Servizzi finanzjarji: assigurazzjoni
Il-politika Ewropea fil-qasam tal-assigurazzjoni qed tipprova tistabbilixxi qafas komuni li jippermetti lill-kumpaniji tal-assigurazzjoni biex joperaw, jistabbilixxu ruħhom u jipprovdu servizzi mingħajr xkiel fl-Unjoni Ewropea. Din il-politika għandha wkoll l-għan ukoll li tipproteġi lill-partijiet assigurati, partikolarment individwi, li għalihom ta' spiss ikun kruċjali li l-assiguraturi jonoraw l-impenji tagħhom. Dispożizzjonijiet speċifiċi japplikaw għal setturi differenti ta' attività, bħal assigurazzjoni fuq il-ħajja u assigurazzjoni fuq l-ivvjaġġar.