Leagtar amach i dTreoir 87/372/CEE, i dtéarmaí ginearálta, na bandaí minicíochta atá le cur in áirithe do sheirbhís phoiblí Eorpach um chumarsáid dhigiteach shoghluaiste cheallacha faoin 1 Eanáir 1991, agus iarrtar ar Bhallstáit an Aontais Eorpaigh (AE) na hullmhúcháin is gá a dhéanamh a luaithe is féidir.
Féachann reachtaíocht an AE, tríd an tsraith cinntí seo a bhaineann le bandaí minicíochta a úsáidtear le haghaidh seirbhísí agus líonraí cumarsáide leictreonaí, mar aon le feidhmchláir eile a bhaineann leis an margadh inmheánach, le leithdháileadh teicniúil a chomhchuibhiú agus le húdarú úsáid an speictrim raidió a chomhordú.

PRÍOMHPHOINTÍ

Treoir 87/372/CEE, arna leasú le Treoir 2009/114/CE

Cé gur deimhníodh le Treoir 2009/114 ón gComhairle leithdháileadh an bhanda 900 meigeirtz (MHz) don Chóras Domhanda do Chumarsáid Mhóibíleach (GSM) mar an córas tagartha teicniúla sa bhanda sin, ní mór do na Ballstáit na bandaí minicíochta 880–915 MHz agus 925–960 MHz (an banda 900 MHz) a chur ar fáil do chórais GSM agus do chórais an Chórais Uilíoch Teileachumarsáide Soghluaiste (UMTS), mar aon le córais trastíre eile atá in ann seirbhísí cumarsáide leictreonaí a sholáthar atá in ann cómhaireachtáil le córais GSM, i gcomhréir leis an mbeartas speictrim raidió san AE.

Cinntí leathanbhanda AE

Is féidir reachtaíocht AE a bhaineann le bandaí minicíochta a úsáidtear le haghaidh seirbhísí agus líonraí cumarsáide leictreonaí a roinnt ina gcinntí lena bhféachtar le leithdháileadh teicniúil agus cinntí lena ndéantar comhordú ar údarú úsáid an speictrim a chomhchuibhiú.
Baintear solúbthacht amach trí údaruithe atá chomh neodrach ó thaobh na teicneolaíochta agus na seirbhíse de agus is féidir ionas go bhféadfaidh úsáideoirí speictrim raidió na teicneolaíochtaí agus na seirbhísí is fearr a roghnú le cur i bhfeidhm sna bandaí speictrim a dhearbhaítear a bheith ar fáil do sheirbhísí cumarsáide leictreonaí sna pleananna leithdháilte minicíochta náisiúnta ábhartha.
Níl feidhm ag srianta ar phrionsabail na neodrachta ó thaobh na teicneolaíochta agus na seirbhíse de ach amháin i líon teoranta cásanna, go háirithe, i gcás inar gá sin chun trasnaíocht dhíobhálach a sheachaint, chun an tsláinte phoiblí a chosaint, chun leibhéal leordhóthanach cáilíochta teicniúla seirbhíse a áirithiú nó nuair atá cuspóirí leasa ghinearálta i gceist.
Féachann roinnt de na bearta sin freisin le comhordú a dhéanamh ar uainiú dheonú na gceart ag na Ballstáit chun speictream comhchuibhithe a úsáid i ndáil le seirbhísí agus líonraí cumarsáide leictreonaí. Áirítear leis sin an Cód um Chumarsáid Leictreonach Eorpach, lena gcuirtear i bhfeidhm rialacha ginearálta d’aon speictream raidió a comhchuibhíodh de bhun chinneadh an speictrim raidió (Cinneadh Uimh. 676/2002/CE — féach achoimre) agus na bandaí ceannródaíocha do chumarsáid leathanbhanda an-ardluais gan sreang 5G (3.6 gigahertz (GHz) agus bandaí 26 GHz). Tá sé sin comhlánaithe le sraith bandaí eile i minicíochtaí níos ísle.
Ar an gcaoi chéanna, le Cinneadh (AE) 2017/899 leagadh síos spriocdháta maidir le húsáid an bhanda 700 MHz do chumarsáid mhóibíleach 5G, agus in Airteagal 6 de Chinneadh 243/2012/AE lena mbunaítear clár beartais ilbhliantúil um an speictream raidió a cumhdaíodh 800 MHz agus bandaí comhchuibhithe eile (3.6 GHz, 2.6 GHz, 900 agus 1,800 MHz).
Is iad a leanas na bandaí minicíochta comhchuibhithe sna cinntí sin:
- bandaí minicíochta atá le forchoimeád le haghaidh cumarsáid mhóibíleach sa mhodh digiteach ceallach ar talamh in AE;
- speictream raidió le húsáid le feistí gearr-raoin;
- úsáid speictrim le haghaidh seirbhísí cumarsáide soghluaiste ar aerárthaí;
- an banda minicíochta 3,400–3,800 MHz do chórais trastíre;
- an banda minicíochta 2,500–2,690 MHz do chórais trastíre;
- na bandaí minicíochta 900 MHz agus 1800 MHz le haghaidh córais trastíre;
- speictream raidió le haghaidh seirbhísí cumarsáide móibílí ar bord soithí;
- an banda minicíochta 790–862 MHz do chórais trastíre;
- na bandaí minicíochta 1,920–1,980 MHz agus 2,110–2,170 MHz do chórais trastíre;
- na bandaí minicíochta 1,980–2,010 MHz agus 2,170–2,200 MHz le haghaidh cumarsáid satailíte;
- an banda minicíochta 1,452–1,492 MHz do chórais talún agus a leathnú sna bandaí minicíochta 1,427–1,452 MHz agus 1,492–1,517 MHz;
- an banda minicíochta 694–790 MHz do chórais trastíre;
- an banda minicíochta 470–790 MHz;
- banda minicíochta 24.25–27.5 GHz do chórais trastíre.

