Cosán nascleanúna

You are in the principal navigation of the site

An Spáinn

Ardchláir agus sliabhraonta ar nós na bPiréiní agus Sierra Nevada is mó atá ar mhórthír na Spáinne atá suite ar Leithinis na hIbéire. Tá teorainn aici leis an bhFrainc agus le hAndóra sa tuaisceart agus leis an bPortaingéil san iarthar. Cuid den Spáinn iad na hOileáin Bhailéaracha sa Mheánmhuir, na hOileáin Chanáracha san Aigéan Atlantach agus an dá eachtarchríoch i dTuaisceart na hAfraice: Ceuta agus Melilla.

Seo na hearnálacha is mó a bhí i ngeilleagar na Spáinne in 2012 – an trádáil mhórdhíola agus mhiondíola, seirbhísí iompair, cóiríochta agus bia (25.3 %); an córas riaracháin phoiblí, seirbhísí cosanta, oideachais, sláinte agus oibre sóisialta (18.1 %) agus an tionsclaíocht (17.4 %).

Is iad an Fhrainc, an Ghearmáin agus an Iodáil na tíortha is mó a n-easpórtálann sí earraí chucu agus a n-iompórtálann sí earraí uathu.

Príomhchathair: Maidrid

Achar na tíre: 505 990.7 km2

Daonra: 46 818 219 (2012)  

Daonra mar % de dhaonra iomlán an AE: 9.3 % (2012)

Olltáirgeacht intíre: € 1.029 trilliún (2012)

Teangacha oifigiúla de chuid an AE: an Spáinnis

Córas polaitíochta: monarcacht bhunreachtúil pharlaiminteach

Ina Ballstát ón: 1 Eanáir 1986

Líon a Feisirí i bParlaimint na hEorpa: 54

Airgeadra: Ball den limistéar euro English ón 1 Eanáir 1999

An féidir dul isteach sa tír gan phas? Is féidir. Ball de Limistéar Schengen ón 25 Meitheamh 1991

Uachtaránacht na Comhairle: Bhí Uachtaránacht Chomhairle an AE faoi chúram na Spáinne 4 huaire idir 1989 agus 2010.

Tuilleadh eolais

An Spáinn san AE

Parlaimint na hEorpa

Tá 54 Feisire ag an Spáinn i bParlaimint na hEorpa. Seo roinnt eolais faoi na Feisirí sin.

Oifig Pharlaimint na hEorpa sa Spáinn español

Comhairle an AE

Is é a dhéantar i gComhairle an AE go dtagann airí náisiúnta le chéile go rialta le dlíthe an AE a ghlacadh agus a mbeartais a chomhordú. Bíonn ionadaithe as rialtas na Spáinne i láthair go rialta ag cruinnithe na Comhairle. Ní hiad na hionadaithe céanna a bhíonn i láthair ag gach cruinniú – tá sin ag brath ar an réimse beartais.

Uachtaránacht Chomhairle an AE

Ní uachtarán buan amháin (fearacht Uachtaráin an Choimisiúin agus na Parlaiminte) atá ar Chomhairle an AE. Ina ionad sin, is í an tír a bhfuil uachtaránacht na Comhairle faoina cúram a stiúrann an obair sin. Bíonn an ról sin ag gach Ballstát ar a sheal ar feadh 6 mhí.

Le linn na tréimhse 6 mhí sin, bíonn airí ó rialtas thír na huachtaránachta i bhfeighil ar chruinnithe na Comhairle sna réimsí beartais éagsúla, glacann siad páirt i leagan amach chláir na gcruinnithe sin agus éascaíonn siad an caidreamh le hinstitiúidí eile an AE.

Na tréimhsí a raibh an uachtaránacht faoi chúram na Spáinne lena linn:

Ean-Meith 1989 | Iúil-Nollaig 1995 | Ean-Meith 2002 | Ean-Meith 2010

Tuilleadh eolais faoin uachtaránacht atá ar Chomhairle an AE faoi láthair Englishfrançaisitaliano.

