You are here:

An Ghearmáin

An Ghearmáin

Tá an Ghearmáin suite idir na hAlpa sa deisceart agus an Mhuir Thuaidh agus Muir Bhailt sa tuaisceart – is aici atá an daonra is mó san AE. Tá teorainn aici leis an Danmhairg sa tuaisceart, leis an bPolainn agus le Poblacht na Seice san oirthear, leis an Ostair agus an Eilvéis sa deisceart, leis an bhFrainc agus le Lucsamburg san iardheisceart, agus leis an mBeilg agus an Ísiltír san iarthuaisceart. 

Seo na hearnálacha is mó a bhí i ngeilleagar na Gearmáine in 2012 – an tionsclaíocht (25.8 %); an córas riaracháin phoiblí, seirbhísí cosanta, oideachais, sláinte agus oibre sóisialta (18.4 %) agus an trádáil mhórdhíola agus mhiondíola, seirbhísí iompair, cóiríochta agus bia (14.6 %).

Is iad an Fhrainc, na Stáit Aontaithe agus an Ríocht Aontaithe na tíortha is mó a n‑easpórtálann sí earraí chucu agus an Ísiltír, an Fhrainc agus an tSín is mó a n‑iompórtálann sí earraí uathu.

Príomhchathair: Beirlín

Achar na tíre: 357 137.2 km2

Daonra: 80 327 900 (2012)

Daonra mar % de dhaonra iomlán an AE: 15.9 % (2012)

Olltáirgeacht intíre: € 2.666 trilliún (2012)

Teangacha oifigiúla de chuid an AE: an Ghearmáinis

Córas polaitíochta: poblacht chónaidhme pharlaiminteach

Ina Ballstát den AE ón: 25 Márta 1957

Líon a Feisirí i bParlaimint na hEorpa: 96

Airgeadra: Ball den limistéar euro English ón 1 Eanáir 1999

Limistéar Schengen: Tá an Ghearmáin ina ball de Limistéar Schengen ón 26 Márta 1995

Uachtaránacht na Comhairle:  Bhí Uachtaránacht Chomhairle an AE faoi chúram na Gearmáine 11 uair idir 1958 agus 2007.

An Ghearmáin san AE

Parlaimint na hEorpa

Tá 96 Feisire ag an nGearmáin i bParlaimint na hEorpa. Seo roinnt eolais faoi na Feisirí sin.

Oifig Pharlaimint na hEorpa sa Ghearmáin

Comhairle an AE

Is é a dhéantar i gComhairle an AE go dtagann airí náisiúnta le chéile go rialta le dlíthe an AE a ghlacadh agus a mbeartais a chomhordú. Bíonn ionadaithe as rialtas na Gearmáine i láthair go rialta ag cruinnithe na Comhairle. Ní hiad na hionadaithe céanna a bhíonn i láthair ag gach cruinniú – tá sin ag brath ar an réimse beartais.

Uachtaránacht Chomhairle an AE

Ní uachtarán buan amháin (fearacht Uachtaráin an Choimisiúin agus na Parlaiminte) atá ar Chomhairle an AE. Ina ionad sin, is í an tír a bhfuil uachtaránacht na Comhairle faoina cúram a stiúrann an obair sin. Bíonn an ról sin ag gach Ballstát ar a sheal ar feadh 6 mhí.

Le linn na tréimhse 6 mhí sin, bíonn airí ó rialtas thír na huachtaránachta i bhfeighil ar chruinnithe na Comhairle sna réimsí beartais éagsúla, glacann siad páirt i leagan amach chláir na gcruinnithe sin agus éascaíonn siad an caidreamh le hinstitiúidí eile an AE.

Na tréimhsí a raibh an uachtaránacht faoi chúram na Gearmáine lena linn:

Iúil-Nollaig 1958 | Iúil-Nollaig 1961 | Iúil-Nollaig 1964 | Iúil-Nollaig 1967 | Iúil-Nollaig 1970 | Ean-Meith 1974 | Iúil-Nollaig 1978 | Ean-Meith 1983 | Ean-Meith 1988 | Iúil-Nollaig 1994 | Ean-Meith 2007

Tuilleadh eolais faoin uachtaránacht atá ar Chomhairle an AE faoi láthair DeustschEnglishfrançaislatviešu valoda.

