Doirse oscailte in institiúidí an AE
Le Lá na hEorpa a cheiliúradh, osclóidh institiúidí an AE a gcuid doirse don phobal go luath i mí na Bealtaine sa Bhruiséil agus in Strasbourg. In oifigí áitiúla an AE san Eoraip agus ar fud an domhain eagraítear gníomhaíochtaí agus imeachtaí éagsúla don uile aois.
Gach bliain glacann na mílte duine páirt i dturais, díospóireachtaí, ceolchoirmeacha, agus imeachtaí eile leis an lá a chomóradh agus le feasacht faoin AE a mhúscailt.
Cad tá ar siúl i mbliana?
Doirse Oscailte na Bruiséile: 4 Bealtaine 2013, 10:00 - 18:00
-
An bhfuil eolas agat faoi do chearta mar shaoránach Eorpach? Glac páirt i ndíospóireacht faoi Bhliain Eorpach na Saoránach agus faigh amach conas mar a oibríonn an Pharlaimint. Tar agus glac páirt sna gníomhaíochtaí ar an Esplanade.
Tuilleadh eolais
-
Osclóidh Comhairle an Aontais Eorpaigh agus an Chomhairle Eorpach a gcuid doirse don phobal. Tar chugainn agus feicfidh tú an áit ina ndéanann Cinn Stáit agus Rialtais Bhallstáit an AE a gcinntí.
-
Faigh amach faoi obair fhadréimseach an Choimisiúin Eorpaigh - Foirgneamh Berlaymont agus an Ceantar Eorpach 10.00 -18.00 – agus glac páirt i ndíospóireachtaí poiblí ar fud na Bruiséile.
Tuilleadh eolais
-
Féach mar a dhéanann an AE ionadaíocht thar do cheann ar fud na cruinne! Cuir aithne ar an tSeirbhís Eorpach Gníomhaíochta Seachtraí agus faigh amach faoi ghníomhaíochtaí an AE ar fud an domhain, mar atá misin sibhialtach agus oibríochtaí míleata.
Tuilleadh eolais
-
Faigh amach faoi obair agus gníomhaíochtaí an Choiste Eacnamaíoch agus Shóisialta. Buail lenár gComhaltaí le plé a dhéanamh ar cad is saoránach Eorpach ann agus bain taitneamh as gníomhaíochtaí don teaghlach iomlán.
Tuilleadh eolais
-
Tabhair cuairt ar Fhoirgneamh Jacques Delors le fáil amach faoin iliomad gníomhaíochtaí atá ag Coiste na Réigiún agus téigh i dtaithí ar rachmas ilchultúrtha réigiúin agus chathracha na hEorpa.
Tuilleadh eolais
-
Tar agus lig do scíth ag seastán an Mhaoirseora Eorpaigh um Chosaint Sonraí. Tar chun cainte linn faoi do chearta príobháideachais, do chuid faisnéise pearsanta a chosaint má tá tú ar cur isteach ar phost, ag úsáid d'fhón póca nó ag siopadóireacht ar líne.
Tuilleadh eolais
-
Cá bhfaighidh saoránaigh agus eagraíochtaí cabhair má tá fadhbanna acu le riarachán an AE? Tabhair cuairt ar sheastán an Ombudsman Eorpaigh (laistigh den Pharlaimint) agus bí ar an eolas!
-
Seo deis bualadh le hiniúchóirí an AE. Faigh amach conas a chosnaíonn siad leasanna airgeadais shaoránaigh an AE agus mar a éascaíonn siad obair an AE. Tabhair cuairt ar sheastán Chúirt Iniúchóirí na hEorpa in Asplanád Pharlaimint na hEorpa.
Íoslódáil an clár iomlán don Bhruiséil
-
Má thugann tú cuairt ar Dhoirse Oscailte an AE sa Bhruiséil, ná caill féile Réigiún na Bruiséile – Fête de l'Iris
/ Irisfeest
Doirse Oscailte Strasbourg: 19 Bealtaine 2013, 10:00 - 18:00
-
Tabhair cuairt ar an t-aon institiúid a thoghann na saoránaigh ar leibhéal na hEorpa agus faigh amach conas mar a oibríonn an Pharlaimint. Glac páirt i ndíospóireacht faoi Bhliain Eorpach na Saoránach i dteannta Fheisirí na hEorpa.
Tuilleadh eolais
-
Cá bhfaighidh saoránaigh agus eagraíochtaí cabhair má tá fadhbanna acu le riarachán an AE? Tabhair cuairt ar sheastán an Ombudsman Eorpaigh (laistigh den Pharlaimint) agus bí ar an eolas!
-
Seo deis bualadh le hiniúchóirí an AE. Faigh amach conas a chosnaíonn siad leasanna airgeadais shaoránaigh an AE agus mar a éascaíonn siad obair an AE. Tabhair cuairt ar sheastán Chúirt Iniúchóirí na hEorpa i bhfoirgneamh Winston Churchill.
Íoslódáil an clár iomlán do Strasbourg
Faigh amach faoi ghníomhaíochtaí Lá na hEorpa ar fud na hEorpa
Gníomhaíochtaí Lá na hEorpa sna tíortha seo a leanas:
- Roghnaigh tír
- An Eastóin
- An Fhionlainn
- An Fhrainc
- An Iodáil
- An Liotuáin
- An Ostair
- An Phortaingéil
- An Spáinn - Maidrid
- An Spáinn - Barcelona
- An tSlóvaic
- An tSlóivéin
- An tSualainn
- An Ungáir
- Éire
- Lucsamburg
- Málta
Gníomhaíochtaí Lá na hEorpa ar fud na cruinne
Eagróidh Toscaireachtaí an AE gníomhaíochtaí i gcomhar le hambasáidí na mBallstát ina dtíortha aíochta faoin téama an Eoraip sa Domhan Mór. Trí léachtaí, comórtais, féilte scannán agus ócáidí eile, léireofar scoth na hEorpa.
Tuilleadh eolais
Cad chuige Lá na hEorpa?
Lá na hEorpa (9 Bealtaine) déantar ceiliúradh ar shíocháin agus ar aontacht san Eoraip. Is cothrom an lae sin a tugadh 'dearbhú stairiúil Schuman'. Ag óráid i bPáras in 1950, rinne aire gnóthaí eachtracha na Fraince, Robert Schuman, an smaoineamh a bhí aige do chomhar nua polaitiúil san Eoraip a leagan amach, rud a chinnteodh nach smaoineofaí go deo arís ar chogadh idir náisiúin na hEorpa.
Ba é an fhís a bhí aige institiúid Eorpach a chruthú a dhéanfadh comhthiomsú agus bainistiú ar tháirgeadh guail agus cruach. Síníodh conradh lenar cruthaíodh an comhlacht sin bliain níos déanaí nó geall leis. Beidh institiúidí an AE ag oscailt a ndoirse don phobal.
Físeán de lá na ndoirse oscailte, 2012:
Póstaeir Lá na hEorpa 1996-2013
Gach bliain, roghnaítear an póstaer is fearr a léiríonn brí an AE le seasamh do Lá na hEorpa. Caith súil ar bhuaiteoirí blianta eile sna póstaeir thíos.
