An Banc Eorpach Infheistíochta

Ról

Tacaíonn an Banc Eorpach Infheistíochta le tionscadail i dtíortha an AE, agus infheistíonn sé i dtíortha a bheidh mar bhaill agus mar chomhpháirtithe sa todhchaí.

Faigheann sé airgead ar iasacht ar na margaí caipitil seachas tarraingt ar bhuiséad an AE. Tugtar an t-airgead ar iasacht ar théarmaí fabhracha do thionscadail ar aon dul le cuspóirí beartas an AE.

Sa bhliain 2008, bhailigh an BEI €60 bn nó geall leis. Oibríonn an BEI ar bhonn neamhbhrabúis agus tugann sé airgead ar iasacht ag ráta atá cóngarach don chostas iasachtaíochta.

Seirbhísí

• Iasachtaí : deonaítear iad do chláir inmharthana caiteachais chaipitil nó do thionscadail sna hearnálacha poiblí agus príobháideacha araon. Bíonn faighteoirí sa raon ó chorparáidí móra go dtí bardasachtaí agus gnóthais bheaga.
• Cúnamh teicniúil : foireann saineacnamaithe, innealtóirí agus speisialtóirí a sholáthraíonn é chun áiseanna maoinithe an BEI a chomhlánú.
• Ráthaíochtaí : ar fáil do raon mór comhlachtaí, m.sh. bainc, cuideachtaí léasaithe, institiúidí ráthaíochta, cistí ráthaíochta frithpháirtí, feithiclí sainchuspóireacha agus comhlachtaí eile.
• Caipiteal riosca : ba cheart iarratais ar chaipiteal riosca a chur díreach chuig idirghabhálaí.

Tabhairt iasachtaí laistigh den AE

Téann 90% d'iasachtaí nó geall leis go cláir agus do thionscadail laistigh den AE.

Tá 6 chuspóir tosaíochta ag an BEI maidir le tabhairt iasachtaí, agus iad leagtha amach i bplean gnó an Bhainc:

• Comhtháthú agus cóineasú
• Tacaíocht d’fhiontair bheaga agus mheánmhéide (FBManna)
• Inbhuanaitheacht an chomhshaoil
• Cur chun feidhme an Tionscnaimh Nuála 2010 (i2i)
• Forbairt gréasán tras-Eorpach um iompar agus fuinneamh (GTEanna)
• Fuinneamh inbhuanaithe, iomaíoch agus slán

Lasmuigh den AE

Tacaíonn an Banc Eorpach Infheistíochta le beartais forbartha agus comhar an AE i dtíortha comhpháirtíochta.

Áirítear ar na sainorduithe reatha beartais:

• Deisceart agus oirthear na hEorpa
• An beartas comharsanachta:
  • Comharsanacht na Meánmhara
  • An Rúis agus an chomharsanacht thoir
• Tíortha forbartha agus comhair:
  • Stáit na Afraice, na Cairibe agus na Ciúin-Mhara (agus Tíortha agus Críocha Thar Lear)
  • An Afraic Theas
  • An Áis agus Meiriceá Laidineach

Struchtúr agus eagraíocht

• Scairshealbhóirí – 27 dtír an AE
• Rialachas – dinimic agus freagrachtaí oibre an Bhoird Ghobharnóirí, an Bhoird Stiúrthóirí, an Choiste Iniúchóireachta agus an Choiste Bainistíochta
• Rialú agus meastóireacht – ag áirithiú sláine agus fóntacht oibríochtaí an Bhainc
• Eagraíocht – ranna agus comhaltaí foirne