You are here:

L-Istorja tal-Unjoni Ewropea: 1945 - 1959

1946 | 1947 | 1948 | 1949 | 1950 | 1951 | 1952 | 1953 | 1954 | 1955 | 1956 | 1957 | 1958 | 1959

Ewropa paċifika – il-bidu tal-kooperazzjoni

L-Unjoni Ewropea titwaqqaf biex jispiċċaw il-gwerer spissi u kollha dmija bejn il-ġirien, li kienu laħqu l-ogħla punt tagħhom fit-Tieni Gwerra Dinjija. Fis-snin ħamsin, il-Komunità Ewropea tal-Faħam u l-Azzar tibda tgħaqqad il-pajjiżi Ewropej mil-lat ekonomiku u politiku biex tiżgura paċi dejjiema. Is-sitt fundaturi huma l-Belġju, Franza, il-Ġermanja, l-Italja, il-Lussemburgu u l-Pajjiżi l-Baxxi. Il-ħamsinijiet huma ddominati mill-gwerra bierda bejn il-Lvant u l-Punent. Il-protesti fl-Ungerija kontra r-reġim Komunista jitrażżnu mit-tankijiet Sovjetiċi fl-1956; is-sena ta' wara, fl-1957, l-Unjoni Sovjetika tieħu t-tmun fit-tellieqa għall-ispazju, meta tniedi l-ewwel satellita tal-ispazju mibnija mill-bniedem, Sputnik 1. Fl-1957 ukoll, it-Trattat ta' Ruma joħloq il-Komunità Ekonomika Ewropea (KEE), jew is-'Suq Komuni'.

L-għeruq storiċi tal-Unjoni Ewropea jinsabu fit-Tieni Gwerra Dinjija. L-Ewropej huma determinati li jevitaw li qtil u ħerba bħal din ma tiġri qatt iktar. Wara l-gwerra, l-Ewropa tinqasam bejn il-Lvant u l-Punent u tibda l-Gwerra Bierda li ddum 40 sena. In-nazzjonijiet Ewropej tal-Punent joħolqu l- Kunsill tal-Ewropa Agħżel it-traduzzjonijiet mil-link ta' qabel   Deutsch (de) English (en) français (fr) italiano (it) fl-1949. Hu l-ewwel pass lejn il-kooperazzjoni bejniethom, iżda sitt pajjiżi jixtiequ jmorru lil hinn.

9 ta' Mejju 1950 - Il-Ministru Franċiż għall-Affarijiet Barranin Robert Schuman jippreżenta pjan għal iktar kooperazzjoni. Iktar tard, id-9 ta' Mejju tibda titfakkar bħala 'Jum l-Ewropa'.

18 ta’ April 1951

Abbażi tal- pjan Schuman, sitt pajjiżi jiffirmaw trattat għal tmexxija komuni tal-industriji tal-faħam u l-azzar tagħhom. B'hekk l-ebda pajjiż waħdu ma jista' jibni l-armi għall-gwerra biex idur kontra pajjiż ieħor, bħalma kien jiġri qabel. Is-sitt pajjiżi huma l-Ġermanja, Franza, l-Italja, il-Pajjiżi l-Baxxi, il-Belġju u l-Lussemburgu.

Stati Membri fundaturi Stati Membri fundaturi: il-Ġermanja, Franza, l-Italja, il-Pajjiżi l-Baxxi, il-Belġju u l-Lussemburgu.

Mappa - Stati membri tal-UE 1951 © Stefan Chabluk

Lista tal-istati membri kollha tal-UE u meta ssieħbu.

Il-perit Żvizzeru Le Corbusier jinawgura xejra ġdida bil-ftuħ (fl-1952) tal-kumpless arkitettoniku Unité d’habitation ('belt vertikali') f'Marsilja, Franza. Id-dehra għerija ta' din il-binja tal-konkrit titlaqqam il-'Brutaliżmu ġdid'.

Fl-Ungerija, il-poplu jqum kontra r-reġim pro-Sovjetiku fl-1956. F'Novembru, tankijiet Sovjetiċi jidħlu f'Budapest biex irażżnu l-protesti.

L-Unjoni Sovjetika tirbaħ lill-Istati Uniti fil-konkwista tal-ispazju bit-tnedija tal-ewwel satellita mibnija mill-bniedem, Sputnik 1, fl-1957, li tidħol fl-orbita f'għoli ta' 800 km. Fl-1961 l-Unjoni Sovjetika terġa' tirbaħ bl-ewwel kosmonawta, Yuri Gagarin, b'tagħmir spazzjali b'dijametru ta' 2.6 metri biss.

25 ta’ Marzu 1957

Fuq is-suċċess tat- Trattat dwar il-Faħam u l-Azzar, is-sitt pajjiżi jwessgħu l-kooperazzjoni għal setturi ekonomiċi oħra. Jiffirmaw it- Trattat ta' Ruma li joħloq il-Komunità Ekonomika Ewropea (KEE), jew ' suq komuni '. L-idea hi li l-persuni, il-prodotti u s-servizzi jiċċaqalqu b'mod ħieles bejn il-fruntieri.

1946 | 1947 | 1948 | 1949 | 1950 | 1951 | 1952 | 1953 | 1954 | 1955 | 1956 | 1957 | 1958 | 1959