2005

Jannar

1

Il-Lussemburgu jassumi l-Presidenza tal-Kunsill tal-Unjoni Ewropea.

26

Jiġu ppubblikati l-miri strateġiċi tal-Kummissjoni għall-perjodu 2005-2009 "Prosperità, Solidarjetà u Sigurtà".

31

Issir ġewwa Brussell il-ħames laqgħa tal-Kunsill ta' Assoċjazzjoni bejn l-Unjoni Ewropea u t-Tuneżija.

Frar

1

Javier SOLANA, ir-Rappreżentant Għoli tal-UE għall-Politika Estera u ta' Sigurtà Komuni (PESK), jiffirma Ftehim mal-Ambaxxatur Marokkin Menouar ALEM dwar il-parteċipazzjoni tar-Renju tal-Marokk fl-Operazzjoni Althea, l-operazzjoni tal-Unjoni Ewropea għall-immaniġġar tal-kriżi militari fil-Bosnija u Ħerzegovina. Jidħol fis-seħħ illum il-Ftehim ta' Assoċjazzjoni bejn l-Unjoni Ewropea u l-Kroazja.

16

Il-Kummissjoni Ewropea tilqa' b'sodisfazzjon id-dħul fis-seħħ tal-Protokoll ta' Kyoto, li jagħti lill-komunità internazzjonali l-iżjed strument b'saħħtu tagħha sa issa sabiex tiġġieled it-tibdil fil-klima globali.

20

Spanja tagħmel referendum dwar il-Kostituzzjoni Ewropea u hija l-ewwel Stat Membru li jagħmel dan.

21-22

Il-President Amerikan George W. Bush iżur in-NATO u l-Unjoni Ewropea. Din hija l-ewwel żjara ta' President Amerikan fl-istituzzjonijiet Ewropej.

Marzu

7

Jiġi ffirmat ftehim bejn l-Unjoni Ewropea u r-Repubblika tal-Albanija dwar il-parteċipazzjoni tar-Repubblika tal-Albanija fl-operazzjoni tal-Unjoni Ewropea għall-immaniġġar tal-kriżi militari fil-Bosnija u Ħerzegovina (Operazzjoni Althea).

11

Illum jaħbat l-ewwel anniversarju tal-attakk terroristiku f'Madrid, u ġie stabbilit bħala l-ewwel Jum Ewropew għall-Vittmi tat-Terroriżmu.

15

Il-Kumitat Ekonomiku u Soċjali Ewropew (KESE) jorganizza s-seba' Ġurnata Ewropea tal-Konsumatur, li tiffoka fuq il-konsum sostenibbli u l-ħtieġa li jiġu aċċettati prodotti u servizzi sostenibbli.

22-23

Kunsill Ewropew fi Brussell, il-Belġju.

April

5

F'Manama, fil-Baħrajn, isiru l-15-il Kunsill Konġunt u laqgħa ministerjali bejn il-GCC u l-UE.

11

Rem Koolhaas jirċievi l-Premju tal-Unjoni Ewropea għall-Arkitettura kontemporanja/Premju Mies van der Rohe 2005.

13

Il-Parlament Ewropew jagħti l-approvazzjoni tiegħu għad-dħul tar-Rumanija u tal-Bulgarija fl-UE. L-adeżjonijiet proprji huma skedati li jseħħu fl-2007.

Mejju

2

Isir ġewwa l-Lussemburgu l-14-il samit bejn l-UE u l-Ġappun.

9

Is-60 anniversarju tat-tmiem tat-Tieni Gwerra Dinjija fl-Ewropa.

10

F'Moska, fir-Russja, isir il-15-il samit bejn l-UE u r-Russja.

26

Issir ġewwa l-Lussemburgu t-tieni laqgħa tal-Kunsill ta' Assoċjazzjoni bejn l-Unjoni Ewropea u ċ-Ċili.

29

Il-poplu Franċiż jivvota le għar-ratifika tat-Trattat Kostituzzjonali.

