Sláinte ainmhithe
Chun galair ainmhithe a chosc agus a leigheas, tá bearta ceaptha ag an Aontas Eorpach chun an baol ó ráigeanna galair agus leathadh na ráigeanna sin a theorannú agus iad a dhíothú a luaithe a bhraitear iad. Comhlánaíonn an reachtaíocht seo na rialacha maidir le seiceálacha tréidliachta agus sláinteachas bia, agus áirítear uirthi forálacha ginearálta maidir le faireachas, fógraí agus cóireáil do ghalair thógálacha agus a veicteoirí, agus forálacha sonracha maidir le galair áirithe ar nós na heinceifileapaite spúinsí bólachta (BSE), an ghalair chrúb agus béil agus an fhliú éanúil. Tá rialacha glactha chomh maith a rialaíonn cógais ainmhithe.