an Fhraincan Fhrainc

Bliain iontrála san AE: Ball bunaithe (1952)

Príomhchathair: Páras

Achar iomlán: 550,000 km²

Daonra: 64.3 milliún

Airgeadra: Ball de limistéar an euro ó 1999 (€)

Limistéar Schengen: Ball de limistéar Schengen ó 1985

an Fhrainc

Is í an Fhrainc an tír is mó san AE, í ag síneadh ón Muir Thuaidh chuig an Meánmhuir. Tá an tírdhreach éagsúil, le sléibhte thoir agus theas, ina measc binn Alpach Mont Blanc (4 810 m), an pointe is airde in iarthar na hEorpa. Ceithre abhantrach atá in ísealchríocha na Fraince, an Seine ó thuaidh, an Loire agus an Garonne a shníonn siar agus an Rhône, a shníonn ó Loch na Ginéive go dtí an Mheánmhuir.

Tá ról tábhachtach polaitiúil ag uachtarán na Poblachta. Eisean a bhíonn mar chathaoirleach ar chruinnithe Chomhairle na nAirí (comh-aireacht), agus is aige atá an fhreagracht fhoriomlkán as eochair-réimsí amhail gnóthaí eachtracha agus cosaint. Faoin bpríomh-aire a bhíonn reáchtáil na tíre ó lá go lá. Trí vótáil dhíreach an phobail do thréimhse cúig bliana a thoghtar an t-uachtarán. Sa pharlaimint tá an Comhthionól Náisiúnta, a thoghtar go díreach gach cúig bliana, agus Seanad a roghnaíonn togh-choláiste a mbaill.

Tá ard-gheilleagar tionsclaíoch agus earnáil feirmeoireachta éifeachtach ag an bhFrainc. Ar na príomhghníomhaíochtaí tá monarú gluaisteán, aeraspás, teicneolaíocht na faisnéise, leictreonaic, ceimiceáin is cógaisíocht agus faisean.

Ón bhFrainc a tháinig cuid de na scríbhneoirí agus smaointeoirí is mó tionchar sa mhór-roinn, ó Descartes agus Pascal sa 17ú Céad, go Rousseau agus Voltaire san 18ú, Balzac, Baudelaire agus Flaubert sa 19ú agus Sartre is Camus san 20ú Céad. Le dhá chéad bliain anuas thug sí uaithi saothair ealaíne Renoir, Monet, Cezanne, Gauguin, Matisse agus Braque, mura luafaí ach cúpla ainm.

Tá cócaireacht na Fraince ar na cinn is fearr san Eoraip; cuid de chultúr is de stíl bheatha na Fraince is ea cócaireacht agus ithe.

Useful links

TEAGMHÁIL

Eolas ginearálta – fiosruithe

Glaoigh ar
00 800 6 7 8 9 10 11 Féach mionsonraí na seirbhíse

Cuir do cheisteanna chugainn ar r-phost

Sonraí teagmhála agus cuairte d'institiúidí, teagmhálacha preasa

an Fhrainc

Cabhraigh linn feabhsú

An bhfuair tú an t-eolas a bhí uait?

FuairNí bhfuair

Cad a bhí uait?

An bhfuil aon mholtaí agat?