EUR-Lex Rochtain ar dhlí an Aontais Eorpaigh
Is sliocht ón suíomh gréasáin EUR-Lex atá sa doiciméad seo
Is mór–roinn mhuirí í an Eoraip agus níos mó ná leath dá críoch clúdaithe ag uisce agus imeallbhord 68 000 km aici. Tá 1 200 calafort agus an loingeas trádála is mó ar domhan inti.
Le blianta beaga anuas, tá na gníomhaíochtaí eacnamaíocha ar an bhfarraige, gar don fharraige nó cois farraige ag dul ó neart go neart. Áirítear leis sin iascach, loingseoireacht agus turasóireacht, ach freisin táirgeadh fuinnimh inathnuaite amach ón gcósta, dobharshaothrú, biteicneolaíocht ghorm agus earnálacha eile an gheilleagair ghoirm.
Leis an gcur chuige maidir le geilleagar gorm inbhuanaithe san Aontas Eorpach (AE), tugtar na gníomhaíochtaí sin go léir le chéile agus an timpeallacht ina bhfeidhmíonn siad á cosaint.
Is éard atá sa chomhbheartas iascaigh (CBI), a tugadh isteach le Conradh na Róimhe agus atá cumhdaithe in Airteagail 38–43 den Chonradh ar Fheidhmiú an Aontais Eorpaigh, sraith rialacha chun acmhainní bitheolaíocha na mara a chaomhnú agus chun iascaigh Eorpacha laistigh agus lasmuigh d’uiscí AE a bhainistiú agus a rialú.
Tá sé mar aidhm le CBI a áirithiú go gcuirfidh gníomhachtaí iascaireachta agus dobharshaothraithe leis an inbhuanaitheacht fhadtéarmach chomhshaoil, eacnamaíoch agus shóisialta. Áirítear leis sin an méid seo a leanas a áirithiú
Téann an t–athchóiriú is déanaí ar CBI siar go dtí 2013 agus tháinig sé i bhfeidhm an 1 Eanáir 2014.