an tSlóivéinan tSlóivéin

Bliain iontrála san AE: 2004

Príomhchathair: Liúibleána

Achar iomlán: 20,273 km²

Daonra: 2 milliún

Airgeadra: Ball de limistéar an euro ó 2007 (€)

Limistéar Schengen: Ball de limistéar Schengen ó 2007

an tSlóivéin

Bhíodh an tSlóivéin ar cheann de phoblachtaí na hIúgslaive, ach fuair sí neamhspleáchas i 1991 nuair a thit an Iúglslaiv as a chéile. An Iodáil, an Osgair, an Ungáir is an Chróit atá ar a teorainneacha.

Tá ceithre mhór-réigiún thíreolaíocha le chéile sa tSlóivéin: na hAlpa, an limistéar Dionarach, machaire na Panóine agus an Mheánmhuir. Tá an tír sléibhtiúil, agus is maith le Slóivéinigh sciáil agus fánaíocht. Ar an mbratach náisiúnta tá Triglav na dtrí bheann, an sliabh is airde sa tSlóivéin, le 2 864 méadar.

Ba chuid den Impireacht Ostra-Ungárach an tír tráth. Bunaíodh an phríomhchathair, Liúibleána, aimsir na Rómhánach. Cuireann a hollscoil, gona breis is 50 000 mac léinn, le saol cultúrtha gnóthach na cathrach. Ar na príomhthionscail tá páirteanna cairr, ceimiceáin, leictreonaic, fearais leictreacha, earraí miotail, teicstílí agus troscán.

Bíonn spéis ag turasóirí in uaimheanna cáiliúla Postojna, gona maisiúchán aolchuisní agus aolchoinnle. Is léir ó ghraifítí sna huaimheanna gur i 1213 a tháinig na chéad turasóirí anseo.

Tá tionchar na gcomharsan go tréan ar chócaireacht na Slóivéine. Ón Ostair a thagann Strudel agus Wiener Schnitzel . Thug an Iodáil risotto agus ravioli agus an Ungáir gúlais. Císte traidisiúnta Slóivéineach is ea an potica , a dhéantar trí chiseal taois a rolláil le gallchnónna.

I measc na Slóivéineach is clúití tá an fisiceoir Jožef Stefan, an teangeolaí Franc Miklošič agus an t-ailtire Jože Plečnik.

Useful links

TEAGMHÁIL

Eolas ginearálta – fiosruithe

Glaoigh ar
00 800 6 7 8 9 10 11 Féach mionsonraí na seirbhíse

Cuir do cheisteanna chugainn ar r-phost

Sonraí teagmhála agus cuairte d'institiúidí, teagmhálacha preasa

an tSlóivéin

Cabhraigh linn feabhsú

An bhfuair tú an t-eolas a bhí uait?

FuairNí bhfuair

Cad a bhí uait?

An bhfuil aon mholtaí agat?