An Coimisiún Eorpach

Is é Miguel Arias Cañete English an té a cheap an Spáinn ina Choimisinéir ar an gCoimisiún Eorpach. Gníomhú ar son na hAeráide agus Fuinneamh na cúraimí atá air.

Tá oifig áitiúil ag an gCoimisiún i ngach Ballstát. "Ionadaíochtaí an Choimisiúin" a thugtar ar na hoifigí sin.

Ionadaíocht an Choimisiúin sa Spáinn

Coiste Eacnamaíoch agus Sóisialta na hEorpa

21 ionadaí English ag an Spáinn ar an gCoiste Eacnamaíoch agus Sóisialta. Eagraíocht chomhairleach atá sa choiste sin – ina bhfuil fostóirí, oibrithe agus grúpaí leasa eile. Téann na hinstitiúidí i dteagmháil leis chun comhairle a fháil i dtaobh dlíthe atá beartaithe le go mbeidh tuiscint níos fearr acu ar an tionchar a bheadh ag na dlíthe sin ar dhálaí oibre agus sóisialta sna Ballstáit.

Coiste na Réigiún

21 ionadaí English ag an Spáinn ar Choiste na Réigiún, sin tionól d'ionadaithe réigiúnacha agus áitiúla ar leibhéal an AE. Téann na hinstitiúidí i dteagmháil leis an gcoiste sin chun comhairle a fháil i dtaobh dlíthe atá beartaithe le gur féidir an dearcadh atá ag gach réigiún faoi leith san AE i dtaobh na ndlíthe sin a thuiscint agus a chur san áireamh.

Buanionadaíocht chuig an AE

Bíonn an Spáinn i dteagmháil freisin le hinstitiúidí an AE tríd an mbuanionadaíocht atá aici sa Bhruiséil. Sin "ambasáid na Spáinne chuig an AE" agus is é is príomhchúram di deimhin a dhéanamh de go bhfuil leasanna agus beartais na tíre á gcur chun cinn go héifeachtach san AE.

Buiséid agus Maoiniú

An méid airgid a thugann an Spáinn don AE agus an méid a fhaigheann sí ar ais

Tá an méid airgid a íocann na Ballstáit isteach i mbuiséad an AE roinnte go cothrom eatarthu de réir na n-acmhainní atá ag gach tír ar leith. Íocann na tíortha sin a bhfuil geilleagair mhóra acu níos mó airgid isteach sa bhuiséad ná na tíortha sin a bhfuil geilleagair bheaga acu. Níl sé mar aidhm le buiséad an AE an rachmas a athdháileadh, ach cuirtear béim ar riachtanais mhuintir na hEorpa ina n‑iomláine.

Miondealú ar chaidreamh airgeadais na Spáinne leis an AE in 2012:

  • Caiteachas iomlán an AE sa Spáinn – € 14.257 billiún
  • Caiteachas iomlán an AE mar % d'olltáirgeacht intíre na Spáinne – 1.37 %
  • Ranníocaíocht iomlán na Spáinne isteach i mbuiséad an AE – € 9.662 billiún
  • Ranníocaíocht na Spáinne isteach i mbuiséad an AE mar % d'olltáirgeacht intíre na tíre – 0.93 %

Tuilleadh figiúirí faoi bhuiséad, ioncam agus caiteachas an AE:

Tionscadail sa Spáinn a fuair maoiniú ón AE

An t-airgead a d'íoc an Spáinn isteach i mbuiséad an AE, úsáidtear é le cláir agus tionscadail a mhaoiniú i dtíortha uile an AE – m.sh. déanamh bóithre, maoiniú do thaighdeoirí agus cosaint an chomhshaoil.

Tuilleadh eolais faoin gcaoi a dtéann an maoiniú ón AE chun tairbhe don Spáinn.

Eolas praiticiúil