Ġunju

1

Il-poplu Olandiż jivvota le għar-ratifika tat-Trattat Kostituzzjonali.

6

Il-Grupp ACP ta' 79 stat tal-Afrika, tal-Karibew u tal-Paċifiku llum jiċċelebra t-tletin anniversarju tiegħu.

13

Laqgħa tal-Kunsill ta' Kooperazzjoni bejn l-UE u l-Ukraina fil-Lussemburgu.

14

Issir ġewwa l-Lussemburgu l-ħdax-il laqgħa tal-Kunsill ta' Assoċjazzjoni bejn l-Unjoni Ewropea u r-Rumanija.

16-17

Kunsill Ewropew fi Brussell, il-Belġju.

19

Samit UE-Kanada fi Niagara-on-the-Lake, fil-Kanada.

22

L-Unjoni Ewropea u l-Istati Uniti jospitaw flimkien ġewwa Brussell Konferenza Internazzjonali dwar l-Iraq.

Lulju

10

Il-votanti tal-Lussemburgu jivvutaw favur ir-ratifika tat-Trattat Kostituzzjonali Ewropew.

11

L-għaxar anniversarju tal-massakru ta' Srebrenica.

18

Issir ġewwa Brussell it-tieni laqgħa tal-Kunsill ta' Stabbilizzazzjoni u Assoċjazzjoni bejn l-UE u l-ex Repubblika Jugoslava tal-Maċedonja.

19

Issir ġewwa Brussell is-seba' Laqgħa Konġunta tal-Kunsill ta' Kooperazzjoni bejn il-Kazakastan u l-UE.

Awwissu

9

Il-Jum Internazzjonali tal-Popolazzjonijiet Indiġeni fid-Dinja.

Settembru

5

F'Beijing, iċ-Ċina, isir it-tmien samit bejn l-UE u ċ-Ċina.

7

Fi New Delhi, l-Indja, isir is-sitt samit bejn l-UE u l-Indja.

21

Tiġi ffirmata fi New York dikjarazzjoni konġunta dwar id-djalogu politiku bejn l-UE u l-Iraq.

26

Il-Ġurnata Ewropea tal-Lingwi.

Ottubru

3

Jiftħu n-negozjati tal-adeżjoni fl-Unjoni Ewropea mat-Turkija u l-Kroazja. Issir ġewwa Londra l-ewwel laqgħa assoluta tal-Kunsill Permanenti ta' Sħubija (PPC) bejn l-UE u r-Russja dwar l-enerġija.

4

F'Londra jsir is-16-il samit bejn l-UE u r-Russja.

26

Il-moviment Kuban tal-oppożizzjoni "Damas de Blanco", l-avukat Niġerjana għad-drittijiet tal-bniedem Hauwa Ibrahim u l-organizzazzjoni internazzjonali "Riporters mingħajr Fruntieri" huma r-rebbieħa konġunti ta' din is-sena tal-Premju Sakharov għal-Libertà tal-Ħsieb.

Novembru

7

Anne-Marie Sigmund, President tal-KESE, u José Manuel Barroso, President tal-Kummissjoni Ewropea, jiffirmaw protokoll ġdid ta' kooperazzjoni bejn iż-żewġ istituzzjonijiet. Issir ġewwa Brussell is-sitt Laqgħa Konġunta tal-Kunsill ta' Kooperazzjoni bejn l-UE u l-Afrika ta' Isfel.

9

Is-sittax-il anniversarju tal-Waqgħa tal-Ħajt ta' Berlin.

27-28

Isir f'Barċellona s-summit tal-Euromed, u jimmarka l-għaxar anniversarju tal-adozzjoni tad-Dikjarazzjoni ta' Barċellona f'Novembru 1995.

Diċembru

1

Samit bejn l-UE u l-Ukraina f'Kiev.

12

Issir ġewwa Brussell is-seba' Laqgħa tal-Kunsill ta' Kooperazzjoni bejn l-UE u r-Repubblika tal-Kirgiżtan.

15-16

Kunsill Ewropew fi Brussell, il-Belġju.