Tkabbir

Inxerrdu l-prosperità u d-demokrazija

Id-dħul ta' membri ġodda kien parti mill-pjan mill-bidu nett. Il-missirijiet fundaturi kienu fiduċjużi biżżejjed dwar l-idea tagħhom li jħallu l-bieb miftuħ għal pajjiżi Ewropej oħrajn biex jingħaqdu fl-UE.

L-għoti ta' għajnuna lill-pajjiżi b'potenzjal li jsiru membri kien ir-respons tal-UE għat-tibdil fix-xena politika Ewropea f'dawn l-aħħar 50 sena, bil-promozzjoni tat-tkabbir ekonomiku u t-tisħiħ tal-forzi demokratiċi f'pajjiżi li joħorġu minn dittatorjati.

Ir-Rumeni jiċċelebraw id-dħul ta' pajjiżhom fl-UE fl-1 ta' Jannar 2007.

Puntent u Lvant magħqudin

Is-sitt membri fundaturi tal-UE fl-1957 kienu l-Belġju, Franza, il-Ġermanja, l-Italja, il-Lussemburgu u l-Pajjiżi l-Baxxi.

Mill-1973 'il quddiem, il-biċċa l-kbira tal-pajjiżi Ewropej tal-Punent ingħaqdu wkoll.

Imbagħad, wara l-waqa' tar-reġimi tagħhom fl-1989, bosta pajjiżi eks komunisti mill-Ewropa Ċentrali u tal-Lvant saru membri tal-UE bejn l-2004 u l-2007.

Min jista' jingħaqad?

It-Trattat dwar l-Unjoni Ewropea jiddikjara li kwalunkwe pajjiż Ewropew jista' japplika għas-sħubija jekk jirrispetta l-valuri demokratiċi tal-UE u jimpenja ruħu biex jippromwovihom.

Iżda b'mod speċifiku, pajjiż jista' jingħaqad biss jekk jilħaq il-kriterji kollha tas-sħubija:

• politiku – għandu jkollu istituzzjonijiet stabbli li jiggarantixxu d-demokrazija, l-istat tad-dritt u d-drittijiet tal-bniedem
• ekonomiku – għandu jkollu ekonomija tas-suq li tiffunzjona u jkun jista' jiffaċċja pressjoni kompetittiva u forzi tas-suq fi ħdan l-UE
• legali – għandu jaċċetta l-liġi u l-prattika stabbilita tal-UE - speċjalment l-għanijiet politiċi, ekonomiċi u monetarji ewlenin.

It-Turkija hi kandidat għas-sħubija fl-Unjoni Ewropea.

Kif taħdem?

Il-proċess fih 3 stadji (ilkoll suġġett għall-approvazzjoni mill-pajjiżi eżistenti kollha tal-UE):

1. pajjiż jiġi offrut il-prospett tas-sħubija. Dan ifisser li jingħata status ta' kandidat uffiċjali meta jkun lest.



2. il-pajjiż isir kandidat uffiċjali għas-sħubija - iżda dan xorta ma jfissirx li nfetħu n-negozjati formali.



3. il-kandidat jimxi għan-negozjati formali tas-sħubija proċess li normalment jinvolvi riformi biex jadotta l-liġi stabbilita tal-UE.

Meta n-negozjati u r-riformi li jġibu magħhom jitlestew għas-sodisfazzjoni taż-żewġ naħat, il-pajjiż jista' jingħaqad fl-UE - jekk il-pajjiżi kollha tal-UE jaqblu.

Min jista' jingħaqad dalwaqt?

Bħalissa l-UE offriet il-prospett tas-sħubija lil 9 pajjiżi: l-Albanija, it-Turkija, l-Islanda u l-pajjiżi kollha tal-eks Jugoslavja (minbarra s-Slovenja, diġà membru tal-UE).

5 minn dawn ingħataw status ta' kandidati uffiċjali:

• it-Turkija
• Is-Serbja
• Dik li kienetir-Repubblika Jugoslavatal-Maċedonja
• l-Islanda
• il-Montenegro

Il-Kroazja tinsab fi triqitha lejn l-adeżjoni, u mistennija tissieħeb fl-UE f'nofs l-2013.

Fuq

Istituzzjonijiet u entitajiet tal-UE

• Kummissjoni Ewropea
  • Servizz tat-tkabbir
  • Uffiċċju tal-Iskambju tal-Informazzjoni dwar Assistenza Teknika (TAIEX)
  • Is-Servizz Ewropew għall-Azzjoni Esterna
• Parlament Ewropew
  • Kumitat dwar l-Affarijiet Barranin
• Kunsill tal-Unjoni Ewropea
  • Affarijiet Ġenerali
  • Affarijiet Barranin
• Il-Kumitat Ekonomiku u Soċjali Ewropew
  • Taqsima tar-relazzjonijiet esterni
• Il-Kumitat tar-Reġjuni
  • Kummissjoni għaċ-ċittadinanza, il-governanza, l-affarijiet istituzzjonali u r-relazzjonijiet esterni (CIVEX)
• Il-Bank Ewropew għall-Investiment
  • Il-Bank Ewropew tal-Investiment u t-tkabbir

Pubblikazzjonijiet, newsletters u statistika

• Pubblikazzjonijiet
• Newsletters
• Statistika

Opportunitajiet ta’ finanzjament

• Għotjiet
• Sejħiet għall-offerti (akkwist pubbliku)

Leġiżlazzjoni

• Liġi dwar it-tkabbir tal-UE
• Liġijiet dwar it-tkabbir tal-UE tal-pajjiżi individwali
• Trattat dwar l-Unjoni Ewropea - Artikolu 49
• Trattat dwar il-Funzjonament tal-Unjoni Ewropea - Artikolu 212