Mistoqsijiet frekwenti

EUROPA hi l-websajt uffiċjali tal-Unjoni Ewropea (UE). Inħolqot fl-1995. B'mod ġenerali, tippermetti 3 affarijiet lill-utenti:

• tagħtihom informazzjoni dwar l-UE u ħidmietha
• tagħtihom rispons dwar il-politiki, l-attivitajiet u s-servizzi
• jistgħu jagħmlu ċerti tranżazzjoniji – jagħmlu offerti, japplikaw għal impjieg, jinkitbu f'avvenimenti, jordnaw jew jixtru dokumenti, eċċ.

L-informazzjoni tiġi riveduta meta jkun meħtieġ, skont it-tibdiliet li jidħlu bit-trattati, il-laqgħat u avvenimenti oħra. Ħafna paġni jiġu aġġornati kuljum.

Għal lista ta' paġni ġodda miżjuda f'EUROPA kuljum, ikklikkja fuq X'hemm ġdid?

EUROPA mhix websajt unika, iżda ġabra ta' madwar 150 sit differenti, kull wieħed ġestit indipendentament minn istituzzjonijiet, Aġenziji u entitajiet tal-UE differenti kif ukoll mid-dipartimenti individwali (id-Direttorati Ġenerali) tal-Kummissjoni.

Il-paġni importanti jew ta' aċċess kollha huma amministrati mill-Kummissjoni Ewropea, flimkien ma' istituzzjonijiet Ewropej oħra.

L-għan tagħna hu li nipprovduk b'informazzjoni fil-lingwa tiegħek, jew f'lingwa li tifhem, skont x'tip ta' informazzjoni tkun qed tfittex.

Il-Ġurnal Uffiċjali tal-UE

Bulgaru, Ċek, Daniż, Olandiż, Ingliż, Estonjan, Finlandiż, Franċiż, Ġermaniż, Grieg, Irlandiż, Latvjan, Litwan, Malti, Pollakk, Portugiż, Rumen, Slovakk, Sloven, Spanjol, Taljan, Ungeriż u Żvediż.

Lingwi uffiċjali oħra tal-pajjiżi tal-UE

Il-futur se jkun hemm regoli ġodda bħall-Valenzjan/il-Katalan, il-Bask, il-Galizjan, eċċ. Qed jiġu n-negozjati arranġamenti mal-pajjiżi kkonċernati, li għandhom jassumu r-responsabbiltà finanzjarja involuta.

Il-lingwi li fihom hi ppubblikata informazzjoni differenti fuq EUROPA

• Il-leġiżlazzjoni u dokumenti ta' importanza politika
  Ippubblikati fil-lingwi uffiċjali kollha.
• Dokumenti uffiċjali
  Disponibbli f'tal-inqas dawk il-lingwi li kienu uffiċjali fid-data tal-pubblikazzjoni. Id-dokumenti li mhumiex vinkolanti huma ġeneralment ippubblikati bl-Ingliż, il-Franċiż u l-Ġermaniż.
• Informazzjoni ġenerali
  Ippubblikata bi tnax-il lingwa uffiċjali ġodda (mill-2004-07: il-Bulgaru, iċ-Ċek, l-Estonjan, l-Ungeriż, l-Irlandiż, il-Latvjan, il-Litwan, il-Malti, il-Pollakk, ir-Rumen, is-Slovakk, is-Sloven) kif u meta tkun tradotta.
• Informazzjoni urġenti jew valida għal żmien qasir ħafna
  Mhix ippubblikata fil-lingwi kollha.
• Informazzjoni speċjalizzata (informazzjoni teknika, kampanji, sejħiel għal-offerti) u aħbarijiet / avvenimenti
  Mhux neċessarjament ippubblikata fil-lingwi kollha. L-għażla tiddependi fuq l-udjenza mmirata.

Tistgħaġeb li xi informazzjoni mhix disponibbli fil-lingwa tiegħek?

L-utenti ta' EUROPA ħafna drabi jistgħaġbu li xi paġna ta' EUROPA mhix disponibbli fil-lingwa tagħhom.

Speċjalment għal-lingwi li ngħaqdu reċentement mal-UE (fl-2004 u l-2007), dan jiġri sempliċiment għax għadna ma sibniex il-ħin nittraduċu kollox.

Iżda xi siti huma disponibbli biss fi 3, 2 jew saħansitra lingwa waħda biss (normalment bl-Ingliż).

