You are here:

An Maoirseoir Eorpach ar Chosaint Sonraí (MECS)

Forbhreathnú

  • Ról: Cinntíonn sé go mbíonn meas ag institiúidí agus comhlachtaí AE ar cheart an duine chun príobháideachta agus iad i mbun a shonraí pearsanta a phróiseáil
  • An Maoirseoir: Giovanni Buttarelli
  • An Maoirseoir Cúnta: Wojciech Wiewiórowski
  • Bliain a bhunaithe: 2004
  • Suíomh: An Bhruiséil (an Bheilg)
  • Suíomh gréasáin: An Maoirseoir Eorpach ar Chosaint Sonraí

Ó am go ham próiseálann na hinstitiúdí agus comhlachtaí AE faisnéis phearsanta an tsaoránaigh – i bhfoirm leictreonach, scríofa nó físeach – agus iad i mbun a ndualgas. Baineann próiseáil le sonraí a bhailiú, a thaifeadadh, a stóráil, a athfháil, a sheoladh, a bhlocáil nó a scriosadh. Is é tasc an Mhaoirseora Eorpaigh ar Chosaint Sonraí (MECS) na rialacha príobháideachta dochta a chur i bhfeidhm lena rialaítear na gníomhaíochtaí sin.

Cad a dhéanann an MECS?

  • Maoirsíonn sé an chaoi a bpróiseálann riarachán an Aontais sonraí pearsanta chun comhlíonadh na rialacha príobháideachta a chinntiú
  • Tugann sé comhairle d'institiúidí agus comhlachtaí AE faoi gach gné de phróiseáil sonraí pearsanta agus faoi bheartais agus reachtaíocht atá gaolmhar
  • Déileálann sé le gearáin agus déanann sé fiosrúcháin
  • Oibríonn sé i gcomhar le húdaráis náisiúnta na mBallstát le comhsheasmhacht ó thaobh cosaint sonraí de a chinntiú
  • Déanann sé monatóireacht ar theicneolaíochtaí nua a d'fhéadfadh tionchar a imirt ar chosaint sonraí.

Cén chaoi a n-oibríonn MECS?

Déantar an Maoirseoir agus an Maoirseoir Cúnta a cheapadh le haghaidh téarma oifige in-athnuaite cúig bliana. Is ann do dhá phríomheintiteas MECS le haghaidh oibríochtaí ó lá go chéile:

Tusa agus MECS

Ní ceart d'institiúidí agus comhlachtaí AE do shonraí pearsanta a phróiseáil a bhaineann le do

  • bhunadh cineeitneach.
  • do thuairimí polaitiúla,
  • do chreidimh reiligiúnachafealsúnacha
  • nó do bhallraíocht i gceardchumann.

Ní cead dóibh sonraí faoi do shláinte nó do chlaonadh gnéis a phróiseáil ach oiread, ach amháin nuair is gá é sin a dhéanamh ar mhaithe le do chúram sláinte. Fiú sa chás sin, caithfidh gairmí sláinte na sonraí a phróiseáil, nó duine eile atá faoi mhionn rúndachta gairme.

Má cheapann tú gur sháraigh institiúid nó comhlacht AE do cheart chun príobháideachta, ba cheart duit dul i dteagmháil ar dtús leis an bhfoireann AE atá freagrach as do shonraí a phróiseáil agus a cheapann tú a rinne an sárú. Mura bhfuil tú sásta leis an toradh, téigh i dteagmháil leis an oifigeach um chosaint sonraí oifigeach um chosaint sonraí   Deutsch (de) English (en) français (fr) de chuid na hinstitiúide nó an chomhlachta AE a cheapann tú a rinne an sárú.

Má theipeann ort, is féidir leat gearán a dhéanamh chuig MECS, ag baint úsáide as foirm le haghaidh gearán a dhéanamh. Déanfaidh an Maoirseoir Eorpach um Chosaint Sonraí fiosrúchán agus inseoidh sé duit an aontaíonn sé leat, agus má aontaíonn, conas atáthar ag réiteach cúrsaí.

Mura n-aontaíonn tú le cinneadh an Mhaoirseora, is féidir leat an t-ábhar a chur faoi bhráid Chúirt Breithiúnais an Aontais Eorpaigh.

An Maoirseoir Eorpach ar Chosaint Sonraí

Sonraí teagmhála

Seoladh

Rue Wiertz/Wiertzstraat 60

B-1047 Bruxelles/Brussel

Belgique/België

Teileafón
+32 2 283 19 00
Facs
+32 2 283 19 50