Iż-żgħażagħ qed jinġabru għall-ħames Jum ir-Rebbiegħa fl-Ewropa sabiex jiddibattu l-valuri tagħhom, l-kisbiet u d-direzzjoni għal ġejjieni ta' l-Ewropa. filwaqt li jitgħallmu aktar u jiltaqgħu ma' personalitajiet pubbliċi Ewropej. L-avveniment, beda fis-26 ta' Marzu - li ġurnata ta' wara l-iffirmar tat-Trattat ta' Ruma – u jibqa għaddej sat-30 ta' Ġunju, din ir-Rebbiegħa tiċċlebra l-aħħar ħamsin sena flimkien billi nħarsu lejn il-futur.
L-avvenimenti qed iseħħu f'aktar minn 4 000 skola primarja u sekondarja madwar l-Ewropa. Kompetizzjonijiet, wirjiet, dibattiti u laqgħat qed iseħħu fl-istess waqt ta' konferenzi onlajn u chats fejn studenti f'pajjiżi differenti jistgħu jagħmlu l-mistoqsijiet tagħhom lill-personalitajiet lokali, nazzjonali jew anke internazzjonali.
Fl-10 u l-11 ta' Mejju, dawn kienu l-Kummissarji Ewropej Leonard Orban (multilingwiżmu) u Margot Wallström (komunikazzjoni).
Fid-9 ta' Mejju , EuropeAid, l-Uffiċċju tal-Kooperazzjoni EuropeAid, ma tilfux l-okkażjoni sabiex jgħamlu kuntatt maż-żgħażagħ u involviet madwar 100,000 studenti bejn l-eta' ta' 13 u 18 fil-proġett Jum l-Ewropa fl-iskola . Nivvjaġġaw lejn l-erba' rkejjen ta' l-Ewropa, madwar 100 uffiċjal li jaħdmu fil-qasam tal-kooperazzjoni esterna żaru aktar minn 4,400 klassijiet sabiex jitkellmu dwar proġetti u attivitajiet imwettqa mill-UE madwar id-dinja.
Mir-realtà drammatika tat-tfal li jgħixu fit-triq tal-Kenja għal ġlieda kontra l-povertà globali, mill-adeżjoni tat-Turkija ma' l-UE sal-migrazzjoni Afrikana, l-azzjonijiet ta' l-UE fil-qasam umanitarju ġew ippreżentati lill-udjenza żgħażugħa f'forma ta' taħdit, kompetizzjonijiet ta' disinni, preżentazzjonijiet teatrali, kunċerti u ħafna aktar.
Kemm Jum ir-Rebbiegħa u Jum l-Ewropa rriżultaw f'suċċess matul is-snin li għaddew fi proġetti ta' l-iskola. Dan sar avveniment integrat bis-sħiħ fil-kalendarju f'numru ta' skejjel Ewropej li dejjem jiżdied.