an Ríocht Aontaithean Ríocht Aontaithe

Bliain iontrála san AE: 1973

Príomhchathair: Londain

Achar iomlán: 244,820 km²

Daonra: 61.7 milliún

Airgeadra: punt steirling (£)

Limistéar Schengen: Níl ina ball de Schengen

an Ríocht Aontaithe

Sa Ríocht Aontaithe (RA) tá Sasana, an Bhreatain Bheag, Alba (le chéile, sin an Bhreatain Mhór) agus Tuaisceart Éireann. Tírdhreach éagsúil atá ag an RA, le haillte ar feadh chuid den chósta, garbhchríocha agus ísealchríocha agus a lán oileán siar ó chósta na hAlban. Binn Nimhis in Albain an sliabh is airde, le hairde 1 344m.

Monarcacht bhunreachtúil agus daonlathas parlaiminteach is ea an Ríocht Aontaithe. Is é Teach na dTeachtaí, an House of Commons, gona 646 ball a thoghtar trí vótáil chomhchoiteann, an príomhsheomra parlaiminte. Tá thart ar 700 duine i dteideal suí sa teach uachtarach, Teach na dTiarnaí, ina measc tiarnaí, tiarnaí oidhreachta, agus easpaig. Tá Parlaimint Albanach i nDún Éideann a bhfuil raon leathan cumhachtaí aici, agus Tionól Breatnach in Caerdydd a bhfuil cumhachtaí níos teoranta aici ach atá in ann reachtú i réimsí áirithe.

Sasanaigh is ea breis is 80% den daonra. Albanaigh is ea beagnach 10% agus Breatnaigh is daoine ó Thuaisceart Éireann an chuid eile. Fairis sin, tá cónaí ar phobail éagsúla inimirceach sa RA, go háirthe óna hiarchoilíneachtaí sna hIndiacha Thiar, an India, an Phacastáin, an Bhangladéis agus an Afraic.

Is mó ar sheirbhísí atá an geilleagar bunaithe - tá sé ar na cinn is mó san AE - cé go gcoinníonn sé cumas tionsclaíoch sna hearnálacha ardteicneolaíochta is eile. Lárionad domhanda do sheirbhísí airgeadais is ea Cathair Londan.

Mar bhunáit na Réabhlóide Tionsclaíche, is iomaí mór-eolaí agus innealtóir a tháinig ón Ríocht Aontaithe, ina measc Isaac Newton agus Charles Darwin. Albanach ab ea athair na nua-eacnamaíochta, Adam Smith. I litríocht an Bhéarla tá sruth éigríochta filí, drámadóirí, aistithe agus úrscéalaithe ó Geoffrey Chaucer trí Shakespeare agus lucht a chomhaimsire go raidhse scríbheoirí nua-aoiseacha amhail J. K. Rowling agus Doris Lessing, a bhuaigh Duais Nobel.

Is iomaí sainbhia réigiúnach is traidisiúnta a mheallann an cuairteoir chun na Ríochta Aontaithe. Mar shampla, in Albain d'fhéadfá triail a bhaint as toitigh Arbroath (cadóg dheataithe chócaráilte go héadrom), nó i dTuaisceart Éireann cad chuige gan an lá a thosú le mias fhriothta Ultach (bágún friochta, ubh, ispín, borróga sóide agus arán prátaí)? Sainbhia traidisiúnta sa Bhreatain Bheag is ea arán sleabhaic (feamainn) as a ndéantar bleathach Breatnach, iad friochta le huibheacha, bágún agus ruacain. Mias thraidisiúnta ó thuaisceart Shasana is ea hotpot Lancashire, a dhéantar le huaineoil nó mairteoil, prátaí agus oinniúin.

Useful links

TEAGMHÁIL

Eolas ginearálta – fiosruithe

Glaoigh ar
00 800 6 7 8 9 10 11 Féach mionsonraí na seirbhíse

Cuir do cheisteanna chugainn ar r-phost

Sonraí teagmhála agus cuairte d'institiúidí, teagmhálacha preasa

an Ríocht Aontaithe

Cabhraigh linn feabhsú

An bhfuair tú an t-eolas a bhí uait?

FuairNí bhfuair

Cad a bhí uait?

An bhfuil aon mholtaí agat?