Ġeneralment, il-lingwi disponibbli fuq EUROPA jiddependu fuq dawn il-limiti:

• it-traduzzjoni - għandna biss (aċċess għal) numru limitat ta' tradutturi u baġit limitat għat-traduzzjoni (il-flus ta' dawk li jħallsu t-taxxa)
• l-importanza legali - il-pubbliku għandu jkollu aċċess għal-leġiżlazzjoni kollha u dokumenti ta' importanza/interess pubbliku ewlieni, għalhekk dawn jiġu prodotti fil-lingwi uffiċjali kollha.
  Id-dokumenti l-oħra jiġu tradotti biss fil-lingwi ("ta' ħidma") meħtieġa (per eżempju, komunikazzjoni mal-awtoritajiet nazzjonali, organizzazzjonijiet jew individwi)
• l-infiq effettiv – biex niffrankaw il-flus ta' dawk li jħallsu t-taxxa, għal siti speċjalizzati ħafna kkonsultati biss minn numru relattivament żgħir ta' persuni, naraw li niżguraw li ħafna minnhom jifhmu l-essenza tal-informazzjoni, anke jekk xi wħud ikollhom jaqraw id-dokumenti uffiċjali f'lingwa barranija
• l-urġenza - biex tkun rilevanti, ċertu tip ta' informazzjoni trid tiġi ppubblikata malajr. Minħabba li t-traduzzjoni tieħu l-ħin, nippreferu nippubblikaw malajr fil-lingwi miftiehma mill-ikbar numru ta' Ewropej, minflok ma nistennew it-traduzzjonijiet fil-lingwi kollha
• il-limiti tekniċi - il-ġestjoni ta' sit f'iktar minn 20 lingwa hi ferm kumplessa, u teħtieġ ħafna riżorsi umani u finanzjarji

Meta tqis dan kollu, se nimplimentaw bil-mod il-mod dan l-approċċ:

• l-ewwel u t-tieni livelli ta' kull sit se jkunu paġni sempliċi u stabbli li jagħtu informazzjoni għall-pubbliku in ġenerali, fil-lingwi uffiċjali kollha.
  It-traduzzjonijiet se jkunu ppubblikati malajr fil-11-il lingwa ta' qabel l-2004 u iktar bil-mod għal-lingwi iktar ġodda
• il-paġni b'informazzjoni valida għal żmien qasir ħafna jew speċjalizzata se jkunu ġenerlament ippubblikati (fejn possibbli) fit-3 lingwi l-iktar mitkellma fl-UE (l-Ingliż, il-Franċiż u l-Ġermaniż), għalkemm jaf jintużaw inqas lingwi (jew lingwi oħrajn), skont l-udjenza

L-informazzjoni fuq is-sit EUROPA hi suġġetta għal rinunċja u nota tad-dritt tal-awtur.

Ġenerlament, jekk ma jkunx indikat xort'oħra, l-informazzjoni mis-sit tista' tiġi riprodotta bil-kundizzjoni li s-sors ikun rikonoxxut.

Mistoqsijiet dwar id-drittijiet tal-awtur?

Tista' tagħmel link għal EUROPA minn kwalunkwe sit estern jekk tilħaq dawn il-kundizzjonijiet:

• Fejn possibbli, il-links għandhom ikunu mmarkati b'logos uffiċjali u/jew trademarks li huma proprjetà ta' jew/u liċenzjati mill-istituzzjonijiet Ewropej u għandhom ikunu konformi mal-istruzzjonijiet provduti.
  Jekk ma tistax tuża logos jew trademarks, tista' tuża links bit-test (per eżempju: “Għal aktar tagħrif, ara l-websajt EUROPA"), suġġetti għall-kundizzjonijiet hawn taħt.
• Jistgħu jsiru links biss għal paġni li juru l-Avviż Legali ta' EUROPA
• Meta l-utenti jaċċessaw EUROPA minn link estern, għandu jkun totalment ċar li huma jkunu qed jaraw l-informazzjoni li hi bla ħlas u li mhix esklużiva.
• Il-links m'għandhomx jagħtu l-impressjoni li l-istituzzjonijiet tal-UE iħaddnu jew jappoġġaw l-għanijiet jew il-kontenut tas-sit ospitanti jew l-organizzazzjoni li tiġġestiha.
• Jekk il-links isiru minn websajt ibbażata fuq il-frejms, il-paġni m'għandhomx jintwerew bħala frejms fuq dak is-sit b'tali mod li jistgħu jiżgwidaw lill-utenti rigward l-oriġini veru tagħhom.
• Hekk kif tagħmel link magħna, innotifika lill-webmaster ta' EUROPA billi tibgħat il-URL tal-paġna fejn jidher il-link, biex inkunu nistgħu nivverifikaw jekk is-sit tiegħek mexiex fuq il-punti 1-5 hawn fuq.

Fl-2001, il-Kummissjoni wiegħdet li tagħmel EUROPA iktar aċċessibbli għall-anzjani u l-persuni b'diżabilitajiet.

Il-modi kif qed tagħmel dan jinsabu fid-dokument ta' politika tal-UE - websajts tal-UE aċċessibbli [102KB]

Diġà beda x-xogħol biex isiru paġni ġodda u aġġornati ta' EUROPA konformi mal-livell ta' konformità A, li jfisser li jissodisfaw il-kriterji ta' prijorità 1 kollha fil-Linjigwida tal-Aċċessibilità tal-Kontenut tal-Web li huma aċċettati b'mod internazzjonali, maħruġa mill-proġett għal Inizjattiva dwar l-Aċċessibilità tal-Web (WAI).

