EUR-Lex Aċċess għal-liġi tal-Unjoni Ewropea

Lura għall-paġna ewlenija ta' EUR-Lex

Dan id-dokument hu mislut mis-sit web tal-EUR-Lex

Oċeani u sajd

maritime_affairs_and_fisheries

L-Ewropa hija kontinent marittimu b’iktar minn nofs tat-territorju tagħha miksi bl-ilma u b’kosta ta’ 68 000 km. Għandha 1 200 port u l-ikbar flotta merkantili fid-dinja.

F’dawn l-aħħar snin, l-attivitajiet ekonomiċi viċin, ħdejn u mal-baħar kienu qed jiżdiedu. Dan jinkludi s-sajd, it-tbaħħir u t-turiżmu imma wkoll il-produzzjoni tal-enerġija rinnovabbli barra mix-xtajta, akkwakultura, bijoteknoloġija blu u setturi oħra tal-ekonomija blu.

L-approċċ għal ekonomika sostenibbli blu fl-Unjoni Ewropea (UE) tiġbor dawn l-attivitajiet kollha f’daqqa filwaqt li tipproteġi l-ambjent fejn joperaw.

Il-politika komuni tas-sajd (PKS), introdotta mit-Trattat ta’ Ruma u minquxa fl-Artikoli 38–43 tat-Trattat dwar il-Funzjonament tal-Unjoni Ewropea, hija sett ta’ regoli għall-konservazzjoni ta’ riżorsi bijoloġiċi tal-baħar u għall-immaniġġjar u l-kontroll tas-sajd Ewropew ġewwa u barra l-ilmijiet tal-UE.

L-għan tal-PKS huwa li tiżgura li l-attivitajiet tas-sajd u l-akkwakultura jikkontribwixxu għal sostenibbiltà ambjentali, ekonomika u soċjali fit-tul. Dan jinkludi l-assigurazzjoni ta’

  • traċċabilità, sigurtà u kwalità tal-prodotti fis-swieq tal-UE;
  • standard tal-għajxien ġust għas-settur tas-sajd, inkluż għas-sajd fuq skala żgħira;
  • swieq stabbli;
  • id-disponibbiltà ta’ provvisti ta’ ikel bi prezzijiet raġonevoli għall-konsumaturi.

L-iktar riforma reċenti tal-PKS tmur lura għall-2013 u daħlet fis-seħħ fl-1 ta’ Jannar 2014.