Persunal tal-ICT

Is-sistemi tal-kompjuter, miżmuma mill-persunal ta' appoġġ tal-ICT, jippermettu lill-istituzzjonijiet tal-UE sabiex iwettqu xogħol li jaffettwa l-ħajja ta' 500 miljun ruħ f'27 pajjiż tal-UE.
Ix-xogħol bil-prodotti u l-proċessi tal-ICT f'dan l-ambjent impjenjattiv u multilingwi jista' jinvolvi:

ġestjoni ta' proġetti u proċessi
monitoraġġ u analiżi
analiżi u pariri tekniċi
koordinazzjoni u konsultazzjoni bejn is-servizzi
servizzi tat-telekomunikazzjonijiet
ċentri ta' pproċessar ta' dejta
ġestjoni u superviżjoni ta' servizzi tal-posta elettronika, u servizzi tan-netwerk tad-dejta u tal-leħen
żvilupp tal-web
żvilupp ta' softwer għall-ġbir ta' dejta statistika
maniġment tas-sigurtà tal-IT.

Jistgħu jiġu impjegati aġenti kuntrattwali wkoll sabiex jaħdmu fil-qasam tal-informatika u tat-telekomunikazzjonijiet.

Kwalifiki (indikattivi)

Irid ikollok:

għarfien tajjeb ta' tal-inqas 2 lingwi Ewropej (waħda minnhom trid tkun l-Ingliż, il-Franċiż jew il-Ġermaniż)
lawrea jew kwalifika postgradwatorja f'teknoloġija tal-informatika u tal-komunikazzjoni, (jew li ser tiggradwa din is-sena) għal dħul fil-Grad AD 5
esperjenza relevanti ta' bosta snin, sabiex tingħaqad magħna f'livell ogħla (Grad AD 7).

Sabiex tingħaqad magħna fil-Grad AST 3 (assistenti) irid ikollok:

għarfien tajjeb ta' tal-inqas 2 lingwi Ewropej (waħda minnhom trid tkun l-Ingliż, il-Franċiż jew il-Ġermaniż)
jew
- edukazzjoni post-sekondarja u tal-inqas 3 snin esperjenza professjonali, jew
- edukazzjoni sekondarja u tal-inqas 6 snin esperjenza professjonali

Il-ħtiġijiet għal aġenti kuntrattwali jistgħu jvarjaw.

Proċedura tal-għażla - kuntratti permanenti

Wara li tapplika onlajn, aħna sejrin nistiednuk tagħmel test b'għażliet multipli tar-raġunament verbali, numeriku u astratt u tal-valutazzjoni sitwazzjonali tiegħek. Il-kandidati għal pożizzjonijiet ta' assistenti sejrin jiġu ttestjati wkoll għall-ħiliet professjonali tagħhom fl-eżattezza u l-preċiżjoni u l-prijoritizzazzjoni u l-organizzazzjoni.
Jekk tgħaddi, ser tiġi mistieden/mistiedna tmur f'ċentru ta' valutazzjoni fi Brussell [mhux fil-każ ta' aġenti kuntrattwali – ara Għażla tal-aġenti kuntrattwali] fejn nistgħu niltaqgħu miegħek u nsiru nafu aktar dwar il-ħiliet tiegħek:

fl-analiżi u s-sejbien ta' soluzzjoni għal problemi
fil-komunikazzjoni
fil-kwalità tas-servizzi u r-riżultati li tipprovdi
fil-ħiliet ta' tagħlim u żvilupp
fil-prijoritizzazzjoni u l-organizzazzjoni
fir-reżiljenza
fil-ħidma tiegħek ma' oħrajn
fit-tmexxija (għal pożizzjonijiet fil-livell AD biss).

Dawn sejrin jiġu vvalutati fuq il-bażi ta' studji tal-każijiet, eżerċizzji fi gruppi u intervisti strutturati. Il-kandidati għal pożizzjonijiet ta' amministraturi sejjer ikollhom jagħmlu preżentazzjoni orali wkoll. Il-kandidati għal pożizzjonijiet ta' assistenti sejjer ikollhom eżerċizzju in-tray.

Aktar tagħrif dwar il-proċedura ta' għażla:
Kuntratti permanenti
Aġenti kuntrattwali

It-tarf ta’ fuq tal-paġna