Suq Uniku għall-Prodotti
Il-moviment liberu tal-prodotti, bl-oġġettiv li jkun żgurat il-kummerċ fl-Unjoni Ewropea, huwa wieħed mill-pedamenti tas-suq intern. Provdut mit-Trattat li jistabbilixxi l-Komunità Ewopea, huwa joffri lin-negozji l-vantaġġ ta' swieq akbar u għaċ-ċittadini Ewropej għażla usa' bi prezzijiet irħas f'żona miftuħa u kompetittiva. Moviment liberu japplika taħt l-istess kondizzjonijiet għall-prodotti kollha li jiċċirkolaw fl-UE, inkluzi dawk minn pajjiżi terzi, bl-eċċezzjoni ta' dawk li jkunu ta' riskju għall-konsumaturi, is-saħħa pubblika u l-ambjent. Il-projbizzjoni fuq miżuri li jirrestrinġu l-importazzjoni u l-esportazzjoni bejn Stati Membri u l-prinċipju tar-rikonoxximent reċiproku tassigura konformità taħt l-monitoraġġ tal-Kummissjoni.