Xi siti importanti ta' EUROPA (bħall-paġni ewlenin tal-Kummissjoni Ewropea) diġà jilħqu l-livell ta' konformità A u għandhom logo li juri dan.

Aktar dwar il-politika ta' aċċessibilità ta' EUROPA.

Il-paġni EUROPA huma ddisinnjati biex jaħdmu b'firxa wiesgħa ta' brawsers, tipi ta' kompjuters, sistemi operattivi u monitors b'intensitajiet ta' kuluri u reżoluzzjonijiet.

Huma żviluppati skont standards globali rikonoxxuti stabbiliti mill-Konsorzju tal-World Wide Web, konformi mal-HTML 4.01 Transitional and Cascading Style Sheets CSS2.1.

Madankollu, is-sit jisfrutta teknoloġiji ġodda disponibbli fil-brawsers l-aktar reċenti.

Jekk il-brawser tiegħek m'għandux dawn il-kapaċitajiet, jew jekk għażilt konfigurazzjonijiet differenti, jaf ma jkollokx aċċess għal ċerti funzjonijiet fuq EUROPA.

Nirrakkomandaw li taġġorna l-brawser tiegħek hekk kif toħroġ verżjoni ġdida. Tista' tagħmel dan mis-sit hawn taħt:

• Safari
• Firefox
• Chrome
• Internet Explorer
• Opera

Xi persuni jaf ikollhom ukoll problemi biex jaċċessaw EUROPA minn apparat li jinġarr fl-idejn (mowbajls, assistenti diġitali personali, eċċ.).

Il-paġni EUROPA jidhru l-aħjar b'reżoluzzjoni tal-iskrin ta' 1024x800.

Ħafna fajls li tista' tniżżel minn EUROPA huma f'format PDF. Biex tarahom għandek bożnn l-Adobe Acrobat Reader, li tista' tniżżel bla ħlas.

Xi fajls huma zipped (fajls kbar jew multipli, ikkompressati biex inaqqsu l-ħin tat-tniżżil). Għandhom l-estensjoni ".zip" u għandek bżonn ta' programm speċjali biex tiftaħhom (tanżippjahom).

Xi plug-ins komuni huma użati fuq EUROPA. Dawn huma programmi li jistgħu jiġu installati faċilment u użati bħala parti minn brawser. Il-plug-ins huma rikonoxxuti awtomatikament mill-brawsers u t-tħaddim tagħhom hu inviżibbli għall-utenti.

Ara l-politika dwar il-protezzjoni tad-data ta' EUROPA.

• Uffiċjali għolja fl-istituzzjonijiet tal-UE
• Persunal tal-Kummissjoni Ewropea
• Aktar dettalji ta' kuntatt għall-istituzzjonijiet tal-UE

 

• Dwar l-UE - kif taħdem l-UE, l-istituzzjonijiet u l-pajjiżi membri differenti tagħha, l-istorja u t-terminoloġija tal-UE u l-karrieri fl-istituzzjonijiet tal-UE.

• Politiki u attivitajiet - dettalji tal-għotjiet tal-UE, finanzjamenti, offerti u kuntratti.

• Pubblikazzjonijiet u dokumenti - id-dokumentazzjoni miktuba kollha ppubblikata mill-UE (ċirkolari, dejtabejżis, statistika, stħarriġ tal-opinjonijiet, dokumenti uffiċjali, leġiżlazzjoni u arkivji).

• Ħajtek fl-UE - dettalji dwar ix-xogħol, l-istudju, l-ivvjaġġar u r-residenza fl-UE. Huma koperti wkoll drittijietek, inklużi d-drittijiet tal-konsumatur, u l-kura tas-saħħa madwar l-UE.

• Links faċli għan-negozji - jinkludu s-sit EURES għal min qed ifittex ix-xogħol madwar l-UE, netwerks u portalli varji tan-negozji, riżoluzzjoni ta' problemi burokratiċi permezz ta' SOLVIT, kwistjonijiet tal-esportazzjoni u tat-taxxa, għotjiet tal-UE, offerti u kuntratti, u politika tan-negozju tal-UE.

 

• Ċentru tad-midja - aħbarijiet u avvenimenti tal-UE, kontenut awdjoviżiv estensiv bla ħlas, RSS feeds u podcasts.
• "Aħbarijiet mill-UE" - aħbarijiet u aġġornamenti ta’ kuljum dwar il-politiki mill-istituzzjonijiet tal-Unjoni Ewropea .
• "X’hemm ġdid fuq Europa" - l-aħħar aġġornamenti dwar is-siti web tal-istituzzjonijiet u entitajiet tal-UE .

• Kull paġna ta' EUROPA għandha link X'hemm ġdid fir-rokna ta' fuq tal-lemin.
• Ara wkoll Min hemm wara EUROPA.

• Hu sehem toffri għażliet varji - minn bloggs u forums ta' diskussjoni għal konsultazzjonijiet pubbliċi iktar konvenzjonali biex jitħejjew liġijiet ġodda tal-UE.

• Finanzjament u għotjiet
• Sejħiet għal offerti u kuntratti