Organizzazzjoni u finanzjament tas-settur tas-sajd
Il-Politika Komuni tas-Sajd (PKS) kienet ibbażata fuq l-organizzazzjoni komuni tas-swieq (CMO) minn Ottubru 1970. Din is-CMO għandha l-għan li ssib il-bilanċ tajjeb bejn il-provvista u d-domanda fl-interess tas-sajjieda u tal-konsumaturi Ewropej. Hija tintroduċi standards dwar il-kummerċjalizzazzjoni, sistema ta' stabilizzazzjoni tal-prezzijiet u regoli għall-kummerċ ma' pajjiżi terzi. Fond Ewropew għas-Sajd (FES) jippermetti li jinstabu soluzzjonijiet għall-kapaċità żejda ta' flotot, għad-dejn eċċessiv tal-intrapriżi, restrizzjonijiet tekniċi, u addattament dwar l-iġjene, is-saħħa, il-kwalità tal-prodott u s-sigurtà fuq il-vetturi.