun stop a chur le meath na speiceas agus na ngnáthóg atá atá i mbaol faoin mbliain 2020. Is é croílár na straitéise sin ná Natura 2000 , líonra de 26 000 limistéar nádúrtha faoi chosaint a chuimsíonn beagnach 20% den mhórchríoch.

Ní anaclanna dúlra iad seo, ach láithreáin inar féidir gníomhaíochtaí daonna inbhuanaithe a bheith ar siúl gan dochar a dhéanamh do speicis agus do ghnáthóga neamhghnácha agus leochaileacha.

Úsáid éifeachtúil a bhaint as acmhainní

Má táimid chun géarchéim a sheachaint inár n-úsáid d’acmhainní nádúrtha teoranta, ní mór dúinn athruithe bunúsacha a dhéanamh ar ár ngeilleagar. Chomh maith le dlíthe a dhéanamh, cabhraíonn an AE chun an t-oideachas poiblí, taighde agus maoiniú poiblí atá riachtanach chuige sin a chur ar fáil.

Is é an fhreagairt atá aige ná meascán de phleananna fadtéarmacha agus athruithe de réir a chéile - amhail cur chun cinn táirgí éiceabhácha agus úsáid níos mó as lipéid éifeachtachta fuinnimh ar fhearais do thomhaltóirí amhail meaisíní níocháin a spreagadh.

Uisce

Má táimid chun acmhainní uisce roinnte agus éiceachórais na hEorpa a chosaint go héifeachtúil ar thruailliú, ar athrú aeráide agus ar bhruscar mara, tá gníomhaíocht chomhaontaithe ag teastáil ar leibhéal an AE.

Tá sé d’aidhm ag beartas uisce an AE:

• rochtain ar mhéideanna leordhóthanacha d’uisce ardchaighdeáin a thabhairt do gach Eorpach
• a chinntiú go gcomhlíonann gach dobharlach ar fud na hEorpa bunchaighdeáin ghlaineachta.
• timpeallachtaí uisceacha leochaileacha a chaomhnú.

Aer

Tá an AE tar éis a bheith an-ghníomhach i réimse cháilíocht an aeir, agus leag sé síos caighdeáin agus spriocanna do roinnt truailleán lena n-áirítear dé-ocsaíd sulfair, dé-ocsaíd nítrigine agus ocsaídí nítrigine, ábhar cáithníneach agus luaidhe, ar caighdeáin iad atá uaillmhianach agus éifeachtach ó thaobh costais de.

Cé go bhfuil na treochtaí a bhaineann le cáilíocht an aeir san AE spreagúil ar an iomlán, tá gá le hiarracht leanúnach.

Dramhaíl

Más féidir linn an méid dramhaíola a ghintear a laghdú sa chéad áit, beidh sé níos fusa dá bharr sin fáil réidh léi. Tá sé d’aidhm ag an AE é sin a bhaint amach trí bhíthin na mbeart seo a leanas:

• tionscnaimh nua chun an dramhaíl a chosc
• úsáid níos fearr a bhaint as acmhainní
• ídiú níos inbhuanaithe a spreagadh.

I gcás nach féidir dramhaíl a sheachaint, ba cheart ábhair a aisghabháil, agus b’fhearr é sin a dhéanamh trí athchúrsáil. Is chuige sin atá an AE ag iarraidh go n-úsáidfí modhanna monaraíochta feabhsaithe agus ag iarraidh ar chustaiméirí táirgí níos glaise agus táirgí athchúrsáilte agus níos lú pacáistiú a éileamh.

AE níos glaise a mhaoiniú

Is é an príomhbhealach atá ag an AE chun tacú le tionscadail chomhshaoil agus chaomhnaithe ná an clár LIFE, a scaipeann cistí san AE agus taobh amuigh den AE, i mballstáit féideartha agus i dtíortha comharsanachta eile.

Ó 1992 i leith, tá LIFE tar éis timpeall €2 bhilliún a chur isteach in os cionn 3,000 tionscadal amhail an bultúr uan a thabhairt ar ais chuig an Andalúis, lannáin a chomhshó go fuinneamh agus go halúmanam agus móinéir chósta agus bogaigh a athbhunú ar oileáin i Muir Bhailt.

Barr

Institiúidí agus comhlachtaí an AE

• An Coimisiún Eorpach
  • Comhshaol
  • Gníomhú ar son na haeráide
• Parlaimint na hEorpa
  • An Coiste um an gComhshaol, um Shláinte Phoiblí agus um Shábháilteacht Bia
• Comhairle an Aontais Eorpaigh
  • Comhshaol
• Coiste Eacnamaíoch agus Sóisialta na hEorpa
  • Talmhaíocht, forbairt tuaithe agus an comhshaol
• Coiste na Réigiún
  • An Coimisiún um an gComhshaol, Athrú Aeráide agus Fuinneamh (ENVE)
• An Banc Eorpach Infheistíochta
  • An Banc Eorpach Infheistíochta agus an comhshaol
  • Prionsabail na hEorpa don Chomhshaol (EPE)
• Gníomhaireachtaí an AE
  • An Ghníomhaireacht Chomhshaoil Eorpach

Foilseacháin, nuachtlitreacha agus staitisticí

• Foilseacháin
• Nuachtlitreacha
• Staitisticí

Deiseanna maoinithe

• Deontais
• Glaoch ar thairiscintí (soláthar poiblí)

Reachtaíocht

• Achoimrí ar reachtaíocht an AE i réimse an chomhshaoil
• Reachtaíocht atá i bhfeidhm i réimse an chomhshaoil
• An Conradh ar Fheidhmiú an Aontais Eorpaigh - Airteagail 191 - 193