CÉN UAIR ATÁ TOSACH FEIDHME NA TREORACH AGUS NA GCINNTÍ?

Tá Treoir 87/372/CEE i bhfeidhm ón 30 Meitheamh 1987 agus bhí uirthi a bheith ina dlí sna Ballstáit faoi 1988. Bhí leasuithe a tugadh isteach le Treoir 2009/114/CE le bheith ina ndlí sna Ballstáit faoin 9 Bealtaine 2010.

Cinneadh	Dáta cur chun feidhme
Cinneadh Cur Chun Feidhme (AE) 2022/173	9 Feabhra 2022
Cinneadh Cur Chun Feidhme (AE) 2020/667	19 Bealtaine 2020
Cinneadh Cur Chun Feidhme (AE) 2020/636	12 Bealtaine 2020
Cinneadh Cur Chun Feidhme (AE) 2020/590	30 Aibreán 2020
Cinneadh Cur Chun Feidhme (AE) 2019/784	16 Bealtaine 2019
Cinneadh Cur Chun Feidhme (AE) 2019/235	26 Eanáir 2019
Cinneadh Cur Chun Feidhme (AE) 2018/661	27 Aibreán 2018
Cinneadh (AE) 2017/899	14 Meitheamh 2017
Cinneadh Cur Chun Feidhme (AE) 2017/191	2 Feabhra 2017
Cinneadh Cur Chun Feidhme (AE) 2016/2317	19 Nollaig 2016
Cinneadh Cur Chun Feidhme (AE) 2016/687	2 Bealtaine 2016
Cinneadh Cur Chun Feidhme (AE) 2015/750	11 Bealtaine 2015
Cinneadh Cur Chun Feidhme 2014/276/AE	5 Bealtaine 2014
Cinneadh Cur Chun Feidhme 2013/654/AE	13 Samhain 2013
Cinneadh Cur Chun Feidhme 2012/688/AE	6 Samhain 2012
Cinneadh Cur Chun Feidhme 2011/251/AE	19 Aibreán 2011
Cinneadh 2010/267/AE	11 Bealtaine 2010
Cinneadh 2010/166/AE	20 Márta 2010
Cinneadh 2009/766/CE	19 Deireadh Fómhair 2009
Cinneadh 2008/477/CE	13 Meitheamh 2008
Cinneadh 2008/411/CE	21 Bealtaine 2008
Cinneadh 2008/294/CE	7 Aibreán 2008
Cinneadh 2007/98/CE	14 Feabhra 2007
Cinneadh 2006/771/CE	9 Samhain 2006

