You are here:

L-Istorja tal-Unjoni Ewropea: 1990 - 1999

1990 | 1991 | 1992 | 1993 | 1994 | 1995 | 1996 | 1997 | 1998 | 1999

Ewropa bla fruntieri

Bil-waqa' tal-komuniżmu fl-Ewropa Ċentrali u tal-Lvant, l-Ewropej isiru ġirien eqreb. Fl-1993 is-Suq Uniku jitlesta bl-'erba' libertajiet' tal-moviment tal-prodotti, tas-servizzi tan-nies u tal-flus. Fid-disgħinijiet jinkitbu żewġ trattati, it-Trattat ta' Maastricht dwar l-Unjoni Ewropea fl-1993 u t-Trattat ta' Amsterdam fl-1999. In-nies jibdew jaħsbu kif jistgħu jħarsu l-ambjent u wkoll kif l-Ewropej jistgħu jaġixxu flimkien rigward kwistjonijiet ta' sigurtà u difiża. Fl-1995 l-UE tikseb tliet membri ġodda - l-Awstrija, il-Finlandja u l-Isvezja. Villaġġ żgħir fil-Lussemburgu jagħti l-isem lill-ftehimiet ta' Schengen li bil-mod il-mod jippermettu lill-persuni jivvjaġġaw mingħajr il-verifika tal-passaport fil-fruntieri. Miljuni ta' żgħażagħ jibdew jistudjaw barra minn pajjiżhom grazzi għall-appoġġ tal-UE. Il-komunikazzjoni ssir iktar faċli u iktar u iktar nies jibdew jużaw il-mowbajls u l-internet.

Fil-Balkani, il-Jugożlavja tibda' titfarrak biċċiet fl-1991. Il-ġlied l-ewwel jibda fil-Kroazja, imbagħad fil-Bożnja u Ħerzegovina u tfaqqa' gwerra ċivili bejn is-Serbi, il-Kroati u l-Musulmani.

7 ta’ Frar 1992

Jiġi ffirmat it-Trattat dwar l-Unjoni Ewropea f'Maastricht. Dan hu pass importanti għall-UE - jiddefinixxi regoli ċari għall-futur tal-munita unika kif ukoll tal-politika barranija u ta' sigurtà u kooperazzjoni eqreb fil-kwistjonijiet ġudizzjarji u interni. Bit-Trattat, l-isem 'Unjoni Ewropea' jieħu post uffiċjalment il-'Komunità Ewropea'.

1 ta’ Jannar 1993

Is-suq uniku u l-erba' libertajiet tiegħu jiġu stabbiliti: il-moviment liberu tal-prodotti, is-servizzi, in-nies u l-flus issa jsir realtà. Mill-1986 intlaħaq qbil fuq iktar minn 200 liġi li jkopru l-politika tat-taxxa, regolamenti dwar in-negozju, il-kwalifiki professjonali u ostakli oħra għall-ftuħ tal-fruntieri. Il-moviment liberu ta' xi servizzi għadu mdewwem.

1 ta’ Jannar 1995

L-Awstrija, il-Finlandja u l-Isvezja jingħaqdu fl-Unjoni Ewropea. Il-15-il membru issa kważi jkopru l-Ewropa tal-Lvant kollha. F'Ottubru 1990, il-Ġermanja ngħaqdet u għalhekk l-eks Ġermanja tal-Lvant issir parti mill-UE.

Stati Membri Stati Membri: il-Ġermanja, Franza, l-Italja, il-Pajjiżi l-Baxxi, il-Belġju, il-Lussembrugu,id-Danimarka, l-Irlanda, ir-Renju Unit, il-Greċja, Spanja u l-Portugall.

Stati Membri ĠoddaStati Membri Ġodda: l-Awstrija, il-Finlandja u l-Isvezja.

 Mappa - Stati membri tal-UE 1995 © Stefan Chabluk

Lista tal-istati membri kollha tal-UE u meta ssieħbu.

26 ta’ Marzu 1995

Il-Ftehim ta' Schengen jidħol fis-seħħ f'seba' pajjiżi - il-Belġju, il-Ġermanja, Spanja, Franza, il-Lussemburgu, il-Pajjiżi l-Baxxi u l-Portugall. Iċ-ċittadini ta' kwalunkwe nazzjonalità jistgħu jivvjaġġaw bejn dawn il-pajjiżi kollha mingħajr il-kontroll tal-passaport fil-fruntieri. Minn dak in-nhar 'il hawn ingħaqdu pajjiżi oħra fiż-żona Schengen.

17 ta’ Ġunju 1997

L-Iffirmar tat-Trattat ta’ Amsterdam. Jibni fuq il-kisbiet tat-trattat ta' Maastricht Agħżel it-traduzzjonijiet mil-link ta' qabel   čeština (cs) dansk (da) Deutsch (de) ελληνικά (el) English (en) español (es) français (fr) italiano (it) magyar (hu) Nederlands (nl) polski (pl) português (pt) română (ro) suomi (fi) svenska (sv) , u jistabbilixxi pjanijiet biex jiġu riformati l-istituzzjonijiet tal-UE, biex l-Ewropa jkollha vuċi iktar b'saħħitha fid-dinja, u biex jiġu kkonċentrati iktar riżorsi fuq l-impjiegi u d-drittijiet taċ-ċittadini.

 

13 ta’ Diċembru 1997

Il-mexxejja tal-UE jiftiehmu biex jibdew il-proċess tan-negozjati ta' sħubija ma' 10 pajjiżi tal-Ewropa Ċentrali u tal-Lvant: il-Bulgarija, ir-Repubblika Ċeka, l-Estonja, l-Ungerija, il-Latvja, il-Litwanja, il-Polonja, ir-Rumanija, is-Slovakkja u s-Slovenja. Il-gżejjer fil-Mediterran ta' Ċipru u Malta huma inklużi wkoll. Fis-sena 2000, bidliet fit-Trattat miftiehma f'Nizza jwittu t-triq għat-tkabbir bir-riforma tar-regoli ta' votazzjoni tal-UE.

Fl-1996, xjenzjati fl-Iskozja jirnexxilhom jikklonaw nagħġa minn ċellola waħda ta' nagħġa ta' sitt snin, rivoluzzjoni fl-inġinerija ġenetika. 'Dolly' hi kopja identika tal-'ġenitur' tagħha.

1 ta’ Jannar 1999

Tiddaħħal l-ewro fi 11-il pajjiż (il-Greċja tingħaqad magħhom fl-2001) għal tranżazzjonijiet kummerċjali u finanzjarji biss. Il-karti u l-muniti jaslu iktar tard. Il-pajjiżi tal-ewro huma l-Belġju, il-Ġermanja, il-Greċja, Spanja, Franza, l-Irlanda, l-Italja, il-Lussemburgu, il-Pajjiżi l-Baxxi, l-Awstrija, il-Portugall u l-Finlandja. Id-Danimarka, l-Iżvezja u r-Renju Unit għalissa jiddeċiedu li jibqgħu barra.

1990 | 1991 | 1992 | 1993 | 1994 | 1995 | 1996 | 1997 | 1998 | 1999