L-avveniment huwa miftuħ għall-ħaddiema kollha mill-UE, in-Norveġja, l-Iżlanda u l-Iżvizzera li qed ifittxu l-ewwel esperjenza ta' xogħol tagħhom barra minn pajjiżhom.Il-50 rebbieħ se jiġu assistiti min-netwerk EURES f'kull pass ta' l-esperjenza tagħhom, u l-ħaddiema se jiġu mistiedna jiddokumentaw l-impressjonijiet tagħhom permezz ta' blog jew djarju elettroniku.
Fl-2008, se tittella' ċelebrazzjoni bi sħab, li se tiġbor fi ħdanha l-parteċipanti u l-organizzazzjonijiet ospitanti kollha, sabiex dawn jaqsmu l-ideat u l-esperjenzi u jiskopru flimkien x'lezzjonijiet ittieħdu minn din l-inizjattiva.
Inti wkoll tista' tapplika għall-"Ewwel Impjieg Barra minn Pajjiżek" permezz tal-websajt tal-EURES bejn l-24 ta' Settembru u l-15 ta' Ottubru, 2007.
B'netwerk ta' 'l fuq minn 700 konsulent li ta' kuljum jinsabu f'kuntatt ma' dawk li qed ifittxu jew joffru x-xogħol f'kull parti ta' l-Ewropa, il-EURES jipprovdi mhux biss impjiegi, imma wkoll assistenza diretta lill-ħaddiema u l-familji tagħhom.