CÚLRA

Le haghaidh tuilleadh faisnéise, féach:

Speictream raidió: bunús na cumarsáide gan sreang (an Coimisiún Eorpach)
Beartas speictrim raidió an Aontais maidir le naisc gan sreang thar theorainneacha (an Coimisiún Eorpach).

PRÍOMHDHOICIMÉID

Treoir 87/372/CEE ón gComhairle an 25 Meitheamh 1987 maidir leis na bandaí minicíochta atá le forchoimeád do thabhairt isteach comhordaithe cumarsáidí soghluaiste digiteacha talamhbhunaithe ceallacha poiblí uile-Eorpacha sa Chomhphobal (IO L 196, 17.7.1987, lgh. 85–86).

Rinneadh leasuithe comhleanúnacha ar Threoir 87/372/CEE a ionchorprú sa doiciméad bunaidh. Níl de luach ar an leagan comhdhlúite seo ach luach doiciméadach amháin.

Cinneadh Cur Chun Feidhme (AE) 2022/173 ón gCoimisiún an 7 Feabhra 2022 maidir le comhchuibhiú na mbandaí minicíochta 900 MHz agus 1 800 MHz do chórais trastíre a bhfuil ar a gcumas seirbhísí cumarsáide leictreonaí a sholáthar san Aontas agus lena n-aisghairtear Cinneadh 2009/766/CE (ar tugadh fógra ina leith faoi dhoiciméad C(2022) 605) (IO L 28, 9.2.2022, lgh. 29–39).

Cinneadh Cur Chun Feidhme (AE) 2020/667 ón gCoimisiún an 6 Bealtaine 2020 lena leasaítear Cinneadh 2012/688/AE a mhéid a bhaineann le nuashonrú ar choinníollacha teicniúla ábhartha is infheidhme maidir leis na bandaí minicíochta 1 920-1 980 MHz agus 2 110-2 170 MHz (IO L 156, 19.5.2020, lgh. 6–12).

Cinneadh Cur Chun Feidhme (AE) 2020/636 ón gCoimisiún an 8 Bealtaine 2020 lena leasaítear Cinneadh 2008/477/CE a mhéid a bhaineann le nuashonrú ar choinníollacha teicniúla ábhartha is infheidhme maidir leis an mbanda minicíochta 2 500-2 690 MHz (IO L 149, 12.5.2020, lgh. 3–11).

Cinneadh Cur Chun Feidhme (AE) 2020/590 ón gCoimisiún an 24 Aibreán 2020 lena leasaítear Cinneadh (AE) 2019/784 a mhéid a bhaineann le nuashonrú ar na coinníollacha teicniúla ábhartha is infheidhme maidir leis an mbanda minicíochta 24,25-27,5 GHz (IO L 138, 30.4.2020, lgh. 19–22).

Cinneadh Cur Chun Feidhme (AE) 2019/784 ón gCoimisiún an 14 Bealtaine 2019 maidir le comhchuibhiú an bhanda minicíochta 24,25-27,5 GHz do chórais trastíre atá in ann seirbhísí cumarsáide leictreonaí leathanbhanda gan sreang a sholáthar san Aontas (IO L 127, 16.5.2019, lgh. 13–22).

Cinneadh Cur Chun Feidhme (AE) 2019/235 ón gCoimisiún an 24 Eanáir 2019 lena leasaítear Cinneadh 2008/411/CE a mhéid a bhaineann le nuashonrú ar choinníollacha teicniúla ábhartha is infheidhme maidir leis an mbanda minicíochta 3 400-3 800 MHz (IO L 37, 8.2.2019, lgh. 135–143).

