Prijoritajiet u għanijiet: l-aġenda soċjali
L-għan tal-politika soċjali tal-Unjoni Ewropea hu li tippromwovi l-impjiegi, it-titjib tal-kundizzjonijiet tal-għajxien u tax-xogħol, livell adattat ta' protezzjoni soċjali, djalogu mal-imsieħba soċjali, l-iżvilupp tar-riżorsi umani sabiex jiġi żgurat livell għoli u sostenibbli ta' impjiegi, u miżuri biex jikkumbattu l-esklużjoni. L-Aġenda Soċjali l-ġdida għall-perjodu 2006-2010 hi stabbilita fil-kuntest tal-tnedija mill-ġdid tal-Istrateġija ta' Lisbona għat-Tkabbir u l-Impjiegi. Din tirrispondi għall-għanijiet Ewropej ta' solidarjetà u prosperità permezz tal-prijoritajiet fundamentali: l-impjiegi, u azzjoni li tindirizza l-faqar u tippromwovi opportunitajiet indaqs.