Mogħdija tan-navigazzjoni

Il-BelġjuIl-Belġju

Is-sena li fiha ssieħbet fl-UE: Membru fundatur (1952)

Il-belt kapitali: Brussell

Żona totali: 30,528 km²

Popolazzjoni: 10.7 miljun

Munita: Membru taż-żona tal-ewro mill-1999 (€)

Żona Schengen: Membru taż-żona Schengen mill-1985

Il-Belġju

Mappa dettaljata - ikklikkja fuq il-mappa

Il-Belġju huwa stat federali maqsum fi tliet reġjuni: L-art Fjamminga fin-naħa ta’ fuq fejn jitkellmu bl-Olandiż, il-Wallonja fin-naħa t'isfel fejn jitkellmu bil-Franċiż u Brussell, il-kapitali bilingwa, fejn kemm il-Franċiż kif ukoll l-Olandiż huma lingwi uffiċjali. Hemm ukoll minorità żgħira ta’ xi 70,000 ruħ li jitkellmu bil-Ġermaniż fil-parti tal-lvant tal-pajjiż.

Il-pajsaġġi fil-Belġju jvarjaw ferm: Hemm 67 kilometru ta’ kosta mal-baħar u pjanuri kostali ċatti tul xatt il-Baħar tat-Tramuntana. Fiċ-ċentru jiddominaw l-għoljiet u fix-xlokk tal-pajjiż insibu r-reġjun tal-Ardennes li huwa miżgħud b'foresti xxuxxati.

Brussell tospita għadd ta’ organizzazzjonijiet internazzjonali: il-maġġorparti tal-istituzzjonijiet Ewropej jinsabu hawn kif ukoll il-kwartieri ġenerali tan-NATO.

Independenti sa mill-1830, il-Belġju huwa monarkija kostituzzjonali. Iż-żewġ kmamar tal-Parlament huma l-Kamra tar-Rappreżentanti, li l-membri fi ħdanha jittellgħu għal perjodu massimu ta’ erba’ snin, u s-Senat jew kamra superjuri, li l-membri tiegħu jistgħu jew jittellgħu f’elezzjoni inkella jiġu kkooptjati. Minħabba l-formazzjoni politika tiegħu, il-Belġju ġeneralment jitmexxa minn gvernijiet ta' koalizzjoni.

Fost l-aktar Belġjani famużi nsibu lil Georges Rémi (Hergé), l-inventur ta’ Tintin, il-kittieba Georges Simenon u Hugo Claus, il-kompożitur u kantant Jacques Brel u ċ-ċiklista Eddy Merckx. Pitturi bħal James Ensor, Paul Delvaux u René Magritte huma s-suċċessuri moderni ta’ Rubens u l-maestri Fjammingi l-oħra tal-imgħoddi.

Il-Belġju huwa famuż għaċ-ċikkulata, li tintgħoġob madwar id-dinja kollha. Platt favorit huwa l-molluski biċ-ċips li, skont ma tirrakonta l-leġġenda, huma invenzjoni Belġjana. Barra minn hekk il-pajjiż jipproduċi 'l fuq minn 1,000 tipi ta' birra.

Links utli

Il-Belġju

Għina nitjiebu

Sibt l-informazzjoni li kont qed tfittex?

IvaLE

X'kont qed tfittex?

Għandek xi suġġerimenti?

Ma sibtx li ridt? Ipprova l-Indiċi A saż-ŻABĊDEFĠGGħHĦIIEJKLMNOPQRSTUVWXŻZ