Il-Pajjiżi l-BaxxiIl-Pajjiżi l-Baxxi

Is-sena li fiha ssieħbet fl-UE: Membru fundatur (1952)

Il-belt kapitali: Amsterdam

Żona totali: 41,526 km²

Popolazzjoni: 16.4 miljun

Munita: Membru taż-żona tal-ewro mill-1999 (€)

Żona Schengen: Membru taż-żona Schengen mill-1985

Il-Pajjiżi l-Baxxi

Il-Pajjiżi l-Baxxi, kif jindika ismu bil-lingwa originali (Nederland), hu territorju baxx, b'terz tal-pajjiż fil-livell tal-baħar jew taħtu. Ħafna żoni huma mħarsa mill-għargħar permezz ta’ digi u ħitan mibnija fil-baħar. Ħafna art inkisbet mill-baħar, bl-aktar eżempju riċenti jkun il-polder ta’ Flevoland.

Il-Parlament Olandiż (jew Staten Generaal) jikkonsisti f’żewġt ikmamar. L-ewwel fosthom b'75 membru hija eletta indirettament u għandha setgħat limitati. It-tieni kamra, jew kamra minuri, hija eletta direttament. Il-membri taż-żewġt ikmamar iservu mandat ta’ erba’ snin. Ladarba s-sistema tal-pajjiż magħmula minn ħafna partiti, kull gvern ikollu jkun wieħed ta’ koalizzjoni.

L-attività industrijali fil-Pajjiżi l-Baxxi tippredomina fl-ipproċessar tal-ikel, il-kimiċi, ir-raffinar taż-żejt, l-elettriku u l-makkinarju elettroniku. Il-pajjiż għandu settur agrikolu dinamiku u hija magħrufa sew għall-pjanti u fjuri tagħha. Il-port ta’ Rotterdam huwa l-aktar wieħed kummerċjuż fl-Ewropa, u jservi firxa ta’ art estensiva ferm li twassal sal-Ġermanja u l-Ewropa ċentrali.

Fil-Pajjiż l-Baxxi nsibu bosta pitturi ta' fama. Is-Seklu 17 kien l-epoka tal-Maestri Olandiżi, bħal Rembrandt van Rijn, Johannes Vermeer u Jan Steen. Is-Seklu 19 u 20, min-naħa tagħhom ma naqsux li jagħtu artisti ta’ kalibru kbir bħal Vincent van Gogh u Piet Mondriaan.

L-ispeċjalitajiet kulinari Olandiżi li jissemmew ferm jinkludu l-aringi nejjin, is-sallura iffumikata u s-soppa tal-piżelli, kif ukoll varjetà kbira ta' ġobnijiet bħall-Edam jew il-Gouda.

Links utli

Il-Pajjiżi l-Baxxi

Għina nitjiebu

Sibt l-informazzjoni li kont qed tfittex?

IvaLE

X'kont qed tfittex?

Għandek xi suġġerimenti?