Pajjiżi l-inqas żviluppati (PIŻ)
L-iżvilupp globali bbilanċjat hu wieħed mill-għanijiet tal-Unjoni Ewropea u jiffoka b'mod speċjali fuq l-aktar pajjiżi vulnerabbli. L-Unjoni tipparteċipa fl-inizjattivi internazzjonali biex tgħin lil dawn il-pajjiżi u tagħti disponibilità tal-istrumenti tagħha.
Xi inizjattivi huma mmirati lejn il-pajjiżi l-inqas żviluppati (PIŻ), li l-lista tagħhom issir min-Nazzjonijiet Uniti. Inizjattivi oħra huma diretti lejn il-pajjiżi foqra bi djun kbar (PFDK) u jipprovdu solliev mid-dejn taħt il-patroċinju tal-Bank Dinji u l-Fond Monetarju Internazzjonali.