Tá fáil ar an leathanach seo i 23 teanga
Institiúidí agus gníomhaireachtaí an AE
Is dóibh seo a leanas a roghnaíonn EPSO foireann:
- Tá ceanncheathrú ag an gCoimisiún Eorpach sa Bhruiséil agus i Lucsamburg, agus tá oifigí aige i ngach tír san AE.
- Parlaimint na hEorpa (an Bhruiséil, Lucsamburg agus Strasbourg)
- Comhairle an Aontais Eorpaigh (an Bhruiséil)
- Cúirt Bhreithiúnais an Aontais Eorpaigh (Lucsamburg)
- Cúirt Iniúchóirí na hEorpa (Lucsamburg)
- Coiste Eacnamaíoch agus Sóisialta na hEorpa (an Bhruiséil)
- Coiste na Réigiún (an Bhruiséil)
- An tOmbudsman Eorpach (Strasbourg)
- An Maoirseoir Eorpach ar Chosaint Sonraí (an Bhruiséil)
- Sa Bhruiséil atá a ceanncheathrú ag an tSeirbhís Eorpach Gníomhaíochta Seachtraí agus tá oifigí aici ar fud an domhain.
Institiúidí a bhfuil a nósanna imeachta roghnúcháin féin acu
Gníomhaireachtaí an AE
Tugann gníomhaireachtaí agus comhlachtaí díláraithe an AE a lán cineálacha deiseanna ar phoist – go háirithe do speisialtóirí. Tharlódh go mbeadh deiseanna earcaíochta acu nuair nach bhfuil aon chomórtas ar siúl.
Tá roinnt gníomhaireachtaí a earcaíonn foireann ar conradh ó phainéil iarrthóirí rathúla EPSO (bunachar sonraí CAST). Féach ar an liosta - gníomhaireachtaí atá i dteideal earcú ó bhunachar sonraí CAST
.
Ionaid
Tá oifigí ar fud an domhain ag na hinstitiúidí Eorpacha, ach seans maith gur go dtí an Bhruiséil nó go Lucsamburg a bheidh ort bogadh i dtosach.
An Bhruiséil agus Lucsamburg
Cathracha ilghnéitheacha agus an-idirnáisiúnta is ea an Bhruiséil agus Lucsamburg. Toisc gur sa dá chathair sin atá na hinstitiúidí Eorpacha, bíonn daoine ó gach cearn den mhór-roinn ina gcónaí agus ag obair iontu, agus cloisfidh tú an iliomad teangacha á labhairt sna sráideanna.
Tá sár-áiseanna siopadóireachta agus rogha mór siamsaíochta ag an dá chathair, idir bhialanna, chlubanna agus bheáranna, ionaid chultúrtha agus chlubanna spóirt. Tá an dá chathair dlúth go maith, agus ní fada ó lár na cathrach go dtí an tuath. Is i gcroílár na hEorpa atá siad suite, agus níl roinnt príomhchathracha eile (Amstardam, Páras, Londain) ach cúpla uair an chloig taistil uathu.
Tuilleadh faoin mBruiséil – físeán trí nóiméad.
Oifig Idirchaidrimh na Bruiséile
Tuilleadh faoi Lucsamburg – gearrthóg físe le Promote Luxembourg
Suíomh gréasáin Chathair Lucsamburg
Naisc úsáideacha: An saol sa Bhruiséil agus i Lucsamburg
Ionaid eile
Bíodh gur sa Bhruiséil agus i Lucsamburg atá bunáit an Choimisiúin Eorpaigh, tá oifigí (ionadaíochtaí) aige i ngach tír san AE. Tá Oifig Eolais ag Parlaimint na hEorpa i ngach tír san AE agus tá toscaireachtaí ag an tSeirbhís Eorpach Gníomhaíochta Seachtraí in ionaid ar fud an domhain.
Tá roinnt mhaith gníomhaireachtaí agus comhlachtaí díláraithe ag an AE freisin, atá lonnaithe i dtíortha éagsúla.
Féach freisin Gníomhaireachtaí de réir tíre.
Tá cabhair ar fáil duit agus tú ag bogadh tíre
Ach tairiscint poist a bheith faighte agat, cabhróidh ár nOifigí Fáilte sa Bhruiséil agus i Lucsamburg leat eolas na slí a fháil agus socrú isteach. Go háirithe, cabhróidh siad leat teacht ar lóistín (agus do chonradh cíosa a sheiceáil). Eagraítear Laethanta Eolais go rialta le cabhrú le páirtithe lánúine socrú síos sa tír nua.
Tá sárscoileanna idirnáisiúnta, Eorpacha agus náisiúnta ag an mBruiséil agus ag Lucsamburg araon. Tig linn tú a chur i dteagmháil le naíonraí, grúpaí súgartha agus le háiseanna eile.
