Minn Umeå (l-Iżvezja) fit-Tramuntana sa Arhanes (Kreta) fin-Nofsinhar, madwar 250 konferenza koordinati, laqgħat ta' ħidma u avvenimenti se jattiraw aktar minn 5 000 parteċipant u 600 espert għall-ġimgħa Ewropea tar-reġjuni u l-ibliet , l-aktar avveniment annwali fil-kalendarju ta' l-UE dwar l-iżvilupp reġjonali u l-okkażjoni ideali sabiex jiġu esplorati possibilitajiet ġodda għat-tkabbir ekonomiku.
L-avveniment ta' din is-sena se jiffoka fuq it-tnedija tal-programmi l-ġodda ta' l-investiment reġjonali għall-2007-13, li jiswa madwar €350 biljun. Matul din il-ġimgħa, fi Brussell, se jsiru seminars dwar dawn il-ħames suġġetti:
- nattiraw l-investituri – reġjuni u bliet juru kif taħdem
- kwistjonijiet ta' prossimità – żvilupp raggruppamenti u żvilupp reġjonali
- infieq bi ħsieb – sħubijiet pubbliċi-privati u inġinerija finanzjarja
- naqsmu l-fruntieri – networking u l-aqwa prassi li jagħtu appoġġ lit-tkabbir ekonomiku u l-impjiegi
- niżguraw l-implimentazzjoni – kif il-programmi l-ġodda qed ikunu implimentati
"l-2007 hija s-sena ta' twettiq għall-politika ta' l-UE dwar il-koeżjoni" qalet il-Kummissjaru għall-politika reġjonali Danuta Hübner. "Ser inwettqu aktar minn 450 programm nazzjonali, reġjonali u bejn il-fruntieri għall-2007-13."
Għall-ewwel darba, din is-sena, se tiġi ppreżentata d-dimensjoni internazzjonali tal-politika reġjonali . Se jiħdu sehem ministri u rappreżentanti reġjonali miċ-Ċina, ir-Russja u l-Brażil, kif ukoll esperti minn pajjiżi oħra li mhumiex membri ta' l-UE u entitajiet internazzjonali.
Din il-ġimgħa hija organizzata mill-kumitat tar-reġjuni u l-Kummissjoni Ewropea flimkien ma' 212 reġjun u belt minn 33 pajjiż Ewropew, kif ukoll negozji, organizzazzjonijiet bankarji u tas-soċjetà ċivili. Għal darb'oħra din is-sena, l-imsieħba pubbliċi u privati se jiltaqgħu fil-café ta' l-investituri , ikopru seba' suġġetti ewlenin (it-trasport, l-enerġija, l-ambjent, is-saħħa, ir-riċerka, l-inġenjerija finanzjarja u l-innovazzjoni). Filwaqt li jixorbu l-kafe, il-parteċipanti se jkunu jistgħu jsegwu 50 seminar u laqgħat ta' ħidma marbuta flimkien.
"Il-ġranet għall-pubbliku se jservu ta' vetrina għal dawn ir-reġjuni u bliet għat-tagħrif u l-intelliġenza kreattiva u jibni netwerks ibbażati fuq is-suċċessi eċċezzjonali" qal il-president tal-kumitat tar-reġjuni Michel Delebarre.
Fittex avveniment tal-ġranet għall-pubbliku viċin tiegħek
Reklam dwar il-ġranet għall-pubbliku