An Coimisiún Eorpach

Is é Günther Oettinger English an té a cheap an Ghearmáin ina Choimisinéir ar an gCoimisiún Eorpach. An Geilleagar Digiteach agus an tSochaí Dhigiteach na cúraimí atá air.

Tá oifig áitiúil ag an gCoimisiún i ngach Ballstát. "Ionadaíochtaí an Choimisiúin" a thugtar ar na hoifigí sin.

Ionadaíocht an Choimisiúin sa Ghearmáin

Coiste Eacnamaíoch agus Sóisialta na hEorpa

24 ionadaí English ag an nGearmáin ar an gCoiste Eacnamaíoch agus Sóisialta. Eagraíocht chomhairleach atá sa choiste sin – ina bhfuil fostóirí, oibrithe agus grúpaí leasa eile. Téann na hinstitiúidí i dteagmháil leis chun comhairle a fháil i dtaobh dlíthe atá beartaithe le go mbeidh tuiscint níos fearr acu ar an tionchar a bheadh ag na dlíthe sin ar dhálaí oibre agus sóisialta sna Ballstáit.

Coiste na Réigiún

24 ionadaí English ag an nGearmáin ar Choiste na Réigiún, sin tionól d'ionadaithe réigiúnacha agus áitiúla ar leibhéal an AE. Téann na hinstitiúidí i dteagmháil leis an gcoiste sin chun comhairle a fháil i dtaobh dlíthe atá beartaithe le gur féidir an dearcadh atá ag gach réigiún faoi leith san AE i dtaobh na ndlíthe sin a thuiscint agus a chur san áireamh.

Buanionadaíocht chuig an AE

Bíonn an Ghearmáin i dteagmháil freisin le hinstitiúidí an AE tríd an mbuanionadaíocht atá aici sa Bhruiséil. Sin "ambasáid na Gearmáine chuig an AE" agus is é is príomhchúram di deimhin a dhéanamh de go bhfuil leasanna agus beartais na tíre á gcur chun cinn go héifeachtach san AE.

Buiséid agus Maoiniú

An méid airgid a thugann an Ghearmáin don AE agus an méid a fhaigheann sí ar ais

Tá an méid airgid a íocann na Ballstáit isteach i mbuiséad an AE roinnte go cothrom eatarthu de réir na n-acmhainní atá ag gach tír ar leith. Íocann na tíortha sin a bhfuil geilleagair mhóra acu níos mó airgid isteach sa bhuiséad ná na tíortha sin a bhfuil geilleagair bheaga acu. Níl sé mar aidhm le buiséad an AE an rachmas a athdháileadh, ach cuirtear béim ar riachtanais mhuintir na hEorpa ina n‑iomláine. 

Miondealú ar chaidreamh airgeadais na Gearmáine leis an AE in 2012: 

  • Caiteachas iomlán an AE sa Ghearmáin – € 12.245 billiún
  • Caiteachas iomlán an AE mar % d'olltáirgeacht intíre na Gearmáine – 0.45 %
  • Ranníocaíocht iomlán na Gearmáine isteach i mbuiséad an AE – € 22.820 billiún
  • Ranníocaíocht na Gearmáine isteach i mbuiséad an AE mar % d'olltáirgeacht intíre na tíre – 0.85 % 

Tuilleadh figiúirí faoi bhuiséad, ioncam agus caiteachas an AE:

Tionscadail sa Ghearmáin a fuair maoiniú ón AE

An t-airgead a d'íoc an Ghearmáin isteach i mbuiséad an AE, úsáidtear é le cláir agus tionscadail a mhaoiniú i dtíortha uile an AE – m.sh. déanamh bóithre, maoiniú do thaighdeoirí agus cosaint an chomhshaoil.

Tuilleadh eolais faoin gcaoi a dtéann an maoiniú ón AE chun tairbhe don Ghearmáin DeutschEnglishespañolpolskiportuguêssuomisvenska.

Eolas praiticiúil