Cinneadh Cur Chun Feidhme (AE) 2018/661 ón gCoimisiún an 26 Aibreán 2018 lena leasaítear Cinneadh Cur Chun Feidhme (AE) 2015/750 maidir le comhchuibhiú an bhanda minicíochta 1 452-1 492 MHz do chórais trastíre a bheadh in ann seirbhísí cumarsáide leictreonaí a sholáthar san Aontas i dtaca lena shíneadh sna bandaí minicíochta comhchuibhithe 1 427-1 452 MHz agus 1 492-1 517 MHz (IO L 110, 30.4.2018, 127–133).

Cinneadh (AE) 2017/899 ó Pharlaimint na hEorpa agus ón gComhairle an 17 Bealtaine 2017 maidir le húsáid an bhanda minicíochta 470-790 MHz san Aontas (IO L 138, 25.5.2017, lgh. 131–137).

Cinneadh Cur Chun Feidhme (AE) 2017/191 ón gCoimisiún an 1 Feabhra 2017 lena leasaítear Cinneadh 2010/166/AE, chun teicneolaíochtaí nua agus bandaí minicíochta nua le haghaidh seirbhísí cumarsáide soghluaiste ar bord soithí (seirbhísí LMC) a thabhairt isteach san Aontas Eorpach (IO L 29, 3.2.2017, lgh 63–68).

Cinneadh Cur Chun Feidhme (AE) 2016/2317 ón gCoimisiún an 16 Nollaig 2016 lena leasaítear Cinneadh 2008/294/CE agus Cinneadh Cur Chun Feidhme 2013/654/AE, chun oibriú na cumarsáide móibílí ar bord aerárthaí (seirbhísí MMC) a shimpliú san Aontas (IO L 345, 20.12.2016, lgh. 67–71).

Cinneadh Cur Chun Feidhme (AE) 2016/687 ón gCoimisiún an 28 Aibreán 2016 maidir le comhchuibhiú an bhanda minicíochta 694-790 MHz do chórais trastíre a bheadh in ann seirbhísí cumarsáide leictreonaí leathanbhanda gan sreang a sholáthar agus le haghaidh úsáid sholúbtha náisiúnta san Aontas (IO L 118, 4.5.2016, lgh. 4–15).

Cinneadh Cur Chun Feidhme (AE) 2015/750 ón gCoimisiún an 8 Bealtaine 2015 maidir le comhchuibhiú an bhanda minicíochta 1 452-1 492 MHz do chórais trastíre atá in ann seirbhísí cumarsáide leictreonaí a sholáthar san Aontas (IO L 119, 12.5.2015, lgh. 27–31).

Féach an leagan comhdhlúite.

Cinneadh Cur Chun Feidhme 2014/276/AE ón gCoimisiún an 2 Bealtaine 2014 lena leasaítear Cinneadh 2008/411/CE maidir le comhchuibhiú an bhanda minicíochta 3 400-3 800 MHz do chórais trastíre a bheadh in ann seirbhísí cumarsáide leictreonaí a sholáthar sa Chomhphobal (IO L 139, 14.5.2014, lgh. 18–25).

Cinneadh Cur Chun Feidhme 2013/654/AE ón gCoimisiún an 12 Samhain 2013 lena leasaítear Cinneadh 2008/294/CE chun teicneolaíochtaí rochtana breise agus bandaí minicíochta le haghaidh seirbhísí cumarsáide móibílí ar aerárthaí a áireamh (IO L 303, 14.11.2013, lgh. 48–51).

Féach an leagan comhdhlúite.

Cinneadh Cur Chun Feidhme 2012/688/AE ón gCoimisiún an 5 Samhain 2012 maidir le comhchuibhiú na mbandaí minicíochta 1 920-1 980 MHz agus 2 110-2 170 MHz do chórais trastíre a bheadh in ann seirbhísí cumarsáide leictreonaí a sholáthar san Aontas (IO L 307, 7.11.2012, lgh. 84–88).

Cinneadh Cur Chun Feidhme 2011/251/AE ón gCoimisiún an 18 Aibreán 2011 lena leasaítear Cinneadh 2009/766/CE maidir le comhchuibhiú na mbandaí minicíochta 900 MHz agus 1 800 MHz do chórais trastíre a bheadh in ann seirbhísí cumarsáide leictreonaí uile-Eorpacha a sholáthar sa Chomhphobal (IO L 106, 27.4.2011, lgh. 9–10).

