Il-GreċjaIl-Greċja

Is-sena li fiha ssieħbet fl-UE: 1981

Il-belt kapitali: Ateni

Żona totali: 131,957 km²

Popolazzjoni: 11.2 miljun

Munita: Membru taż-żona tal-ewro mill-2001 (€)

Żona Schengen: Membru taż-żona Schengen mill-1992

Il-Greċja

Qrib salib it-toroq bejn l-Ewropa u l-Ażja, il-Greċja tifforma l-parti t'isfel nett tal-peninżula Balkanika fix-xlokk tal-Ewropa. It-territorju tagħha jinkludi ’l fuq minn elfejn gżira fl-ibħra Eġew u Jonju, li fosthom madwar 165 biss jgħixu n-nies fihom. Il-Muntanja Olimpus hija l-ogħla punt tal-pajjiż.

Il-Greċja hija wieħed mill-postijiet fejn iċ-ċiviltà Ewropea rat il-bidu tagħha filwaqt li l-akkademiċi tagħha tal-imgħoddi taw spinta kbira 'l quddiem lill-filosofija, il-mediċina, il-matematika u l-astronimija. L-istati-bliet Griegi kienu minn tal-bidu nett li żvilupp għamliet ta' gvern demokratiku. L-eku tal-patrimonju storiku u kulturali Grieg għadu sal-ġurnata tal-lum jinħass fil-letteratura, l-arti, il-filosofija u l-politika tad-dinja moderna.

Il-Greċja moderna għandha struttura repubblikana msejsa fuq il-kostituzzjoni tal-1975. It-300 membru tal-parlament unikamerali jittellgħu b'elezzjoni għal perjodu ta' erba' snin. Il-pajjiż huwa maqsum fi 13-il reġjun amministrattiv.

Aktar minn 50% tal-industrija Griega tinsab fiż-żona ta' madwar Ateni. Is-setturi ekonomiċi prinċipali huma l-agrikoltura, it-turiżmu, il-kostruzzjoni u t-trasport bil-baħar.

L-aktar Griegi kontemporanji magħrufa jinkludu lid-direttur tal-films Kostas Gavras, ir-rebbieħ tal-Premju Nobel Odysseus Elitis u l-kompożitur Mikis Theodorakis.

Il-kċina Griega hija bbażata fuq il-laħam tal-mogħoż u l-ħaruf. Il-ħut huwa popolari wkoll. Iż-żejt taż-żebbuġa, li huwa prodott f’kwantitajiet kbar, jagħti dik it-togħma li tiddistingwi l-ikel Grieg.

Links utli

Il-Greċja

Għina nitjiebu

Sibt l-informazzjoni li kont qed tfittex?

IvaLE

X'kont qed tfittex?

Għandek xi suġġerimenti?