Mogħdija tan-navigazzjoni

  • Kif taħdem l-UE
    • Informazzjoni bażika
    • Istituzzjonijiet, korpi u aġenziji
    • Xogħol għal u mal-UE

Il-Premju Nobel għall-Paċi 2012 mogħti lill-Unjoni Ewropea, sena wara

Fl-2012 l-UE rċeviet il-Premju Nobel għall-Paċi għall-ħidma tagħha favur il-paċi, ir-rikonċiljazzjoni, id-demokrazija u d-drittijiet tal-bniedem fl-Ewropa.

L-UE ddeċediet li tiddedika l-flus tal-Premju Nobel għall-Paċi lit-tfal li huma mċaħħdin mill-opportunità li jikbru fil-paċi u li tirdoppja l-ammont tal-premju Nobel (€930,000), għal €2 miljun. Bħala riżultat, aktar minn 28,000 tifel u tifla s’issa bbenefikaw minn erba’ proġetti ta' edukazzjoni ta' emerġenza magħżula s-sena li għaddiet.

Bħala l-wirt politiku dejjiemi tal-Premju Nobel għall-Paċi, u bħala għodda mmirata għall-edukazzjoni f’żoni ta’ kunflitt, l-UE se tkompli din l-inizjattiva fis-snin li ġejjin. Għall-2013, l-UE reġgħet irduppjat ir-riżorsi u tat €4 miljun biex tkopri l-proġetti eżistenti u oħrajn ġodda.

  • Id-diskors ta' aċċettazzjoni tal-Premju Nobel għall-Paċi lill-UE 2012 pdf - 498 KB [498 KB] български (bg) čeština (cs) dansk (da) Deutsch (de) eesti keel (et) ελληνικά (el) English (en) español (es) français (fr) Gaeilge (ga) hrvatski (hr) italiano (it) latviešu valoda (lv) lietuvių kalba (lt) magyar (hu) Nederlands (nl) polski (pl) português (pt) română (ro) slovenčina (sk) slovenščina (sl) suomi (fi) svenska (sv)
  • Aktar informazzjoni dwar il-proġetti li qed jiġu ffinanzjati mill-flus tal-Premju Nobel għall-Paċi Englishfrançais
  • Edukazzjoni għall-Paċi Opportunitajiet ġodda għat-Tfal f'Kunflitt English

Il-Premju Nobel għall-Paċi 2012

Meta ngħata l-Premju Nobel għall-Paċi lill-UE, il-Kumitat Norveġiż tal-Premju Nobel qal li d-deċiżjoni tiegħu kienet ibbażata fuq ir-rwol ta' stabbiltà li l-UE kellha biex tibdel il-biċċa l-kbira tal-Ewropa minn kontinent ta' gwerer għal kontinent ta' paċi.

L-aktar suċċess importanti tal-UE, skont il-kumitat, kien "il-ġlieda b'suċċess favur il-paċi u r-rikonċiljazzjoni u favur id-demokrazija u d-drittijiet tal-bniedem".

Il-ħdima tal-UE tirrappreżenta l-"fraternità bejn in-nazzjonijiet" u tammonta għal forma tal-"kungressi ta' paċi" kkwotati minn Alfred Nobel bħala l-kriterji għall-Premju tal-Paċi fit-testment tiegħu tal-1895.

L-Unjoni Ewropea hi l-21 organizzazzjoni internazzjonali li rebħet il-premju mill-1901 'l hawn.

  • Id-dikjarazzjoni sħiħa mill-Kumitat tal-Premju Nobel English
  • Dikjarazzjoni Konġunta tal-Kummissjoni u l-Kunsill dwar il-Premju Nobel għall-Paċi English
  • Dikjarazzjoni mill-President tal-Parlament Ewropew DeutschEnglishfrançais

Filmati

Ċerimonja tal-għoti tal-premjijiet

Il-premju ngħata f'Oslo fl-10 ta' Diċembru. Bħar-rebbieħa kollha, l-UE rċeviet il-premju mill-president tal-Kumitat Norveġiż tal-Premju Nobel. L-UE kienet rappreżentata mill-President tal-Kunsill Ewropew, il-President tal-Kummissjoni Ewropea u l-President tal-Parlament Ewropew. Id-diskors tradizzjonali tal-Premju Nobel pdf - 498 KB [498 KB] български (bg) čeština (cs) dansk (da) Deutsch (de) eesti keel (et) ελληνικά (el) English (en) español (es) français (fr) Gaeilge (ga) hrvatski (hr) italiano (it) latviešu valoda (lv) lietuvių kalba (lt) magyar (hu) Nederlands (nl) polski (pl) português (pt) română (ro) slovenčina (sk) slovenščina (sl) suomi (fi) svenska (sv) , f'isem l-UE, sar mill-Presidenti Van Rompuy u Barroso. Erba' żgħażagħ Ewropej, rebbieħa tal-kompetizzjoni onlajn organizzata mill-UE (ara hawn taħt) issieħbu mad-Delegazzjoni tal-UE f'Oslo biex jingħataw il-premju.

Il-kompetizzjoni

Biex tiġi ċċelebrata l-premjazzjoni, l-istituzzjonijiet tal-UE u l-Forum Ewropew għaż-Żgħażagħ organizzaw kompetizzjoni li fiha ż-żgħażagħ intalbu jispjegaw xi tfisser għalihom il-paċi fl-Ewropa.

It-tfal bejn 8 u 12-il sena ntalbu jibagħtu t-tweġiba tagħhom f'forma ta' tpinġija; dawk bejn 13 u 24 sena fil-forma ta' test qasir. Intbagħtu madwar 5,400 tweġiba. Ir-rebbieħa ntgħażlu minn ġurija, ippreseduta mill-awtur tal-kotba tal-komiks Jean Van Hamme, u mill-vot tal-pubbliku fuq Facebook.

Ir-rebbieħa

L-erba' rebbieħa għamlu parti mid-delegazzjoni uffiċjali tal-Unjoni Ewropea f'Oslo biex jirċievu l-Premju għall-Paċi 2012. Huma attendew iċ-ċerimonja uffiċjali fl-10 ta' Diċembru u l-kunċert tal-Premju Nobel tal-Paċi fil-11 ta' Diċembru.

"Il-Premju Nobel għall-Paċi 2012 mhux biss rikonoxximent tal-kisbiet tal-passat tal-UE: iħares ukoll lejn il-futur", qalu l-mexxejja tal-istituzzjonijiet tal-UE. "Dan hu għaliex nixtiequ magħna f'Oslo liż-żgħażagħ Ewropej, li qed jirtu kontinent ta' paċi u li se jkollhom fuq spallejhom ir-responsabbiltà tal-Ewropa tal-ġejjieni".

Aktar dwar il-kompetizzjoni

Aqra l-istħarriġ sħiħ Englishfrançais

Filmati

L-aħjar partijiet tal-Premju Nobel għall-Paċi® 2012

  • L-aħjar partijiet tal-Premju Nobel għall-Paċi® 2012

  • Għax jimpurtana -- naġixxu

  • Tant simili, tant different, tant Ewropej (Teżori moħbija tal-Ewropa)

  • Mill-waqgħa tal-ħajt ta' Berlin sat-tkabbir tal-UE10

 Ara wkoll

Għina nitjiebu

Sibt l-informazzjoni li kont qed tfittex?

IvaLE

X'kont qed tfittex?

Għandek xi suġġerimenti?