Tá fáil ar an leathanach seo i 23 teanga
Cuir eolas ar Ghairmréimeanna AE
An mbeadh Gairmréim AE ceart domsa?
Is cuma más mac léinn tú atá ag lorg roghanna gairme duit féin nó duine oilte gairmiúil a dteastaíonn dúshlán nua uait, aimseoidh tú eolas ar an gcuid seo den suíomh gréasáin faoi na roghanna gairme atá ar fáil in institiúidí an Aontais Eorpaigh.
• Aimseoidh tú deiseanna spreagúla gairme sna hinstitiúidí Eorpacha agus an chaoi le difríocht a dhéanamh san Eoraip. Creidimid go bhfuil deiseanna fíorspéisiúla againn don iarrthóir ceart. Féach Cén fáth Gairmréimeanna AE?
• Cuir eolas ar na próifílí poist is coitianta a bhíonn ann sna hinstitiúidí, ar na cáilíochtaí a theastódh agus ar an bpróiseas roghnúcháin do na róil éagsúla. Féach Próifílí Poist.
• Cuir aithne thapa ar institiúidí an AE agus ar an áit a bhfuil siad lonnaithe; tá naisc ann le heolas níos mine a fháil. Féach Institiúidí an AE.
Molaimid duit sracfhéachaint a thabhairt tríd an gcuid seo den suíomh sula gcinnfidh tú iarratas a dhéanamh. Tabhair faoi deara go meallann poist sna hinstitiúidí Eorpacha na daoine is oilte ar fud na hEorpa agus go mbíonn an-iomaíocht sna tástálacha roghnúcháin. Chun tuilleadh eolais a fháil faoi na próisis roghnúcháin, féach Conas iarratas a dhéanamh.
