Cosán nascleanúna

You are in the principal navigation of the site

An tSualainn

Tá an daonra is mó de chuid na dtíortha Nordacha sa tSualainn. Is í an tríú tír is mó achar san Aontas Eorpach í. Tá teorainn sléibhe aici leis an Iorua san iarthar agus tá droichead bóthair agus iarnróid ina nasc idir í agus an Danmhairg sa deisceart.

Seo na hearnálacha is mó a bhí i ngeilleagar na Sualainne in 2012 – an córas riaracháin phoiblí, seirbhísí cosanta, oideachais, sláinte agus oibre sóisialta (23.9 %); an tionsclaíocht (19.9 %) agus an trádáil mhórdhíola agus mhiondíola, seirbhísí iompair, cóiríochta agus bia (17.6 %).

Is iad an Iorua, an Ghearmáin agus an Ríocht Aontaithe na tíortha is mó a n‑easpórtálann sí earraí chucu agus an Ghearmáin, an Iorua agus an Danmhairg is mó a n‑iompórtálann sí earraí uathu.

Príomhchathair: Stócólm

Achar na tíre: 438 575.8 km2

Daonra: 9 482 855 (2012)

Daonra mar % de dhaonra iomlán an AE: 1.9 % (2012)

Olltáirgeacht intíre: € 407.820 billiún (2012)

Teangacha oifigiúla de chuid an AE: an tSualainnis

Córas polaitíochta: monarcacht bhunreachtúil pharlaiminteach

Ina Ballstát ón: 1 Eanáir 1995

Líon a Feisirí i bParlaimint na hEorpa: 20

Airgeadra: Krona na Sualainne (SEK)

An féidir dul isteach sa tír gan phas? Is féidir. Ball de Limistéar Schengen ón 19 Nollaig 1996

Uachtaránacht na Comhairle: Bhí Uachtaránacht Chomhairle an AE faoi chúram na Sualainne faoi dhó, in 2001 agus 2009.

Tuilleadh eolais

An tSualainn san AE

Parlaimint na hEorpa

Tá 20 Feisire ag an tSualainn i bParlaimint na hEorpa. Seo roinnt eolais faoi na Feisirí sin.

Oifig Pharlaimint na hEorpa sa tSualainn svenska     

Comhairle an AE

Is é a dhéantar i gComhairle an AE go dtagann airí náisiúnta le chéile go rialta le dlíthe an AE a ghlacadh agus a mbeartais a chomhordú. Bíonn ionadaithe as rialtas na Sualainne i láthair go rialta ag cruinnithe na Comhairle. Ní hiad na hionadaithe céanna a bhíonn i láthair ag gach cruinniú – tá sin ag brath ar an réimse beartais.

Uachtaránacht Chomhairle an AE

Ní uachtarán buan amháin (fearacht Uachtaráin an Choimisiúin agus na Parlaiminte) atá ar Chomhairle an AE. Ina ionad sin, is í an tír a bhfuil uachtaránacht na Comhairle faoina cúram a stiúrann an obair sin. Bíonn an ról sin ag gach Ballstát ar a sheal ar feadh 6 mhí.

Le linn na tréimhse 6 mhí sin, bíonn airí ó rialtas thír na huachtaránachta i bhfeighil ar chruinnithe na Comhairle sna réimsí beartais éagsúla, glacann siad páirt i leagan amach chláir na gcruinnithe sin agus éascaíonn siad an caidreamh le hinstitiúidí eile an AE.

Na tréimhsí a raibh an uachtaránacht faoi chúram na Sualainne lena linn:

Ean-Meith 2001 | Iúil-Nollaig 2009

Tuilleadh eolais faoin uachtaránacht atá ar Chomhairle an AE faoi láthair Englishfrançaisitaliano.

An Coimisiún Eorpach

Is í Cecilia Malmström English an té a cheap an tSualainn ina Coimisinéir ar an gCoimisiún Eorpach. Trádáil an cúram atá uirthi.

Tá oifig áitiúil ag an gCoimisiún i ngach Ballstát. "Ionadaíochtaí an Choimisiúin" a thugtar ar na hoifigí sin.

Ionadaíocht an Choimisiúin sa tSualainn

Coiste Eacnamaíoch agus Sóisialta na hEorpa

12 ionadaí English ag an tSualainn ar an gCoiste Eacnamaíoch agus Sóisialta. Eagraíocht chomhairleach atá sa choiste sin – ina bhfuil fostóirí, oibrithe agus grúpaí leasa eile. Téann na hinstitiúidí i dteagmháil leis chun comhairle a fháil i dtaobh dlíthe atá beartaithe le go mbeidh tuiscint níos fearr acu ar an tionchar a bheadh ag na dlíthe sin ar dhálaí oibre agus sóisialta sna Ballstáit.

Coiste na Réigiún

12 ionadaí English ag an tSualainn ar Choiste na Réigiún, sin tionól d'ionadaithe réigiúnacha agus áitiúla ar leibhéal an AE. Téann na hinstitiúidí i dteagmháil leis an gcoiste sin chun comhairle a fháil i dtaobh dlíthe atá beartaithe le gur féidir an dearcadh atá ag gach réigiún faoi leith san AE i dtaobh na ndlíthe sin a thuiscint agus a chur san áireamh.

Buanionadaíocht chuig an AE

Bíonn an tSualainn i dteagmháil freisin le hinstitiúidí an AE tríd an mbuanionadaíocht atá aici sa Bhruiséil. Sin "ambasáid na Sualainne chuig an AE" agus is é is príomhchúram di deimhin a dhéanamh de go bhfuil leasanna agus beartais na tíre á gcur chun cinn go héifeachtach san AE.

Buiséid agus Maoiniú

An méid airgid a thugann an tSualainn don AE agus an méid a fhaigheann sí ar ais

Tá an méid airgid a íocann na Ballstáit isteach i mbuiséad an AE roinnte go cothrom eatarthu de réir na n-acmhainní atá ag gach tír ar leith. Íocann na tíortha sin a bhfuil geilleagair mhóra acu níos mó airgid isteach sa bhuiséad ná na tíortha sin a bhfuil geilleagair bheaga acu. Níl sé mar aidhm le buiséad an AE an rachmas a athdháileadh, ach cuirtear béim ar riachtanais mhuintir na hEorpa ina n‑iomláine.

Miondealú ar chaidreamh airgeadais na Sualainne leis an AE in 2012:

  • Caiteachas iomlán an AE sa tSualainn: € 1.566 billiún
  • Caiteachas iomlán an AE mar % d'olltáirgeacht intíre na Sualainne: 0.37 %
  • Ranníocaíocht iomlán na Sualainne isteach i mbuiséad an AE: € 3.289 billiún
  • Ranníocaíocht na Sualainne isteach i mbuiséad an AE mar % d'olltáirgeacht intíre na tíre: 0.79 %

Tuilleadh figiúirí faoi bhuiséad, ioncam agus caiteachas an AE:

Tionscadail sa tSualainn a fuair maoiniú ón AE

An t-airgead a d'íoc an tSualainn isteach i mbuiséad an AE, úsáidtear é le cláir agus tionscadail a mhaoiniú i dtíortha uile an AE – m.sh. déanamh bóithre, maoiniú do thaighdeoirí agus cosaint an chomhshaoil.

Tuilleadh eolais faoin gcaoi a dtéann an maoiniú ón AE chun tairbhe don tSualainn.

Eolas praiticiúil