You are here:

Il-Bank Ċentrali Ewropew (BĊE)

Ħarsa ġenerali

  • Rwol: Jimmaniġġja l-euro, iżomm il-prezzijiet stabbli u jmexxi l-politika ekonomika u monetarja tal-UE
  • President: Mario Draghi
  • Membri: Il-President u l-Viċi-President tal-BĊE u l-gvernaturi tal-banek ċentrali nazzjonali tal-pajjiżi kollha tal-UE.
  • Stabbilit: fl-1998
  • Jinsab: fi Frankfurt, il-Ġermanja
  • Sit web: Il-Bank Ċentrali Ewropew Il-Bank Ċentrali Ewropew   English (en)

Il-Bank Ċentrali Ewropew (BĊE) jimmaniġġja l-euro u jfassal u jimplimenta l-politika ekonomika u monetarja tal-UE. L-għan ewlieni tiegħu hu li jżomm il-prezzijiet stabbli, biex b'hekk jappoġġa t-tkabbir ekonomiku u l-ħolqien tal-impjiegi.

X’jagħmel il-BĊE?

  • Jistabbilixxi r-rati tal-imgħax rati tal-imgħax   English (en) li bihom il-banek kummerċjali jistgħu jissellfu fiż-żona tal-euro, biex jiġu kkontrollati l-massa monetarja u l-inflazzjoni
  • Jimmaniġġja r-riżervi tal-munita barranija taż-żona tal-euro u x-xiri jew il-bejgħ tal-muniti biex jibbilanċja r-rati tal-kambju
  • Jiżgura li s-swieq u l-istituzzjonijiet finanzjarji jkunu sorveljati sew mill-awtoritajiet nazzjonali, u li s-sistemi ta' pagament jaħdmu tajjeb
  • Jiżgura s-sikurezza u s-solidità tas-sistema bankarja Ewropea
  • Jawtorizza l-produzzjoni tal-karti tal-euro mill-pajjiżi taż-żona tal-euro
  • Jissorvelja t-tendenzi fil-prezzijiet u jevalwa r-riskji għall-istabilità tal-prezzijiet

Lista sħiħa tal-kompiti tal-BĊE

Kompożizzjoni

Il-President tal-BĊE jirrappreżenta lill-Bank f'laqgħat internazzjonali u ta' livell għoli tal-UE. Il-BĊE għandu dawn it-3 korpi li ġejjin li jieħdu d-deċiżjonijiet:

  • Il-Kunsill Governattivil-korp ewlieni għat-teħid tad-deċiżjonijiet.
    Jikkonsisti fil-Bord Eżekuttiv (ara hawn taħt) u l-gvernaturi tal-banek ċentrali nazzjonali fiż-żona tal-euro.
  • Il-Bord Eżekuttiv – jittratta mat-tmexxija ta' kuljum tal-BĊE.
    Jikkonsisti fil-President u l-Viċi President tal-BĊE u 4 membri oħra maħtura għal termini ta' 8 snin mill-mexxejja tal-pajjiżi taż-żona tal-euro.
  • Il-Kunsill Ġenerali – għandu rwol konsultattiv u ta' kooperazzjoni.
    Jikkonsisti fil-President u l-Viċi President tal-BĊE u l-gvernaturi tal-banek ċentrali nazzjonali tal-pajjiżi kollha tal-UE.

Kif jaħdem il-BĊE?

Il-BĊE jaħdem mal-banek ċentrali nazzjonali tal-pajjiżi kollha tal-UE. Flimkien dawn jiffurmaw is-Sistema Ewropea ta' Banek Ċentrali.

Din tmexxi l-kooperazzjoni bejn il-banek ċentrali fiż-żona tal-euro. Din hi magħrufa bħala s-Sistema tal-Euro.

Il-ħidma tal-korpi governattivi

  • Il-Kunsill Governattiv – jivvaluta l-iżviluppi ekonomiċi u monetarji, jiddefinixxi l-politika monetarja taż-żona tal-euro u jiffissa r-rati tal-imgħax li bihom il-banek kummerċjali jistgħu jissellfu l-flus mill-BĊE.
  • Il-Bord Eżekuttiv – jimplimenta l-politika monetarja, jimmaniġġja l-operazzjonijiet ta' kuljum, jipprepara l-laqgħat tal-Kunsill Governattiv u jeżerċita setgħat delegati lilu mill-Kunsill Governattiv.
  • Il-Kunsill Ġenerali – jikkontribwixxi għall-ħidma konsultattiva u ta' koordinazzjoni u jgħin lill-pajjiżi ġodda jħejju ruħhom biex jingħaqdu maż-żona tal-euro.

Infografika: Is-Sistema Ewropea ta' Banek Ċentrali (SEBĊ)

Infografika: Is-Sistema Ewropea ta' Banek Ċentrali (SEBĊ)

Ikklikkja l-immaġni biex tara infografika

Aktar infografika

Il-BĊE u int

Tista' tikkuntattja lill-BĊE tikkuntattja lill-BĊE   English (en) bl-email għal informazzjoni teknika jew promozzjonali.

il-Bank Ċentrali Ewropew

Dettalji ta' kuntatt

Indirizz

Sonnemannstrasse 20

DE-60314 Frankfurt am Main

Deutschland

Tel
+49 69 13 44 0
Fax
+49 69 13 44 60 00
Links
Netwerks soċjali
Żur

Tip ta’ żjara: 2 tipi ta' sessjoni ta' informazzjoni, żjara tas-sit ta' kostruzzjoni

Daqs minimu tal-grupp: 20 persuna (gruppi iżgħar jistgħu jingħaqdu ma' wieħed ikbar)

Rekwiżit tar-Riżervazzjoni bil-quddiem: Ħmistax-il (3-il) xahar

L-età minima tal-viżitaturi: 18-il sena

Żur il-Bank Ċentrali Ewropew