EUR-Lex Aċċess għal-liġi tal-Unjoni Ewropea

Lura għall-paġna ewlenija ta' EUR-Lex

Dan id-dokument hu mislut mis-sit web tal-EUR-Lex

Edukazzjoni, taħriġ, żgħażagħ, sport

education_training_youth

Bil-programmi tagħha għall-edukazzjoni, it-taħriġ, iż-żgħażagħ u l-isport, l-Unjoni Ewropea (UE) qed tiżviluppa u ssaħħa id-dimensjoni Ewropea, tippromwovi l-mobilità u tinkoraġġixxi l-kooperazzjoni internazzjonali permezz tal-programmi Erasmus+ u l-Korp Ewropew tas-Solidarjetà. L-edukazzjoni u t-taħriġ għandhom ukoll rwolijiet essenzjali f’ekonomija bbażata fuq l-għarfien u l-innovazzjoni, bħalma għandhom ukoll il-politiki għaż-żgħażagħ u l-isport. Dawn kollha jsostni l-irkupru, it-tkabbir u l-impjiegi billi jinkoraġġixxu l-ħolqien ta’ popolazzjoni b’nies bi kwalifiki għolja, versatili u adattabbli.

L-UE tappoġġa u tikkumplimenta l-azzjonijiet tal-Istati Membri tal-UE skont l-Artikoli 165 u 166 tat-Trattat dwar il-Funzjonament tal-Unjoni Ewropea. Filwaqt li tirrispetta r-responsabbiltà tal-Istati Membri biex jgħallmu l-kontenut u jorganizzaw is-sistemi tal-edukazzjoni, iż-Żona Ewropea tal-Edukazzjoni hija bbażżat fuq viżjoni kondiviża: sal-2025, kulħadd għandu jkollu aċċess għal edukazzjoni ta’ kwalità u taħriġ fi spazju ta’ tagħlim komuni Ewropew ġenwin. L-istudenti u l-għalliema għandhom ikunu jistgħu jimxu faċilment bejn is-sistemi edukattivi fl-Istati Membri differenti, filwaqt li l-kultura ta’ taħriġ tul il-ħajja għandha ssir in-norma.

Il-pandemija tal-COVID-19 u l-perjodi twal tal-għeluq tal-iskejjel enfasizzaw iktar il-bżonn li jiġu indirizzati l-isfidi u l-opportunitajiet tal-edukazzjoni diġitali. Bil-Pjan ta’ Azzjoni għall-Edukazzjoni Diġitali tal-2021–2027, l-UE tgħin l-adattament sostenibbli u effettiv tas-sistemi tal-edukazzjoni u t-taħriġ tal-Istati Membri għaż-żmien diġitali.