Azzjoni għall-Klima

Nillimitaw il-ħsara

L-attività tal-bniedem aċċellerat it-tibdil fil-klima, iżda qatt mhu tard wisq biex nikkontrollaw ir-ritmu ta' dan il-proċess. L-UE qed taħdem qatigħ biex tnaqqas l-emissjonijiet tal-gassijiet b'effett serra fil-pajjiżi membri tagħha u tħeġġeġ lill-pajjiżi l-oħrajn jagħmlu l-istess. Qed tiżviluppa wkoll strateġija biex tindirizza l-impatt tat-tibdil fil-klima.

Għan wieħed, bosta azzjonijiet!

Il-mexxejja tal-UE qablu dwar sett ta' miri, li għandhom jintlaħqu sal-2020, li saru magħrufin bħala l-"miri 20-20-20". Dawn għandhom l-għan li:

• inaqqsu l-emissjonijiet tal-gassijiet b'effett serra fl-UE tal-anqas 20% inqas mil-livelli tal-1990
• iżidu għal 20% l-proporzjon tal-konsum tal-enerġija fl-UE li tiġi minn sorsi rinnovabbli
• inaqqsu l-ammont ta' enerġija primarja użata - permezz tal-effiċjenza fl-enerġija - għal 20% meta mqabbla mal-livelli projetatti.

L-UE offriet ukoll li tnaqqas l-emissjonijiet tagħha bi 30% jekk l-ekonomiji ewlenin l-oħrajn jimpenjaw ruħhom li jnaqqsu bl-istess mod l-emissjonijiet tagħhom jew jagħtu kontribuzzjonijiet adegwati. In-negozjati dwar dan huma għaddejjin fil-qafas tan-Nazzjonijiet Uniti.

Fi "Pjan direzzjonali għal ekonomija kompetittiva b'livell baxx ta' emissjonijiet tal-karbonju fl-2050", il-Kummissjoni Ewropea ħarset ukoll lejn metodi ġodda kif tnaqqas l-emissjonijiet tal-gassijiet b'effett serra bi 80 sa 95% sa nofs is-seklu.

L-Iskema għall-Iskambju ta' Kwoti tal-Emissjonijiet tal-UE: għajnuna lill-industriji biex inaqqsu l-emissjonijiet

Din is-sistema hi l-bażi tal-istrateġija tal-UE dwar it-tibdil fil-klima, u bil-mod il-mod qed tnaqqas l-emissjonijiet mill-industrija bl-iktar mod sostenibbli possibbli.

B'din is-sistema, l-industriji intensivi fl-enerġija bħall-impjanti tal-enerġija jew impjanti tal-azzar u tas-siment iridu jċedu l-kwoti kull sena għal kull tunnellata ta' CO₂ li jipproduċu. Fil-prinċipju, jirċievu ċertu ammont ta' kwoti bla ħlas, iżda jekk ikunu jridu iktar, ikollhom jixtruhom mis-suq tal-karbonju. Jistgħu wkoll ipattu għall-emissjonijiet billi jinvestu fi tnaqqis tas-CO₂ fil-pajjiżi li qed jiżviluppaw.

Mill-bidu tal-UE ETS fl-2005, ingħaqdu iktar u iktar negozji. Il-linji tal-ajru se jsiru parti mis-sistema mill-2012. Fil-futur, iktar kwoti se jkunu rkantati minflok ma jiġu mogħtija bla ħlas.

Inħejju ruħna għall-konsegwenzi tat-tibdil fil-klima

Filwaqt li hu possibbli li nnaqsu r-ritmu tat-tibdil fil-klima, ma jistax jitwaqqaf għal kollox. Għalhekk jeħtieġ li nadattaw jekk irridu nevitaw jew nimminimizzaw il-ħsara. L-azzjonijiet ivarjaw mill-bidla tar-regolamenti dwar il-bini biex jitqiesu l-kundizzjonijiet futuri tal-klima, sal-bini ta' difiżi għall-għargħar u l-iżvilupp ta' żrieragħ reżistenti għan-nixfa.

Fuq

Istituzzjonijiet u entitajiet tal-UE

• Kummissjoni Ewropea
  • Azzjoni għall-Klima
• Il-Parlament Ewropew
  • Kumitat dwar l-ambjent, is-saħħa pubblika u s-sikurezza tal-ikel
• Il-Kunsill tal-Unjoni Ewropea
  • It-tibdil fil-klima
• Il-Kumitat Ekonomiku u Soċjali Ewropew
  • Taqsima tal-agrikoltura, l-iżvilupp rurali u l-ambjent
• Il-Kumitat tar-Reġjuni
  • Kummissjoni għall-ambjent, it-tibdil fil-klima u l-enerġija (ENVE)
• Aġenziji tal-UE
  • L-Aġenzija Ewropea tal-Ambjent (EEA)

Pubblikazzjonijiet, newsletters u statistika

• Pubblikazzjonijiet
• Newsletters
• Statistika

Opportunitajiet ta’ finanzjament

• Għotjiet
• Sejħiet għall-offerti (akkwist pubbliku)

Leġiżlazzjoni

• Il-leġiżlazzjoni tal-UE dwar l-azzjoni klimatika fil-qosor
• Leġiżlazzjoni fis-seħħ dwar l-azzjoni klimatika
• Trattat dwar il-Funzjonament tal-Unjoni Ewropea - Artikoli 191 - 193