Cosán nascleanúna

You are in the principal navigation of the site

An Eastóin

Is í an Eastóin an tír is faide ó thuaidh de na trí Stát Bhaltacha. Tá sí suite ar chósta thoir Mhuir Bhailt agus is talamh réidh atá inti den chuid is mó.

Seo na hearnálacha is mó a bhí i ngeilleagar na hEastóine in 2012 – an trádáil mhórdhíola agus mhiondíola, seirbhísí iompair, cóiríochta agus bia (22.2 %); an tionsclaíocht (21.2 %) agus an córas riaracháin phoiblí, seirbhísí cosanta, oideachais, sláinte agus oibre sóisialta (14.4 %).

Is iad an tSualainn, an Fhionlainn agus an Rúis na tíortha is mó a n‑easpórtálann sí earraí chucu agus an Fhionlainn, an Ghearmáin, agus an tSualainn is mó a n‑iompórtálann sí earraí uathu.

Príomhchathair: Taillinn

Achar na tíre: 45 227.0 km2

Daonra: 1 325 217 (2012)

Daonra mar % de dhaonra iomlán an AE: 0.3 % (2012)

Olltáirgeacht intíre: € 17.415 billiún (2012)

Teangacha oifigiúla an AE: an Eastóinis

Córas polaitíochta: poblacht pharlaiminteach

Ina Ballstát den AE ón: 1 Bealtaine 2004

Líon a Feisirí i bParlaimint na hEorpa: 6

Airgeadra: Ball den limistéar euro English ón 1 Eanáir 2011

An féidir dul isteach sa tír gan phas? Is féidir. Ball de Limistéar Schengen ón 1 Bealtaine 2004

Uachtaránacht na Comhairle: Beidh Uachtaránacht Chomhairle an AE faoi chúram na hEastóine den chéad uair riamh in 2018.

Tuilleadh eolais

An Eastóin san AE

Parlaimint na hEorpa

Tá 6 Fheisire ag an Eastóin i bParlaimint na hEorpa. Seo roinnt eolais faoi na Feisirí sin.

Oifig Pharlaimint na hEorpa san Eastóin eesti keel

Comhairle an AE

Is é a dhéantar i gComhairle an AE go dtagann airí náisiúnta le chéile go rialta le dlíthe an AE a ghlacadh agus a mbeartais a chomhordú. Bíonn ionadaithe as rialtas na hEastóine i láthair go rialta ag cruinnithe na Comhairle. Ní hiad na hionadaithe céanna a bhíonn i láthair ag gach cruinniú – tá sin ag brath ar an réimse beartais.

Uachtaránacht Chomhairle an AE

Ní uachtarán buan amháin (fearacht Uachtaráin an Choimisiúin agus na Parlaiminte) atá ar Chomhairle an AE. Ina ionad sin, is í an tír a bhfuil uachtaránacht na Comhairle faoina cúram a stiúrann an obair sin. Bíonn an ról sin ag gach Ballstát ar a sheal ar feadh 6 mhí.

Le linn na tréimhse 6 mhí sin, bíonn airí ó rialtas thír na huachtaránachta i bhfeighil ar chruinnithe na Comhairle sna réimsí beartais éagsúla, glacann siad páirt i leagan amach chláir na gcruinnithe sin agus éascaíonn siad an caidreamh le hinstitiúidí eile an AE.

Na tréimhsí a mbeidh an uachtaránacht faoi chúram na hEastóine lena linn:

Ean-Meith 2018

Tuilleadh eolais faoin uachtaránacht atá ar Chomhairle an AE Englishfrançaisitaliano faoi láthair.

An Coimisiún Eorpach

Is é Andrus Ansip English an té a cheap an Eastóin ina Choimisinéir ar an gCoimisiún Eorpach. Eisean an Leas-Uachtarán a bhfuil an Margadh Aonair Digiteach faoina chúram.

Tá oifig áitiúil ag an gCoimisiún i ngach Ballstát. "Ionadaíochtaí an Choimisiúin" a thugtar ar na hoifigí sin.

Ionadaíocht an Choimisiúin san Eastóin

Coiste Eacnamaíoch agus Sóisialta na hEorpa

7 n-ionadaí English ag an Eastóin ar an gCoiste Eacnamaíoch agus Sóisialta. Eagraíocht chomhairleach atá sa choiste sin – ina bhfuil fostóirí, oibrithe agus grúpaí leasa eile. Téann na hinstitiúidí i dteagmháil leis chun comhairle a fháil i dtaobh dlíthe atá beartaithe le go mbeidh tuiscint níos fearr acu ar an tionchar a bheadh ag na dlíthe sin ar dhálaí oibre agus sóisialta sna Ballstáit.

Coiste na Réigiún

7 n-ionadaí English ag an Eastóin ar Choiste na Réigiún, sin tionól d'ionadaithe réigiúnacha agus áitiúla ar leibhéal an AE. Téann na hinstitiúidí i dteagmháil leis an gcoiste sin chun comhairle a fháil i dtaobh dlíthe atá beartaithe le gur féidir an dearcadh atá ag gach réigiún faoi leith san AE i dtaobh na ndlíthe sin a thuiscint agus a chur san áireamh.

Buanionadaíocht chuig an AE

Bíonn an Eastóin i dteagmháil freisin le hinstitiúidí an AE tríd an mbuanionadaíocht atá aici sa Bhruiséil. Sin "ambasáid na hEastóine chuig an AE" agus is é is príomhchúram di deimhin a dhéanamh de go bhfuil leasanna agus beartais na tíre á gcur chun cinn go héifeachtach san AE.

Buiséid agus Maoiniú

An méid airgid a thugann an Eastóin don AE agus an méid a fhaigheann sí ar ais

Tá an méid airgid a íocann na Ballstáit isteach i mbuiséad an AE roinnte go cothrom eatarthu de réir na n-acmhainní atá ag gach tír ar leith. Íocann na tíortha sin a bhfuil geilleagair mhóra acu níos mó airgid isteach sa bhuiséad ná na tíortha sin a bhfuil geilleagair bheaga acu. Níl sé mar aidhm le buiséad an AE an rachmas a athdháileadh, ach cuirtear béim ar riachtanais mhuintir na hEorpa ina n‑iomláine. 

Miondealú ar chaidreamh airgeadais na hEastóine leis an AE in 2012: 

  • Caiteachas iomlán an AE san Eastóin: € 954 milliún
  • Caiteachas iomlán an AE mar % d'olltáirgeacht intíre na hEastóine: 5.88 %
  • Ranníocaíocht iomlán na hEastóine isteach i mbuiséad an AE: € 153.5 milliún
  • Ranníocaíocht na hEastóine isteach i mbuiséad an AE mar % d'olltáirgeacht intíre na tíre: 0.95 % 

Tuilleadh figiúirí faoi bhuiséad, ioncam agus caiteachas an AE:

Tionscadail san Eastóin a fuair maoiniú ón AE

An t-airgead a d'íoc an Eastóin isteach i mbuiséad an AE, úsáidtear é le cláir agus tionscadail a mhaoiniú i dtíortha uile an AE – m.sh. déanamh bóithre, maoiniú do thaighdeoirí agus cosaint an chomhshaoil.

Tuilleadh eolais faoin gcaoi a dtéann an maoiniú ón AE chun tairbhe don Eastóin.

Eolas praiticiúil