Cinneadh 2010/267/AE ón gCoimisiún an 6 Bealtaine 2010 maidir le coinníollacha teicniúla úsáide comhchuibhithe sa bhanda minicíochta 790-862 MHz do chórais trastíre a bhfuil ar a gcumas seirbhísí cumarsáide leictreonaí a sholáthar san Aontas Eorpach (IO L 117, 11.5.2010, lgh. 95–101).

Cinneadh 2010/166/AE ón gCoimisiún an 19 Márta 2010 maidir le coinníollacha comhchuibhithe úsáide speictrim raidió le haghaidh seirbhísí cumarsáide móibílí ar bord soithí (seirbhísí LMC) san Aontas Eorpach (IO L 72, 20.3.2010, lgh. 38–41).

Féach an leagan comhdhlúite.

Cinneadh 2009/766/CE ón gCoimisiún an 16 Deireadh Fómhair 2009 maidir le comhchuibhiú na mbandaí minicíochta 900 MHz agus 1 800 MHz do chórais trastíre a bheadh in ann seirbhísí cumarsáide leictreonaí uile-Eorpacha a sholáthar sa Chomhphobal (IO L 274, 20.10.2009, lgh. 32–35).

Féach an leagan comhdhlúite.

Cinneadh 2008/477/CE ón gCoimisiún an 13 Meitheamh 2008 maidir le comhchuibhiú an bhanda minicíochta 2 500-2 690 MHz do chórais trastíre a bheadh in ann seirbhísí cumarsáide leictreonaí a sholáthar sa Chomhphobal (IO L 163, 24.6.2008, lgh. 37–41).

Cinneadh 2008/411/CE ón gCoimisiún an 21 Bealtaine 2008 maidir le comhchuibhiú an bhanda minicíochta 3 400-3 800 MHz do chórais trastíre a bheadh in ann seirbhísí cumarsáide leictreonaí a sholáthar sa Chomhphobal (IO L 144, 4.6.2008, lgh. 77–81).

Féach an leagan comhdhlúite.

Cinneadh 2008/294/CE ón gCoimisiún an 7 Aibreán 2008 maidir le coinníollacha comhchuibhithe d’úsáid speictrim le haghaidh feidhmiú seirbhísí cumarsáide soghluaiste ar aerárthaí (seirbhísí MCA) sa Chomhphobal (IO L 98, 10.4.2008, lgh. 19-23).

Féach an leagan comhdhlúite.

Cinneadh 2007/98/CE ón gCoimisiún an 14 Feabhra 2007 maidir le húsáid chomhchuibhithe speictrim raidió sna bandaí minicíochta 2 GHz chun córais a sholáthraíonn seirbhísí satailíte soghluaiste a chur chun feidhme (ar tugadh fógra ina leith faoi uimhir dhoiciméid C(2007) 409) (IO L 43, 15.2.2007, lgh 32–34).

Cinneadh 2006/771/CE ón gCoimisiún an 9 Samhain 2006 maidir le comhchuibhiú an speictrim raidió lena úsáid ag feistí gearr-raoin (IO L 312, 11.11.2006,, lgh. 66–70)

Féach an leagan comhdhlúite.

DOICIMÉID GHAOLMHARA

Treoir (AE) 2018/1972 ó Pharlaimint na hEorpa agus ón gComhairle an 11 Nollaig 2018 lena mbunaítear an Cód um Chumarsáid Leictreonach Eorpach (Athmhúnlú) (IO L 321, 17.12.2018, pp. 36-214).

Cinneadh Uimh. 676/2002/CE ó Pharlaimint na hEorpa agus ón gComhairle an 7 Márta 2002 maidir le creat rialála don bheartas speictream raidió sa Chomhphobal Eorpach (Cinneadh maidir le Speictream Raidió) (IO L 108, 24.4.2002, lgh. 1–6).

Nuashonraithe 07.11.2022

Top