Trádáil

Tiomanta do shaorthrádáil agus do thrádáil chóir

Is é an tAontas Eorpach an trádálaí is mó ar domhan, ag cuimsiú 20% d’allmhairí agus d’onnmhairí an domhain. Bhí saorthrádáil i measc a bhall ar cheann de phrionsabail bhunaidh an AE, agus tá sé tiomanta do thrádáil an domhain a léirscaoileadh chun tairbhe tíortha saibhre agus tíortha bochta araon.

Léigh an téacs iomlánLéigh an téacs iomlán

Déanann an Eoraip earraí a easpórtáil chuig gach cearn den domhan.

Baineann trádáil le gach duine. Bíonn tionchar ag beartas trádála orainn uile, gach lá, is cuma céard a dhéanaimid agus cá gcónaímid. Gan trádáil, bheadh ár saol an-srianta go deo. Cuimhnigh ar an gcupán tae nó caife ar maidin, ar na carranna a thiomáinimid, ar na ríomhairí a bhfuilimid ag brath orthu gach lá anois nó ar laethanta saoire ar mhór-roinn eile.

Tá an domhandú ag tabhairt níos mó agus níos mó tíortha, idir shaibhir agus dhaibhir, isteach sa gheilleagar domhanda agus á nochtadh d’iomaíocht mhéadaithe. Mar gheall ar an bpróiseas seo, tá athrú tagtha ar an gcaoi a mbímid ag trádáil agus ar an gcaoi a gcaithimid ár saol ó lá go lá.

Deis í forbairt trádála freisin – má dhéantar bainistiú cuí uirthi – d’fhás geilleagrach. Is éard a theastaíonn ó gheilleagar an AE a bheith iomaíoch agus sraith rialacha a chomhaontaítear go hidirnáisiúnta a bhunú.

I gcaibidlíochtaí trádála idirnáisiúnta, déanann an Coimisiún Eorpach ionadaíocht thar ceann 27 ball an AE.

Barr