You are here:

L-Aġenzija Ewropea għas-Sigurtà u s-Saħħa fuq il-Post tax-Xogħol (EU-OSHA)

Ħarsa ġenerali

  • Rwol: Tiġbor, tanalizza u xxerred informazzjoni għal dawk involuti fis-sikurezza u s-saħħa fuq il-post tax-xogħol
  • Direttur: Dr Christa Sedlatschek
  • Stabbilita: fl-1994
  • Numru ta’ persunal: 67
  • Post: Bilbao (Spanja)
  • Sit web: EU-OSHA

EU-OSHA taħdem biex tagħmel il-postijiet tax-xogħol Ewropej aktar sikuri, aktar tajbin għas-saħħa u aktar produttivi – għall-benefiċċju tan-negozji, il-ħaddiema u l-gvernijiet. L-aġenzija tippromwovi kultura ta’ prevenzjoni tar-riskju biex jittejbu l-kundizzjonijiet tax-xogħol fl-Ewropa.

X’tagħmel EU-OSHA ?

Struttura

  • Id-Direttur jimmaniġġja lil EU-OSHA u hu responsabbli għall-Bord Governattiv tripartitiku (gvernijiet tal-UE, dawk li jħaddmu, ħaddiema) u l-Kummissjoni Ewropea. Hu jistabbilixxi miri u strateġiji.
  • Il-grupp ta' tmexxija iżgħar tal-Bord, il-Bureau, jissorvelja l-prestazzjoni operazzjonali.
  • Il-gruppi ta' pariri jipprovdu gwida strateġika.
  • In-netwerk ta' informazzjoni magħmul minn punti fokali f'aktar minn 30 pajjiż Ewropew. Nominati minn kull gvern, dawn huma normalment l-awtorità nazzjonali għas-saħħa u s-sigurtà fuq il-post tax-xogħol.

Kif taħdem EU-OSHA?

Kull 5 snin, EU-OSHA tirrevedi l-istrateġija tagħha u dak li qed timmira li tikseb. Wara konsultazzjonijiet wiesgħa mal-Bord u l-istituzzjonijiet tal-UE, hi tfassal programm strateġiku multiannwali (attwalment 2014-2020). Programmi ta’ ħidma annwali dettaljati huma mbagħad speċifikati. L-aġenzija hi essenzjalment organizzazzjoni ta' netwerking, u l-ħidma ma’ organizzazzjonijiet oħrajn fil-livelli kollha — nazzjonali, Ewropew u mad-dinja kollha — hi fil-qalba ta’ kif topera. Dan hu rifless fl-istruttura tripartitika tal-Bord Governattiv tagħha u fin-netwerk l-aktar importanti tagħha ta’ punt fokali nazzjonali li jirrappreżenta rabta kruċjali mal-utenti finali.

EU-OSHA taħdem flimkien:

Min jibbenefika?

Lil min għandna l-għan li nappoġġjaw:

  • lil dawk li jfasslu l-politika nazzjonali u tal-UE
  • lid-ditti, speċjalment il-mikroditti u d-ditti żgħar
  • lill-impjegati u r-rappreżentanti tagħhom
  • lil min iħaddem
  • lill-professjonisti u r-riċerkaturi tal-OSH
  • lill-membri tal-pubbliku fl-UE.

Ma' min naħdmu:

  • mal-punti fokali u n-netwerks tagħhom
  • mal-imsieħba soċjali
  • mal-gvernijiet nazzjonali
  • mal-istituzzjonijiet, il-korpi u l-kumitati Ewropej
  • mal-Parlament tal-UE - Kumitat tal-Impjiegi
  • mal-Kummissjoni tal-UE - DĠ EMPL, DĠ GROW
  • ma' EASME – In-Netwerk Ewropa għall-Intrapriżi
  • mal-Kunsill tal-UE
  • mal-intrapriżi kbar u l-federazzjonijiet settorjali
  • mas-servizzi preventivi
  • mar-riċerkaturi tal-OSH
  • mal-ispetturi tax-xogħol
  • mal-organizzazzjonijiet internazzjonali u reġjonali.
l-Aġenzija Ewropea għas-Saħħa u s-Sigurtà fuq il-Post tax-Xogħol

Dettalji ta' kuntatt

Indirizz

12 Santiago de Compostela
(Edificio Miribilla), 5th Floor
E-48003 Bilbao, SPAIN

Tel
+34 944-358-400
Fax
+34 944-358-401