EUROPA - Rokna għat-tfal: Informazzjoni għall-ġenituri u l-għalliema

Għall-ġenituri u dawk li jieħdu ħsieb it-tfal

Il-logħob fir-Rokna għat-Tfal huwa mqassam skont l-età biex ikun iktar faċli li ssib il-logħob tajjeb għal uliedek.

• Kontenut : il-logħob huwa relatat ma' oqsma differenti tal-politika tal-Unjoni Ewropea;
• Formati: Il-logħob ivarja minn sempliċi kwiżiż u puzzles għal logħob tal-azzjoni;
• Ara wkoll: Tagħrif bażiku dwar l-UE u s-27 pajjiż membru tagħha

Għall-għalliema

Jekk qed tfittex materjal għat-tagħlim, ir-'Rokna tal-Għalliema' fiha wkoll materjal b'xejn għat-tagħlim dwar l-Ewropa in ġenerali kif ukoll dwar politiki importanti. Hemm kotba tat-tpinġija, fuljetti, pakketti ta' tagħrif, u ħafna affarijiet oħra. Dawn ukoll huma mqassma skont l-età.

• Aktar logħob u materjal ta' tagħlim jinstab fir-Rokna tal-Għalliema;
• EuroParlTV (Parlament Ewropew) joffri għadd kbir ta' materjal awdjoviżiv ta' għajnuna waqt il-lezzjonijiet dwar l-Ewropa;
• L-UE torganizza wkoll premjijiet u kompetizzjonijiet għat-tfal.

Is-sikurezza fuq l-Internet

Iż-żgħażagħ u t-tfal huma fost l-aktar nies li jużaw l-internet fl-Ewropa.

• Il-Programm ta' Internet iktar Sikur għandu l-għan li jagħti l-poter u jipproteġi lit-tfal u ż-żgħażagħ onlajn b'inizjattivi li jqajmu għarfien u li jiġġieldu l-kontenut u l-kondotta illegali u ta' ħsara onlajn.
• Kull sena l-Jum għal Internet Iktar Sikur jippromwovi użu aktar sikur u responsabbli tat-teknoloġiji onlajn u l-mowbajls.